日本大學聲樂系學生 私藏潤喉糖名單

日本大學聲樂系學生 私藏潤喉糖名單

一到秋冬,天氣開始乾燥,喉嚨就會好易唔舒服;加上呢幾日轉凍,就更加易病。對於主修聲樂系嘅同學嚟講,保養好把聲就更加重要。最近一篇日本大學聲樂系同學推薦嘅喉糖特輯就係Twitter上面成為熱話,甚至有多達3萬人轉載。一齊嚟睇下音大生私藏嘅喉糖名單啦!

 

龍角散ののどすっきり飴(龍角散潤喉糖)

日本大學聲樂系學生 私藏潤喉糖名單

接受度:**

由好耐以前開始就有嘅超經典喉糖,因為喺邊度都有賣所以好易買到。中草藥嘅味道同龍角散粉末相似。就算有幾聲咳,食咗佢就會覺得涼浸浸,對潤喉好有效。

日本大學聲樂系學生 私藏潤喉糖名單
龍角散粉末係香港人成日去日本買嘅藥妝之一
日本大學聲樂系學生 私藏潤喉糖名單
龍角散潤喉糖有啲中藥味,所以未必人人接受。但係就有各種味道。

官網:https://www.ryukakusan.co.jp/productcategory

 

カンロ ボイスケア のど飴(Kanro 聲音保養用喉糖)

日本大學聲樂系學生 私藏潤喉糖名單

接受度:***

由國立音樂大學教授共同開發,專為保養好把聲而研發嘅喉糖。唔太甜嘅同時,食完之後都唔會覺得住喉嚨,喺平時成日用把聲嘅人入面好有人氣。

日本大學聲樂系學生 私藏潤喉糖名單
成份講究,用咗各種對喉嚨好嘅草藥同蜂膠

官網:https://www.kanro.jp/voice/

 

健康のど飴 たたかうマヌカハニー

(暫譯:健康喉糖 努力麥蘆卡蜂蜜,意指為努力的你打氣)

日本大學聲樂系學生 私藏潤喉糖名單

接受度:***

麥蘆卡蜜糖採自紐西蘭同澳洲荒野入面嘅麥蘆卡茶花樹,同普通蜜糖比有更加好嘅抗菌功能。呢隻喉糖就喺今年9月先開始出售,最近更加喺12月2號晚播嘅松子會議(マツコ会議)入面都有音大生提過。

日本大學聲樂系學生 私藏潤喉糖名單
唔太甜嘅麥蘆卡蜜糖好潤喉,加上對喉嚨好嘅草藥成份,令佢成為熱話。最近更加有抽獎活動。活動詳情:https://www.kanro.jp/receipt_cp/

森川健康堂 プロポリスキャンディー (森川健康堂 蜂膠喉糖)

日本大學聲樂系學生 私藏潤喉糖名單

接受度:*

蜂膠嘅味道好濃,有種刺激性嘅苦味令第一次食嘅人有機會接受唔到。但就係因為呢種味道令人覺得佢好有效,亦有人一食過就愛上呢種味道要一試再試。

官網:http://www.morikawakenkodo.com/propolis/index.html

 

扇雀飴本舗 はちみつ100% キャンデー (扇雀飴本舗 蜜糖100%喉糖)

日本大學聲樂系學生 私藏潤喉糖名單

接受度:***

強調「原材料只有蜜糖!」而莫名其妙令人覺得好勁嘅喉糖。真係有食緊蜜糖嘅感覺。好甜,而且感覺對身體好好(實際上應該真是有益…吧…)。

官網:http://www.senjakuame.co.jp/tokusetu/index.html

 

潤喉糖之外

咗潤喉糖之外,音大生亦推薦以下3種物品。

龍角散

日本大學聲樂系學生 私藏潤喉糖名單

呢度唔係講緊喉糖,而係藥用嗰隻傳統粉末。音大生亦好推薦,話平時大家都買開嗰隻獨立包裝粉末。

日本大學聲樂系學生 私藏潤喉糖名單
傳統粉末:要用個小匙羹食

固形浅田飴

日本大學聲樂系學生 私藏潤喉糖名單日本大學聲樂系學生 私藏潤喉糖名單

同樣有好耐歷史嘅浅田飴。雖然個名叫飴(糖),但係佢就係止咳鎮痛除痰嘅藥嚟,對喉嚨痛好有效。

日本大學聲樂系學生 私藏潤喉糖名單
同類嘅藥仲有vicks。

浅田飴官網:http://www.asadaame.co.jp/medicine/kokeiasadaame/products.html

vicks官網:http://www.taisho.co.jp/vicks/product/

 

蜜糖

雖然蜜糖好似好普通咁,但係其實佢好勁架!唔單止可以殺菌,仲可以保護喉嚨。甚至聽講係音大入面好似有直接飲蜜糖嘅強者(笑)

出處:https://twitter.com/zarattyo/status/936965106709143553