上次同大家介紹完葉山女子旅(傳送門:www.likejapan.com/hayamagirl ),唔知大家係咪好想即刻出發呢? 其實東京附近仲有好多其他又靚又方便嘅地方! 今次編輯部就再帶大家北上,去到近郊地區嘅秩父同長瀞玩返日。

======================
如何前往秩父及長瀞

由西武嘅池袋站出發,乘坐西武鐵道嘅Red Arrow特急列車,大約78分鐘就到達西武秩父站。當然乘坐西武池袋線亦一樣可以去到西武秩父站。

而長瀞方面,於西武秩父站步行6分鐘左右到秩父鐵路「御花畑」乘坐約20分鐘秩父鐵路就可到達長瀞。

======================

說了這麼久,到底秩父同長瀞又有甚麼地方值得大家去呢?
 

秩父神社


由「西武秩父」站出發,步行約15分鐘就會見到秩父神社,秩父神社至今已經有2000年以上的歷史,當中「栓鍊龍」同「北辰之梟」等精美的雕刻令神社顯得更加堂皇。


秩父神社的各種祭典

秩山夜祭(每年12月)

提起秩父神社,又怎可以不提每年12月舉行的「秩山夜祭」? 已有2000多年歷史的秩山夜祭是日本三大曳山祭之一,跟京都7 月舉行的「祇園祭」、於岐阜縣高山市舉行,由4月的「春季高山祭——山王祭」和10月於櫻山八幡宮舉行的「秋季高山祭——八幡祭」組成的「高山祭」並稱為「日本三大曳山」(所謂「曳山」就是節慶活動中使用的「花車」)。



圖片來源:埼玉県公式観光動画

每年活動第3晚都會進入高潮,掛滿燈籠、超重型笠矛花車和屋台花車,會與神輿巡遊,最後仲有震憾人心的煙花盛放啊。
 

秩父川瀨祭(每年7月19、20日)

每年7月中,神社嘅攝社日御碕宮都會舉行川瀨祭,會有由小朋友擔任祭祀屋台號子手,可以感受到一個可愛又活潑嘅祭典。


影片來源:秩父地區Omotenashi觀光公社
© Fureai-Chichibu deaitabi All Rights Reserved.


秩父神社
地址:〒368-0041 埼玉縣秩父市番場町1-3
定休日:全年無休


 

秩父祭典會館

撞唔岩時間參加祭典唔緊要,神社附近嘅秩父祭典會館展示左祭典用嘅屋台同笠鉾(藝閣),仲會放映夜祭影片,仿如置身祭典之中。由「西武秩父」站步行約15分鐘;由秩父神社步行約1分鐘。

地址:〒368-0041 埼玉縣秩父市番場町2-8 

開放時間:09:00-17:00(4月至11月)、10:00-17:00(12月至3月)

定休日:每月第4、5個星期二(當日為公眾假期則照常營業)、12月29日至1月1日

 

======================

羊山公園芝櫻之丘(每年4月中至5月頭)

每年春季,羊山公園山丘都會開滿芝櫻,有別於櫻花,芝櫻係矮小嘅植物,去到個度就會畀花海包圍,每年花季都會吸引唔少遊客去欣賞。

 

地址:〒368-0023 埼玉縣秩父市大宮6267羊山公園內 

開放時間:08:00-17:00(4月至11月)、10:00-17:00(12月至3月)

入場費:成人300円,中學生以下免費(花季期間)

======================

手打蕎麥麵

除了秩父酒,仲可以一併試試手工蕎麥麵,武藏屋是當地有名的手工蕎麥麵店,該店至今已經有超過40年歷史,店內的蕎麥麵加入了核桃粉,令麵質地更加彈牙,還帶有核桃香啊。由秩父鐵道「秩父」站步行約4分鐘就會見到「武藏屋」。

手打蕎麥麵 武藏屋

地址:〒368-0041 埼玉県秩父市番場町4-11

營業時間:11:00-19:00

定休日:星期二

======================

西武秩父駅前溫泉「祭の湯」


西武秩父駅前溫泉「祭の湯」都可以算係今年秩父旅遊的一大新勢力! 4月開幕的西武秩父駅前溫泉「祭の湯」令遊客於任何季節都可以於秩父享受溫泉。而「祭の湯」入面可以試到各式秩父特式食品,包括草鞋豬扒、蕎麥麵及味噌料理。

買手信一樣可以在這裡解決! 「祭の湯」入面有「秩父美人屋台」及「秩父手信市」(ちちぶみやげ市)。由秩父特色食品,到雜貨文具,甚至秩父有名的銘仙織物等都有發售! 名符其實「一個地方KO所有目標」!

======================
秩父銘仙館


曾經是埼玉縣工業試驗場,現在已經化身為本地絲織製品的展館。作為日本國家指定的傳統工藝之一,其圖案和花色美觀。館內可以讓遊客試穿及拍照,另外亦可以體驗製作染布(要預約)。


秩父近年最為人熟悉的動畫作品『我們仍未知道那天所看見的花名。』,
入面出現的服裝都可以在銘仙館見到。


秩父銘仙館
地址:埼玉縣秩父市熊木町28-1
時間:09:00-16:00
入場券價格:大人200日圓/中小學生100日圓
官方網站:www.meisenkan.com(日文)

======================
長瀞

嚟到長瀞當然要坐長瀞游船,坐喺日式小船可以欣賞當地大自然景觀「岩榻榻米」同「秩父赤壁」。乘坐秩父鐵道由「秩父」站到「長瀞」站,步行3分鐘。

地址:〒369-1305 埼玉縣秩父郡長瀞町長瀞704
開放時間:09:00-16:00(每年3月頭至12月尾)

======================
寶登山神社

秩父三社嘅另外一社寶登山神社,位於寶登山,由「長瀞」站步行大約有多少分鐘就到。採用江戶建築技巧「唐破風/權現造樣式」搭建係呢座神社嘅特色。呢度仲畀米之蓮旅遊指南評為一星景點。

地址:〒369-1305 埼玉縣秩父郡長瀞町長瀞1828

開放時間:09:00-16:30

定休日:全年無休

==============

去秩父同長瀞  用SEIBU 1Day Pass + Negatoro啦!

SEIBU 1Day Pass + Negatoro(長瀞): 1,500円

SEIBU 2Day Pass + Negatoro(長瀞): 3,000円

注意:PASS不包括乘坐特急嘅車票,如坐Red Arrow列車另加700円(單程)。

 

可使用範圍:

・西武線全線(多摩川線除外)

・秩父鐵道全線

 

售賣地點:

・池袋站1樓特急券售票處

・池袋站地下特急券售票處

・西武新宿站特急券售票處

・西武池袋旅遊服務中心

*購買時須出示護照

 

限時優惠:另外,大家亦可以喺VELTRA網站(https://www.veltra.com/tw/a/150693)先購買,再到西武池袋旅遊服務中心兌換車費,去完之後1個月內返VELTRA網站畀評價可以獲得50%費用回贈(即750円),名額有限,額滿即止。(兌換時須出示護照)