昭和幪面超人 邊個係你童年回憶?

昭和幪面超人 邊個係你童年回憶?

今次為大家介紹一下昭和幪面超人。動作同故事自然無後來嘅平成幪面超人咁多花款,不過以熱血程度計,真係一啲都唔輸蝕!

 

1971年:幪面超人1號

1971年,首套《幪面超人》系列正式開播,《幪面超人》嘅長遠歷史正式展開。主角係一位頭腦聰明,運動又叻嘅青年科學家——本鄉猛(洪大龍),練緊電單車嘅時候畀撒旦幫襲擊,捉咗返去研究所,仲畀佢地嘅科學家改造成改造人。當佢同恩師綠川博士一齊由研究所逃脫嘅時候,本鄉猛變身成為幪面超人1號,開始佢同撒旦幫漫長嘅戰鬥。全98集,係《幪面超人》系列最長嘅作品。

昭和幪面超人 邊個係你童年回憶?

 

1973年:幪面超人V3

緊接《幪面超人》播放嘅第2部作品,故事亦延續自《幪面超人》,主角風見志郎(洪天馬)畀「毒蠍幫」殺全家,喺自己亦都就畀佢地派出嘅怪人殺死時,一號同二號一齊救咗佢。於是風見志郎就求佢地兩個將自己改造成同佢地一樣嘅改造人。本來2人一直反對,直至風見志郎為咗救佢地2個喺毒蠍幫嘅研究所畀改造人破壞光線打中而身受重傷,為咗幫佢保命而將佢改造成幪面超人V3。特別值得一提,當中後期先出現嘅盟友怪金剛英勇表現相信好多人都仲會記得,V3更稱佢為幪面超人4號。

昭和幪面超人 邊個係你童年回憶?
昭和幪面超人 邊個係你童年回憶?
昭和幪面超人 邊個係你童年回憶?

 

1974年:幪面超人X

緊接V3播出,講述海洋學家「神啟太郎」因為拒絕敵人組織G.O.D.嘅邀請而遭受到攻擊,適逢其子「神啟介」回家遭到波及而死。自己亦身受重傷嘅神啟太郎帶兒子接受深海探索用改造人手術嚟延命。神啟介醒嘅時候父親已經死去,但睇完留言後佢決定以幪面超人X嘅身份同G.O.D.戰鬥到底。

有趣嘅係,X成套野入面並無提過變身之類嘅台詞。

昭和幪面超人 邊個係你童年回憶?

 

1974年:幪面超人亞馬遜

《幪面超人》第4輯,主角山本大介於荒野長大,所以戰鬥方法同其他《幪面超人》嘅瀟灑形象截然不同,成日用口咬同撕裂敵人。另外亞馬遜亦係集數最短嘅《幪面超人》集數最短嘅一輯。

昭和幪面超人 邊個係你童年回憶?
昭和幪面超人 邊個係你童年回憶?

 

1975年:幪面超人強人

第5輯作品,主角城茂因為好朋友沼田五郎畀敵人組織「黑撒旦」捉去改造,仲要失敗而死。為報仇走去接受黑撒旦嘅電氣人改造手術,成為幪面超人強人後連同電波人甲蟲女逃脫研究所,之此2人並肩作戰。

昭和幪面超人 邊個係你童年回憶?
昭和幪面超人 邊個係你童年回憶?

 

1979年:飛天幪面超人(Sky Rider)

終於出現識飛嘅幪面超人。主角筑波洋為咗救畀「新撤旦」追捕嘅志度博士而身受重傷,志度為咗保住筑波洋條命而向新撤旦提議對筑波洋進行改造。同樣,筑波洋成功逃脫研究並開始咗抵抗邪惡組織嘅戰鬥。

昭和幪面超人 邊個係你童年回憶?

 

1980年:幪面超人超一號(Super 1)

今次嘅主角沖一也一樣係自願成為改造人嘅幪面超人。幪面超人超一號起初強調能喺宇宙戰鬥同埋武術設定,係咁多輯入面打鬥最有觀看性嘅其中一輯。

昭和幪面超人 邊個係你童年回憶?

1987年:幪面超人BLACK

主角南光太郎同佢同年同月同日生嘅秋月信彥畀黑妖黨「戈爾哥姆」戈式斯擄走。主角被殖入王者之石「太陽石」,並且畀黑妖黨「戈爾哥姆」視為下任創世王候選人,不過佢就成功喺畀洗腦前逃脫。太陽石力量開始發揮,令光太郎慢慢變成BLACK,開始咗剷除黑妖黨「戈爾哥姆」嘅戰鬥。

昭和幪面超人 邊個係你童年回憶?
昭和幪面超人 邊個係你童年回憶?

 

1988年:幪面超人BLACK RX

劇情續《幪面超人BLACK》,喺光太郎打敗咗黑妖黨「戈爾哥姆」嘅半年後,又出現咗來自宇宙嘅古羅斯帝國,佢地威脅光太郎助佢地一臂之力而遭到拒絕,於是就將BLACK拋入去太陽。但BLACK體內嘅王者之石吸收咗太陽光線嘅能量,令BLACK復活並變成BLACK RX,自此光太郎就開始咗同古羅斯帝國嘅對決,最後搵得到其他幪面超人師兄幫拖添!

昭和幪面超人 邊個係你童年回憶?
昭和幪面超人 邊個係你童年回憶?

 

*ZX因屬於一集完電影而不在今次介紹之列