有無諗過醫院餐都可以好好食?早前有位外國孕婦喺日本醫院生仔,將食過嘅每一餐都影低,分享上個人blog。網民大讚野食好有質素,望落完全唔頹,仲話睇完好想飛去日本生仔!究竟日本醫院嘅膳食係咪咁正?日本人又點睇佢地嘅醫院餐?一齊睇落去啦!

呢位外國孕婦網名係Hahahah1111111,佢之前喺一間日本醫院生仔,將住院時食過嘅部分膳食影低,分享到imgur後引起網民嘅熱烈討論!原因好簡單,因為每一餐望落都好豐富,同大家印象中嘅醫院頹食完全唔同!

▲ 蛋包飯、通粉沙津、雞湯、炸魷魚圈、生果及綠茶 

▲蘑菇煮雞、南瓜煮豬肉、白蘿白沙津、茶碗蒸、飯同味噌湯

▲產上最後一餐お祝い膳(祝賀膳食),前菜有芝士配提子乾、湯同沙津,主菜有烤牛肉、薯蓉、日本南瓜、同汁煮蓮藕,飯後仲有Tiramisu、生果、橙汁同綠茶,真係好似餐廳出品呀!

網民反應:睇完都想去日本生仔!

外國網民睇完,一致大讚日本醫院餐有質素,望落比普遍外國嘅醫院餐好食好多!

就連男性網民都話,呢啲醫院餐根本好高質,睇完好想衝去日本生仔!

呢位網民話自己喺日本住咗6年,發覺住平價酒店都好,早餐都好有質素。

 

一般醫院餐介紹

醫院餐一般嘅收費係¥640一餐,減咗日本國民保險之後就係¥240一餐。等我地去公立嘅近畿中央胸肺科中心睇下普通嘅醫院餐係點。

普通餐(A,B可自由選擇

A餐:飯+煎魚、白蘿蔔煮雞、沙律;B餐:冷麵、白蘿蔔煮雞、沙律。

早餐(飯,麵包可自由選擇)

飯餐:飯、味噌湯、煨鹿尾菜、沙律、牛奶;麵包餐:烘焙麵包(依日子而有唔同)、果醬、牛奶

好食東京醫院餐

不過好似一開頭介紹嘅膳食又點會咁平喎⋯一啲私立醫院就會有特別嘅menu,比多少少錢就可以食到更豪華嘅醫院餐。今次就同大家一齊睇下3間日本網民都讚好食嘅東京醫院餐。

1. 聖路加國際病院

普通餐同一般醫院比較多一個餸。

金芽米(保留胚芽、亞糊粉層等嘅精米)、辣醬炒雞、白蘿蔔燜菜、清菜、醋海髮菜

如果特別要求,可以比多啲錢轉食和食餐或者西式餐。

和食餐(¥1680):金芽米(保留胚芽、亞糊粉層等嘅精米)、味噌湯、清爽柚子鹽燒魚、芋頭煮雞、白菜、三葉菜、漬物、生果
西式餐(¥2100):餐包、牛油果醬、磨菇法式濃湯、意式鹽燒豬肉、當造蔬菜沙律、當造鮮果、紅茶(加奶或檸檬)

2. 清瀬之森總合病院

住喺呢個醫院嘅大部分都係啱啱生完小朋友嘅媽媽,所以補充營養就特別重要。

特別餐 - 慶祝BB順利出世

產後補充營養

望住咁多美食真係覺得有啲餓

3. 四谷medical cube

呢間醫院為咗健康,將一日三餐加埋嘅卡路里維持喺1600kcal入面。估唔到1600kcal竟然可以食咁多野!

早餐:福卡恰(Focaccia)、法式奄列、蔬菜湯、鮮果乳酪、紅茶
晏晝:飯、生姜燒肉、蘿蔔芋頭味噌湯、波菜、水果、焙茶
晚餐:紅蘿蔔飯、燒三文魚、海藻湯、酒蒸磨菇、雜果賓治、焙茶