日本學生新潮流?「打牌」提升語文成續!

日本學生新潮流?「打牌」提升語文成續!

學習唔一定係得一個方式嘅~最近日本電視台就報導,有班學生每個月都打兩次牌,以輕鬆嘅方式去訓練腦力,估唔到對提升語文能力好有幫助!唔知打牌會唔會成為日本學生之間嘅新潮流呢?

打麻雀 提升閱讀理解能力!

最近news24電視節目中,介紹咗一間專門教授打麻將嘅學校,當中專為學生而設嘅「子供麻雀教室」引起唔少迴響!

呢間麻將學校成日都坐無虛席,十分受學生歡迎。被問到有關學習情況,唔少人都話自己最有信心嘅科目係「國語」,即係日文科!

日本學生新潮流?「打牌」提升語文成續!

節目中,中學2年級嘅松原利奈就話,做閱讀理解果陣,會思考主角當時嘅感情係點,而打麻將的時候,都會推測對手接下來有咩反應,所以覺得兩者嘅思考方式好接近。

日本學生新潮流?「打牌」提升語文成續!

有專家分析指,「打麻雀時腦部用最活躍嘅部位,同做閱讀理解、理解文章深層意義時,所用到嘅腦部部位一樣」。換言之,打麻雀可以理解為「腦部訓練」,學生定期打麻雀,可以期望日語嘅成續因而有所提升!

日本學生新潮流?「打牌」提升語文成續!

「子供麻雀教室」 開業已20年! 

我地睇翻果間麻雀教室嘅官方網站,發現佢哋地搞「子供麻雀教室」,即係針對小朋友嘅課程,已經有近20年!

呢間ニューロン麻雀スクール位於東京五反田,除左成年人課程,仲有專為4至17歲學生開設嘅課堂,1997年已經開辦,現時有約900名會員,全國各地都有唔少分校!

日本學生新潮流?「打牌」提升語文成續!

日本學生新潮流?「打牌」提升語文成續!

佢哋提及打麻將對學習嘅益處,就指麻雀包括解難、概率、心理戰等各種元素,可以當作「情操教育」,訓練學童心理質素、決斷力、分析力、忍耐力、禮儀等。

雖然係咁,學校卻唔會強逼學生經常去打麻將,而係選擇以一個月兩次嘅方式訓練,間中搞下比賽!聽落好似係幾輕鬆嘅上堂方式,唔會為學生帶來太大負擔,幾有益嘅課外活動咁!

日本學生新潮流?「打牌」提升語文成續!

其實打麻雀要利用有限情報去觀察對方,留意自己同人地打出去嘅牌,從對方嘅表情、手勢讀取情報,一向都被認為訓練腦力嘅好活動!

唔知由細打牌打到大嘅香港人,又覺得打牌有無提升到自己嘅閱讀理解能力,又或者提升咗語文成續呢?(笑)

 

圖片來源:ニューロン麻雀スクール、news24