香港人上綜藝節目說日本生活:「很難租屋」「成龍是誰?」

香港人上綜藝節目說日本生活:「很難租屋」「成龍是誰?」

專欄:[香港在日本]

喺1月14號深夜播出嘅節目《NEWSな二人》(NEWS2人)入面探討咗外國人喺日本生活遇到嘅問題,仲有香港人喺節目現身說法。《NEWSな二人》喺一個比年輕人將對社會嘅不滿訴諸於眾嘅節目,由NEWS嘅小山慶一郎同埋加藤成亮主持。

香港人上綜藝節目說日本生活:「很難租屋」「成龍是誰?」
呢集當中提到住屋、工作情況同對外國人嘅偏見,想要去日本生活嘅朋友不妨參考一下。

住屋問題:業主一聽到喺外國人就唔肯租樓?
節目指留日外國人40%都有被拒絕租樓嘅經驗,當中歸納部分原因在於無日本人保證人、由於文化唔同而引起嘅麻煩同埋唔可以用日文溝通等等。

香港人上綜藝節目說日本生活:「很難租屋」「成龍是誰?」
嚟自巴西嘅亞娜(アナ)搵咗大約20間都因為外國人嘅身分而被拒。
香港人上綜藝節目說日本生活:「很難租屋」「成龍是誰?」
等我地一齊跟著嚟自香港嘅tsubasaww睇樓啦!

去到日本都要死慳死抵交房租
睇樓前了解下有咩條件先。一邊讀日文一邊以歌手目標努力嘅tsubasaww依加同朋友兩個人share兩房一廳,月租12萬日圓。因為租約就嚟到期,所以考慮緊搬屋。由於法例有限制留學生最多一星期只可以返28個鐘兼職,喺便利店做緊嘅tsubasaww就話一個月最多都只可以搵到10萬(日圓),當中房租就佔咗6萬(日圓)。

香港人上綜藝節目說日本生活:「很難租屋」「成龍是誰?」
條件:
月租6萬
獨立浴室
近車站而方便學生居住嘅地方

喺東京都內搵樓住
地產經記就話東京都內外國人簽約租到嘅樓大概只得一半。拍攝當日就去咗睇下其中兩間條件相近嘅樓。
第一間距離文京區車站3分鐘,有獨立浴室、廁所、廚房同睡房,甚至仲有天花板閣樓可以放雜物。

香港人上綜藝節目說日本生活:「很難租屋」「成龍是誰?」
雖然間房好靚,tsubasaww都話好有日本feel,但係就高過6萬嘅預算,月租7萬(日圓)。

第二間距離文京區車站4分鐘,係將一個單位改裝成5個小單位嘅share house。浴室、廁所同廚房要共用,睡房就係私人空間。

香港人上綜藝節目說日本生活:「很難租屋」「成龍是誰?」
雖然間房會西斜,但係tsubasaww就話唔介意。佢在意嘅房租係6萬5000日圓(包水電煤費),都係高過6萬嘅預算。
香港人上綜藝節目說日本生活:「很難租屋」「成龍是誰?」
因為兩間都唔啱預算,今日就只好放棄,第二日再睇樓。

手機點上台?
嚟自愛爾蘭嘅羅倫(ローレン)遇到嘅問題係點樣先可以上台。原來佢去上台嘅時候職員話佢知要有銀行戶口先可以上台;而當佢去開銀行戶口,職員又話要有電話號碼先開到。

香港人上綜藝節目說日本生活:「很難租屋」「成龍是誰?」
羅倫就分享話只有日本郵貯銀行(ゆうちょ銀行)對外國人比較友善。

 

香港人上綜藝節目說日本生活:「很難租屋」「成龍是誰?」
喺節目登場嘅律師就話,對留學生嚟講上台簽約仲有個好大嘅問題:
一般嘅合約係兩年合約,而中間如果解約就要比約一萬(日圓)嘅違約金。

不過身邊就有留學生話依加可以上網申請到電話卡,想解約都可以網上辦妥,無違約罰款。所以申請之前都係查清楚先喇。

對外國人嘅偏見
喺便利店做嘢tsubasaww指遇到唔少奇怪嘅客人,會特登質問你係咪唔係日本人,又刻意講好慢問你聽唔聽得明。

香港人上綜藝節目說日本生活:「很難租屋」「成龍是誰?」

雖然主持補充話只係嗰個人奇怪,不過日本人對外國人抱有偏見嘅情況的確存在。

香港人上綜藝節目說日本生活:「很難租屋」「成龍是誰?」
嚟自巴西嘅亞娜(アナ)就話遇過同工唔同酬嘅情況,自己比日本人嘅人工平成10萬(日圓)。

唔少日本人對地方有片面嘅認識,例如覺得係巴西人跳森巴舞就好叻。

因為以前電影《A計劃》喺日本熱播,所以提到香港,好多日本人就會諗起成龍(Jacky Chan)。對日本人擅自為各國嘅人加上嘅印象,外國人都覺得好反感。

香港人上綜藝節目說日本生活:「很難租屋」「成龍是誰?」
tsubasaww都係節目反問Jacky Chan係邊個,同埋提出講到香港應該諗起香港嘅食物。

外國人都可以對日本文化好熟悉
熱愛日本庭園文化而喺十年前到日本學師嘅村雨辰剛嚟自瑞典,兩年前同日本人入籍,而且已經做咗庭院師8年,係一位獨當一面嘅庭園師。不過好多時大家都會用外表去判斷佢,覺得身為外國人嘅佢唔可以勝任日本嘅傳統工作。

香港人上綜藝節目說日本生活:「很難租屋」「成龍是誰?」

香港人上綜藝節目說日本生活:「很難租屋」「成龍是誰?」
主持人大讚村雨先生結實嘅老鼠仔一定可以將樹枝剪得好靚

最高峰時期有250萬個外國人居住嘅日本,要成為國際化嘅國家仲有一段路要走。