美肌聖地玉造溫泉街!足浴+結緣神社+美肌熱點!

玉造溫泉係日本非常出名嘅溫泉,因為浸後對皮膚好有功效,所以有「姫神之湯」之稱。奈良時代嘅「出雲國風土記」入面,仲話只要浸完一次「姫神之湯」後就可以返老還童,浸完第二次就會咩病都好返嘅傳說添!島根內仲有個「玉造溫泉街」,除咗可以浸溫泉仲有好多結緣熱點同買手信嘅地方㗎!

玉造溫泉街由出雲緣結機場坐機場巴士大約30分鐘,或搭JR直接到玉造温泉站再坐5分鐘的士或揸車就會到達~

 

姫神廣場

嚟到溫泉街就緊係要浸溫泉啦!玉造溫泉街入口嘅玉泉酒店行大約2~3分鐘,旁邊姫神廣場可以俾大家免費浸下玉造溫泉水嘅足浴、浸完隻腳真係滑一滑㗎!就算冇帶毛巾都唔洗怕,只要用100Yen(連稅)就可以喺哩個小櫃到買到。

姫神広場

地址:島根県松江市玉湯町玉造
營業時間:7:00~23:00

 

玉作湯神社+清嚴寺

玉作湯神社係島根其中一個結緣神社,有名的靈氣地方,好受女仔歡迎,其中最高人氣就係哩一個許願石!要得到許願石,首先可以喺玉作湯神社嘅社務所買一個實現石(連埋可愛嘅細袋仔俾你放入,當係祈願套裝)裡面的石頭係隨機放入的,或者自己帶鐘意嘅石去做成實現石。之後將實現石放上許願石許願後,用流水(或者叫御神水)清洗。成功得到受到許願石力量嘅實現石,再放入可愛嘅細袋仔就可以㗎啦!實現石放上許願石的時候記得係心中許願呀。

玉作湯神社

地址: 〒699-0201 島根県松江市玉湯町玉造508
營業時間:
(社務所)
平日:9:00〜12:00 15:00〜18:00  
六、日、公眾假期:8:00〜19:00

 

去到清嚴寺,就梗係要去祈求美肌最出名嘅「白粉地藏王」啦!傳說從前有一個煩惱皮膚上痣嘅問題嘅和尚,喺地藏上面塗上白粉許願後皮膚就好番嘅故事而嚟。而家都受到大家嘅求拜,想美肌嘅朋友,只要去「白粉地藏王」前,寫上你嘅皮膚煩惱喺祈願寫後掛起,再將白粉身或臉塗上自己煩惱緊嘅地方後許願就可以㗎啦!

清厳寺

地址: 島根県松江市玉湯町玉造530
營業時間: 日出〜日落(可自由參拜)

 

玉造アートボックス

玉造アートボックス係一個可以買手信又可以慢慢坐低飲下野嘅地方。一樓有手信區,除咗有島根名物賣之外,亦都有超可愛嘅美肌甜品「美肌マルシェ」。二樓就有手工品店嘅「はこぶね」同和風CAFE「mame cafe」,大家可以一邊飲住食住哩到好得意嘅飲品同甜品一邊買下野休下息。

玉造アートボックス

地址:〒699-0201 島根県松江市玉湯町玉造1241
營業時間:9:00~19:00
定休日:不定休
詳情網頁:按我

 

姫ラボ

「姫ラボ」係用日本最古老的美肌溫泉島根玉造(美肌)溫泉水成份製造嘅護膚商品,係屋企都可以最快咁享用到玉造溫泉水來護理皮膚。

有高度嘅保濕作用,可以軟化角質,除去老廢物等功效,俾大家就算喺記者最推薦係佢哋嘅洗面肥皂,肥皂泡泡非常細滑,唔容易消失,好似圖中嘅泡泡咁。店員話哩個已經係幾個小時已經發好嘅泡,但都仲保留得非常軟滑!記者都買咗嚟用,非常保濕!

姫ラボ

地址:〒699-0201 島根県松江市玉湯町玉造46-4
營業時間:8:30~21:30
定休日:不定休
網站:按我

 

八重垣神社

要祈求良緣的大家要注意啦,除咗去出雲大社同玉作湯神社之外,八重垣神社都係另一個人氣結緣地點神社。哩到有由兩棵樹嘅樹幹連成為一棵樹嘅「夫婦椿」有一心同體,愛的象徵嘅意思。神社內仲有一個良緣占卜嘅「鏡之池」,首先喺神社買張和紙去鏡之池,再將和紙放上鏡之池,和紙中間放一個10Yen或100Yen,和紙放上水之後會出現神明嘅小句子,之後就要等和紙會喺幾時沈落水。如果和紙飄得距離自己遠,者係你嘅緣份會喺遠方,近嘅就會喺身邊遇到良緣,如果和紙好快就沈落水,你就有機會好快遇到良緣,如果遲遲都未沈,就可能你嘅良緣會遲少少先出現㗎啦!而我的呢…好難話俾大家知道 (笑)

八重垣神社

地址:〒690-0035 島根県松江市佐草町227
參拜時間:9:00~17:00
定休日:不定期
 

玉造溫泉(島根縣)遊覽網站!

http://www.tama-onsen.jp/