日本新年三大禁忌

農曆新年禁忌多多,小編就最怕無得洗頭!好在屋企唔算超級傳統,唔係新年真係會好頭痕~ 咁好守規矩嘅日本人新年又有咩係唔做得呢?

禁動刀煮食
相比起新年要煮九大簋,日本人新年頭三日係唔可以開爐火,一來免得整野食會打擾到訪家中嘅神明,二來當係俾辛苦左成年嘅主婦們休息三天。所以佢地會一早準備好「御節」,即係一個好豪華嘅三層大形便當。唔想自己整足三日份量咁辛苦,就要一早向餐廳或者百貨公司果預訂。仲有新年用刀會令人聯想到日本武士要切腹,所以新年都係乖乖地咁食三日凍冰冰嘅御節料理啦…
御節

禁送鞋襪瓷器
日本人新年禮物稱為「歳暮」,要係新年前送,而唔係好似我地一路拜年一路送。而禮物以實用為主,除左高級食品,日用品、罐頭等等都可以送!

歳暮
歳暮
不過要小心以下幾樣野:
鞋襪:有「踐踏」嘅意思
鐘表、書包、文具:有鼓勵勤奮嘅意思,唔可以送俾長輩。
瓷器:因為易碎會令人聯想到夫妻關係不穩,唔可以送俾新婚夫婦。
茶葉:有「嫁出去嘅女等於潑出去嘅水」之意,好似新娘嫁左就唔會回娘家咁,唔可以送俾新娘子。
全紅嘅禮物:新年唔係紅色好咩?但紅色係日本同時會令人聯想起火災,所以唔可以全紅,有其他顏色就無問題。
日本送禮禁忌

禁收賀年卡
下!? 日本人唔係好鍾意互相寄「年賀狀」?係係係~ 不過如果過去一年家中有喪事,咁新年就不宜送亦不宜收到賀年卡… 所以要新年前寄一張「喪中」卡,通知其他親友,免得佢地唔少心寄左賀卡俾你贈慶… 而如果真係有人唔知而寄左黎,就要寄返一張「寒中お見舞い」黎多謝人再解釋返點解唔可以回贈靚靚賀年卡俾人喇。
喪中