今年係小熊學校同LCX誕生嘅15週年，海港城LCX特地舉辦小熊學校「15周年花園派對」同大家慶祝！
上次同大家介紹咗有咩小熊學校嘅精品買，今次就講下展覽究竟有咩特別啦！
小熊學校打卡影相位
叫得做「15周年花園派對」，成個展覽都好園野feel，仲有好多影相位畀大家同Jackie影相留念㗎！
一去到LCX已經見到展覽主要部份！Jackie同佢11個哥哥已經喺度等緊你～
Jackie仲專登留咗個位畀大家，等大家可以同佢一齊影相同盪鞦韆！
正當Jackie喺到盪鞦韆嘆世界，佢嘅11位哥哥就好忙碌咁打點Party嘅一切，仲表演畀Jackie睇！Jackie真係公主命啊~~
隔離個電視機仲會不停播放小熊學校嘅片段。
而另一邊廂，Jackie就同David一齊喺到享用雪糕，你都有份坐低一齊食㗎！（最右邊有張櫈畀你埋去一齊坐！）
除咗正門之外，記得行入LCX入面睇埋Jackie嘅衣帽間！佢嘅衫分分鐘多過你同我呀…
喺牛角對出，仲有Jackie最鍾意嘅向日葵同埋翩翩起舞緊嘅蝴蝶～
如果想同大大隻嘅Jackie影相，咁就一定要參加Jackie見面會喇！
時間係13/5（星期六）同14/5（星期日），下晝 3至5點鐘，Jackie就會現身LCX同大家影相！超得意！
詳細資料可以上LCX網站查詢！
小熊學校繪本及絕版公仔
影完相，記得睇埋首次展出嘅「the bears’ school gallery」！
裡面會展出歷代繪本內唔同造型嘅絕版Jackie公仔，睇埋旁邊嘅相關插畫，即刻recall到繪本內嘅情境出嚟！
場內唔少絕版小熊公仔，小熊學校fans朝聖必睇！
小熊學校原作者訪港！
而今次，小熊學校嘅繪本作者相原博之先生同插畫家足立奈實小姐仲特登嚟咗香港睇呢個展，順便同粉絲見面！
兩位老師表示就連日本都好少會搞呢類大型展覽，所以今次可以喺香港見到Jackie同佢11位哥哥仲有David，真係好難得㗎！
簽名會當日吸引咗好多粉絲嚟畀兩位簽書，大家都帶咗好多珍藏公仔畀佢哋睇，令佢哋覺得好感動同好開心！
我地仲有幸同兩位作者做咗專訪添，遲啲我地會將足本專訪推出，記得留意我地嘅報導！
LikeJapan送禮：小熊學校親名簽名畫！
為咗令小熊學校嘅fans更加高興，而家只要參加以下活動，就有機會獲得兩位老師嘅親名簽名畫喔~超級靚啊
！！！！！
參加方法如下：
1. 讚好及分享Facebook帖文
2. Tag 2位朋友，然後喺留言回答影片裡面嘅問題
我地會揀選答案最特別嗰10位每人送出親筆簽名畫一份，截止日期係5月17日晚上11:59分！記得參加喇～
*如有任何爭議，LikeJapan將保留最終決定權。
LCX x the bears’ school 「15周年花園派對」展覽活動資料：
地點：尖沙咀海港城海運大廈三階LCX
展覽日期：即日起至6月18日
想知有咩小熊學校產品或者點樣申請小熊學校特別設計嘅LCX Rewards Card，即睇詳情：https://www.likejapan.com/lcx
About Post Author
