去日本嘅時候有冇試過買得太多嘢行李超重呢?今次同大家一齊睇下去郵局寄嘢返香港嘅費用同方法,就算行李超重,都唔怕唔知點算喇。
日本郵政寄件返香港有EMS(Express Mail Service, 國際特快專遞),空郵SAL(Surface Air Lifted, 空運水陸路郵件)同船郵4種。佢地各有唔同嘅收費同所需時間,一般嚟講就緊係愈快愈貴啦。

EMS

寫EMS托運表

(1)寫寄件人嘅名、住址、郵政編碼等等,一般接受寫酒店嘅地址同電話。

(2)寫收信人嘅名、住址、郵政編碼等等。
 

(3)用英文盡可能詳細咁寫郵寄物件嘅資訊,同埋最好後面括住個日文,方便海關檢查。如果唔肯定買咗嘅日本手信英文係咩,可以上郵局網頁睇下。

http://www.post.japanpost.jp/int/use/publication/food.html

 

https://www.post.japanpost.jp/int/use/writing/ems_cn.html


 
EMS遞送情況追蹤

喺填表嘅時候會見到上面有個13位嘅號碼。記住佢就可以上網查下件郵件寄到去邊,方便預時間留喺屋企拎。(唔係就要去香港郵政局拎喇)

網址:http://www.post.japanpost.jp/int/ems/delivery/index_cn.html

限時寄達服務
加多¥600可以選用限時寄達服務,喺指定嘅時間送到。(唔適用於星期五、六、日;日本嘅公眾假期同埋香港公眾假期前一日)

https://www.post.japanpost.jp/int/ems/service/certain/index_cn.html



寫空郵/SAL/船郵托運表

如果用空郵、SAL同船郵,會填另一張表。要填嘅資料都大致一樣,關於商品資訊一欄就有少少唔同。

https://www.post.japanpost.jp/int/use/writing/parcel_cn.html

(1)寫寄件人嘅名、住址、郵政編碼等等,一般接受寫酒店嘅地址同電話。

(2)寫收信人嘅名、住址、郵政編碼等等。
(3)用英文盡可能詳細咁寫郵寄物件嘅資訊,同埋最好後面括住個日文,方便海關檢查。

        E:確認內容物品不屬於危險品後寫上×標記。

        F:如果希望帶保險,標上×記號,並填寫保險金額。

  G:選擇萬一收件人無收到郵件時嘅處理方法。可以剔「転送」(轉運)同「最も経濟的な線路」(最經濟轉運方法)以防                   萬一。

  H:寫上寄件人簽名。



入箱
郵局指定嘅箱有特大、大、中、細4個size ,價錢分別係¥370,¥210,¥140同¥100 。

除咗紙箱之外亦有袋可以用嚟裝。

注意事項
禁運品:

香水、染髮劑、指甲油、洗甲水、噴霧、壓縮氣體、煙花、油漆、膠水、火機、火柴、電池等
貨物限制:

重量:30 公斤以下;長度:1.5 米以内、長度 +周長 3 米以内
服務只收現金

查詢郵費
喺決定用邊一種方法之前,可以睇下大概收幾錢先。只需要上日本郵政嘅網頁,簡單輸入物件嘅種類、重量、寄出地同收件地區,就可以比較4種郵寄方法嘅價錢。

假設有5kg嘅衣物、公仔想由東京寄返香港,選擇「郵包」、輸入「5000」,㩒「下一步」。
之後就會睇到4個方法嘅比較。(郵費計算:https://www.post.japanpost.jp/cgi-charge/index.php?lang=_cn


想直接睇唔同重量收幾錢就可以睇以下嘅link。
EMS費用表一覽:http://www.post.japanpost.jp/int/charge/list/ems_all_cn.html

空郵/SAL(標準航空件,簡單就係指跨國運送時利用國際航班嘅剩餘空間,而原寄國和寄達國國內則以海運處理)/船郵費用表一覽:https://www.post.japanpost.jp/int/charge/list/parcel1_cn.html
 

店鋪一覽
決定用邊種方法,就可以睇下就近有邊間郵局提供郵件服務。注意唔少郵局星期六日都唔開,要睇清楚營業時間呀。

日文店鋪網頁:https://map.japanpost.jp/p/search/
日文網頁可以直接搵有提供郵件服務嘅郵局:喺「利用条件から探す」一欄剔「郵便窓口」同埋「ゆうバック」。