[日本街訪＠早稻田]日男必殺技 瞬間令女生心動

單身狗唔好再怨天怨地，想抱得美人歸，即刻請教吓日本男仔有咩追女仔嘅必殺技啦！

秘訣一：瘋狂短訊

無論係ICQ定係MSN定係WHATSAPP年代，瘋狂地用短訊轟炸對方都係非常見使嘅招式。

不過依位哥哥連告白都係LINE到講，佢就話好後悔啦～

秘訣二：表現自己體貼嘅一面

左：「接放工時買定對方鍾意飲嘅果汁、送啲小禮物比佢～」

右：「食飯時幫佢拉櫈～」

秘訣二：約會地點唔可以亂揀

要告白就緊係要揀啲浪漫啲嘅地方～依個哥哥就係公園到成功告白！

（佢不停地強調依個唔係佢女朋友！）

秘訣三：酒精

「果然無論喺咩地方，酒精都係助你抱得美人歸嘅良方！」

秘訣四：認真地直接告白

明明未告白又拖人手仔依啲行為真係好唔要得＞ ＜

想有進一步發展，就一定要直接講：「我鍾意你！」、「請你同我交往！」

如果你唔講，就算拖晒手錫晒，人地都唔會當你係男朋友㗎！

秘訣五：show肌肉

估唔到，原來真係有男仔會扮晒唔覺意show肌肉，

而又真係有女仔會因為見到舊肌肉而好興奮～～～

咦，不過大家有冇老鼠仔同朱古力先www

好啦，咁女仔方面其實聽到男仔講咩會覺得好心動呢？

對白一：你好可愛

港男最輸蝕就係成日都唔讚人！明明覺得對方靚都係咁笑人肥、話人樣衰…

唉學吓嘢啦（泣

對白二：同你一齊我覺得好開心

冇錯啦！見完面之後，如果收到個短訊話「今日同你一齊嘅時間真係過得好開心」，真係會心跳加速～～

係咁諗：「咁啫係點啊？佢係咪鍾意我～～～～～」

對白三至無限：

我咩都幫比你錢！你想食咩啊？

我東大畢業㗎！我一橋大畢業㗎！我京大畢業㗎！

我年收一千萬yen以上！我喺三菱商事做嘢㗎！！我喺外務省做嘢㗎！！！！

簡單嚟講就係晒錢晒學歷咁囉～

咁前題就係你要有錢同有學歷先得啦…