明星形象百變，有正統派帥哥也有狂野派型男，不過最近最hit的應該都係外表清爽治癒嘅暖男！500名日本網民日前就上網投票選出「只係望住佢都會覺得個心被治癒到」嘅男星排行榜，一齊睇下日本藝能界邊個男星最治癒啦！
10位）大野智－82票
8位）松坂桃李－85票
8位）岡田將生－85票
7位）堺雅人－92票
6位）井ノ原快彦（V6）－94票
5位）星野源－101票
4位）相葉雅紀－122票
3位）高橋一生－123票
自從拍完日劇《四重奏》後人氣直線上升嘅高橋唔單止之前被封為色氣男神（傳送門：分析新一代色氣男神！高橋一生裸照帶挈雜誌銷量大賣兩倍），因為佢穩重成熟嘅氣質更加令女性粉絲覺得只係望住佢溫柔得黎慢慢講野都已經覺得好治癒！加上笑起上黎又似小朋友一樣開朗，所以好有反差萌！
2位）小池徹平－142票
縱使身高沒有超過170但仍無阻小池星途發展，呢位集演員、藝人、歌手於一身嘅靚仔以一臉童顏加爽朗笑容迷倒不少女性粉絲，大家都忍唔住讚小池徹平真係好可愛！睇落絕對唔似31歲，而且爽朗童顏嘅外表下係關西人嘅底子，講野非常好笑亦係反差萌之一！
（延伸閱讀：從代代木到紅白：WaT 10年一路走來）
1位）神木隆之介－152票
2歲已經開始演出，被視為天才級實力派演員嘅神木隆之介每年都有話題作品推出，而今年嘅《JOJO的奇妙冒險》都就黎上映！今年正式踏入24歲嘅神木雖然已經係以為大人，不過在大家眼中仍然好似少年一般的存在～溫柔嘅外表同說話方式，加上非常友善同無架子嘅待人接物態度，令到大家都覺得佢係治癒男星第一位！
（延伸閱讀：神木隆之介 天才童星進化史）
唔知大家又同唔同意賽果呢？
資料來源及10位以下賽果詳情：Goo
About Post Author
