【賞花懶人包】日本全年花季 總整理!

【賞花懶人包】日本全年花季 總整理!

每年大家都期待日本櫻花盛開的日子吧!其實日本四季分明,地勢由東北向西南延伸,各區自然有唔同嘅季節花卉,值得一賞嘅又點止櫻花一種呢?我哋就根據日本網站資料,幫大家整理出日本嘅全年花季,方便大家隨時查閱賞花情報!

日本嘅花種咁多,我哋就揀出咗7種花卉,按月份整理出全年花季。

 

1. 富士芝櫻 (4月中至5月底)

芝櫻喺北美洲傳入嘅品種,一般有白、粉、紅、紫等顏色。而日本首都圈中最大級嘅芝櫻會場就喺富士山芝櫻祭啦!每年4月中旬起,富士山山腳下就會開滿芝櫻,數量多達800,000棵,形成一片搶眼嘅花海!

【賞花懶人包】日本全年花季 總整理!

【賞花懶人包】日本全年花季 總整理!

芝櫻顏色有好多種,而富士芝櫻就有7個品種,除咗上面6隻顏色,仲有桃紅色嘅Scarlet Frame!

【賞花懶人包】日本全年花季 總整理!

唔少由東京出發嘅人,因為車程偏長,會選擇喺箱根住一日,第二日先去河口湖賞櫻,咁就唔洗趕頭趕命啦!

富士山芝櫻祭
地址:山梨縣南都留郡富士河口湖町本栖212
電話:0555892127

 

2. 粉蝶花 (4月底至5月中)

提到粉蝶花,好多人都會諗起非茨城縣嘅國營日立海濱公園!每年4月底,就會開春天嘅代表花種-粉蝶花,粉藍色嘅花開滿成個山丘,同天空嘅藍色融合成一片,好夢幻!唔少日本人都會特登搭車去朝聖㗎!

【賞花懶人包】日本全年花季 總整理!

花海、天空同大海連成一片,成個view都喺湛藍色!

【賞花懶人包】日本全年花季 總整理!

【賞花懶人包】日本全年花季 總整理!

國營常陸海濱公園
地址:茨城縣常陸那珂市馬渡大沼605-4
電話:0292659001

 

3. 紫藤(4月至5月)

一串串垂落嘅紫藤花海,喺每年4、5月唔可以錯過嘅美景!不過,近年九州、關西同關東地區嘅紫藤花,都有遲開花嘅趨勢,未來即使6月初都可能仲見到盛開嘅紫藤花海。

【賞花懶人包】日本全年花季 總整理!

唔少人都推介去足利花卉公園睇紫藤花,因為果度被美國CNN評選為世界10大夢幻旅遊景點!足利花卉公園有約1000平方米嘅花架,掛滿大藤、白藤同黃花藤,形成一條花隧道!

紫藤花開花順序喺淡紅色、紫色、白色再到黃色,所以唔同時期去,都會睇到截然不同嘅景象!

【賞花懶人包】日本全年花季 總整理!

【賞花懶人包】日本全年花季 總整理!

足利花卉公園
地址:栃木縣足利市迫間町607
電話:0284914939

 

4. 繡球花 (6月)

6月喺日本嘅梅雨季,所以唔少旅客都會避開呢段日子到訪。不過,繡球花最盛放時期就正正喺6月!繡球花又名紫陽花,以鎌倉嘅北鎌倉同長谷區域最為出名!

【賞花懶人包】日本全年花季 總整理!

由於鎌倉喺日本歷史上嘅重要城市,所以當地有好多歷史悠​​久嘅寺院㗎!明月院、東慶寺、圓覺寺等都好出名,而唔同寺院內嘅紫陽花,佢地嘅顏色同形狀都有異,好值得一去!

【賞花懶人包】日本全年花季 總整理!

明月院嘅藍色紫陽花就好有名氣,被稱為「明月院之藍」!

【賞花懶人包】日本全年花季 總整理!

明月園
地址:神奈川縣鐮倉市山之內189
電話:0467243437

5. 薰衣草 (6月底至8月初)

講起薰衣草,當然唔可以唔提北海道富良野啦!富良野薰衣草花田位於丘陵地帶,每年6月底就部分開始盛放,染成一整片粉紫色,吸引好多國內國外旅客去賞花!

【賞花懶人包】日本全年花季 總整理!

因應唔同品種嘅薰衣草,會有唔同嘅賞花期。富良野占地最廣嘅薰衣草喺Okamurasaki,屬於開花期較遲嘅品種,所以到7月中旬先會盛放。

【賞花懶人包】日本全年花季 總整理!

【賞花懶人包】日本全年花季 總整理!

唔少地方都有薰衣草采集體驗場,俾大家親手做手工,大人細路都適合參加!

 

6. 牽牛花(7月)

牽牛花因為有朝早先盛開嘅特性,喺日本被稱為「朝顏花」。東京嘅入谷區就以入谷朝顏祭最出名,每年7月都會大搞花卉市場,除咗賞花,仲可以去埋附近嘅食物攤位同雜貨店,有嘢睇又有嘢買!

【賞花懶人包】日本全年花季 總整理!

【賞花懶人包】日本全年花季 總整理!

會場有差不多一百間花店,俾大家購買牽牛花番去欣賞。有啲人仲會著埋印有牽牛花番去pattern嘅浴衣去!

【賞花懶人包】日本全年花季 總整理!

相比之下,谷朝顏祭比以上介紹過嘅地方較少外國人去,所以想體驗下地道嘅文化,不防去參加下吖!

入谷朝顏祭
地址:台東區下谷1-12-16
電話:0338411800

7. 向日葵 (7月下旬至8月下旬)

講到日本嘅夏天,唔少人仲會諗起「黃色地毯」,姐係超靚嘅向日葵花海呀!一望無際嘅黃色花海,的確係日本夏季必睇嘅絕景,每年都吸引好多香港人去打卡!日本國內有好多個出名嘅向日葵花海。

北杜市明野太陽花節就以360度美景最為出名,因為背面就係南阿爾卑山山脈,向上望又有藍天白雲,所以就被外界稱為有「全景嘅美景」啦!而且,呢個地方嘅日照時間長度係日本第一,開花時間就自然更長啦!

【賞花懶人包】日本全年花季 總整理!

【賞花懶人包】日本全年花季 總整理!

北杜市明野太陽花節
地址:山梨縣北杜市明野町淺尾
電話:0551421423

另一個賞向日葵熱點,就係北海道嘅北龍町向日葵田!超廣闊嘅田地上,開滿150萬棵向日葵,數量絕對驚人!

【賞花懶人包】日本全年花季 總整理!

除左賞花,當地仲會搞好多相關活動去慶祝。好似今年嘅北龍町向日葵祭2017,會場有巨型向日葵迷宮,仲提供遊覽車同單車租借,不時舉行啤酒party、花火大會等活動,好值得去體驗下!

【賞花懶人包】日本全年花季 總整理!

北龍町向日葵祭
地址:北海道雨竜郡北竜町板谷143-2
電話:0164342082

8. 掃帚草 (9月尾至10月底)

踏入秋季,就到睇掃帚草嘅時間啦!掃帚草其實由夏天開到秋天,但入秋後先由綠色慢慢變成紅色,所以唔少人都會等到9月尾兒去賞花!

【賞花懶人包】日本全年花季 總整理!

圓圓嘅外型象徵住夫婦圓滿,好可愛!

【賞花懶人包】日本全年花季 總整理!

日本最為出名嘅掃帚草觀賞地,喺茨城國營常陸海濱公園,姐喺頭先介紹賞粉蝶花嘅地方!果度嘅掃帚草數量過3萬棵,圓枯碌外型開滿成個山頭,好狀觀㗎!

【賞花懶人包】日本全年花季 總整理!

國營常陸海濱公園
地址:茨城縣常陸那珂市馬渡大沼605-4
電話:0292659001

資料及圖片來源:

allabouthokkaido 
富士芝櫻祭官方網站
Visit-japan
足利花卉公園官方網站
暢遊日本
富良野觀光協會官方網站
入谷朝顏祭官方網站
北竜町PORTAL
北杜市官方網站