上星期三(2月7號)晚播出嘅《TOKIOカケル》邀請咗 瀧澤秀明(TAKKI)做嘉賓,分享自己去溫度高達千度熔岩湖探險嘅興趣。原來 瀧澤秀明就曾經亮相2月9日於英國科學期刊Science Reports上面嘅一篇論文。TAKKI唔單止唱歌跳舞做戲,仲以藝人身分追逐探索火山嘅夢想,將佢體驗嘅寶貴經歷同大家分享,令人佩服!


為研究潛入海底採集岩石
論文證明咗喺鹿兒島以南嘅海底,鬼界破火山口由於7300年前嘅一次巨型火山噴發,而形成世界上最大嘅火山穹丘(lava dome),揭示咗海底入面埋藏大量岩漿嘅可能性。

鬼界火山
鬼界火山係一座海底火山,位於日本鹿兒島薩摩硫黄島嘅南方。


而作為鬼界破火山口研究調查隊嘅一員,TAKKI亦聯同NHK潛水攝製隊一齊深入25米海底,採集岩石。

論文由TAKKI同埋16位學者一齊完成


地球僅存熔岩湖征服之旅
《TOKIOカケル》節目入面,TAKKI分享咗4次去火山探險嘅經歷。TAKKI就話佢去嘅時候並唔係好似一般去旅行咁有導遊帶住,而係同醫生、學者同埋攝影師組成一個團隊出發。

        
熔岩湖即係有好多岩漿喺火山口積聚而形成嘅湖。由於熔岩湖係超過1000℃嘅高溫環境、排出嘅有毒氣體同埋唔知幾時爆發嘅火山,去熔岩湖可以話係冒死嘅探險

現時地球全年存在嘅熔岩湖據說只有5個,分別係埃特阿雷火山(非洲埃塞俄比亞)、埃里伯斯火山(南極洲)、基拉韋厄峰(夏威夷)、尼拉貢戈火山(剛果民主共和國)同安布里姆島(瓦努阿圖)。

另有一說指有7個,瓦努阿圖同夏威夷都有兩個。
上圖為維基百科英文版頁面,上述熔岩湖都被列為長期或近乎長期存在。
當中節目播出時提及瓦努阿圖嘅本博火山。


安布里姆島(瓦努阿圖)

2014年成功征服安布里姆島。呢個熔岩湖嘅魅力係美麗又神秘。


TAKKI指由山頂到熔岩湖嘅距離大約係600米(同東京sky tree差唔多),加上要考慮地勢同避開危險氣體游繩而下,一落一上都要用10個鐘。途中仲會有好大嘅地鳴。

咁危險咁辛苦,點解要去呢?
TAKKI就話因為世界上仲未有多過5個人去過,而佢就係第4個。


埃特阿雷火山(非洲埃塞俄比亞)

2014年成功征服埃特阿雷火山。呢個熔岩湖嘅魅力係令人心情平靜
TAKKI會實地考查熔岩湖嘅氣溫同大細。因為出咗地殼但仍然保持液態,唔凝固冷卻嘅熔岩湖好有研究價值。


本博火山(瓦努阿圖)

2015年成功征服本博火山。呢個熔岩湖嘅魅力係令人感受到地球嘅能量。
 
去呢座火山途中要喺沙漠入面行車4日,而當地嘅氣溫高達55℃。原來去火山嘅路都唔輕鬆。
 

咁辛苦,連主持之人嘅國分太一都忍唔住話:「呢個仲要唔係拍電視呀,係無人工嘅私人時間」TAKKI就笑住答話去火山探險對佢嚟講係一種獎賞。

尼拉貢戈火山(剛果民主共和國)

2016年成功征服尼拉貢戈火山。呢個熔岩湖嘅魅力在於世界最大,直徑有1公里。
TAKKI分享表示係直接企係離熔岩湖15米嘅邊緣上面。主持即刻話好近呀!


探索熔岩湖嘅工具
TAKKI介紹佢去探險嗰時嘅背囊。背囊入面有頭盔、特製嘅下降工具、安全帶、雷達距離尺等等,重達15公斤。當然唔少得防熱衣同防毒面具。

TAKKI實際著住防熱衣喺熔岩湖影嘅相。
上圖係TAKKI實際著住防熱衣喺熔岩湖影嘅相。
佢話咁熱嘅地方企5分鐘已經係極限。


探險之旅・待續
南極嘅埃里伯斯火山,TAKKI就話佢都好想去。不過就算真係得到去南極嘅許可,都好難拎到落去熔岩湖嘅許可證。

南極埃里伯斯火山
希望有一日TAKKI可以去埋完成夢想啦!

 

「瀧澤秀明的火山探險之旅~深入巨大破火山口之迷」

官方網頁:http://www.nhk.or.jp/darwin/special/volcano.html

至於寫成論文嘅鬼界破火山口研究,NHK就話會喺今年春天於NHK BS Premium播出。暫訂節目名係「滝沢秀明の火山探検紀行~巨大カルデラの謎に迫る」