細細個玩街霸嘅時侯,個陣時嘅畫面仲係咁…
![向格鬥家出發!街霸主題期間限定!](/2016/03/editors/382/20160318132534_j7tGyu2q.png)
![向格鬥家出發!街霸主題期間限定!](/2016/03/editors/382/20160318132553_iyV0JfUw.jpg)
轉下眼,街霸都已經出到5,角色仲越黎越多!不過由始至終都係最喜愛春麗,話晒都係第一個女角色呀!
一知道沙嗲王搞左個街霸主題嘅Menu,即刻要去試下同介紹俾大家!其實近年沙嗲王集團都keep住同動漫野crossover,有睇過我之前介紹youme cafe嘅blog都會知道!不禁想讚佢真係好聰明,起碼吸引左我地呢批遊戲動漫客先啦!
入到去已經可以見到一d街霸主題嘅裝飾!特別係個Menu,雖然唔係春麗,但係阿龍都好型呀!
![向格鬥家出發!街霸主題期間限定!](/2016/03/editors/382/20160318172407_l7Wsq0PJ.jpg)
![向格鬥家出發!街霸主題期間限定!](/2016/03/editors/382/20160318172747_SJ9QVyRH.jpg)
![向格鬥家出發!街霸主題期間限定!](/2016/03/editors/382/20160318172814_VsbBqGM5.jpg)
一打開個Menu就仲興奮,我最愛嘅春麗就大大個係最上面,梗係要order啦!另外就再order左個反碗面。
![向格鬥家出發!街霸主題期間限定!](/2016/03/editors/382/20160318172852_HAsOzHZL.jpg)
由於太肚餓啦!竟然食左先發現自己唔記得影相!呢個就係春麗嘅《雞腿藍蝶花飯》,你可以選配3種唔同嘅咖哩,分別係將軍嘅《紅菜頭白咖哩》、Ken嘅《蕃茄咖哩》同埋Cammy嘅《菠菜咖哩》。因為之前用開Cammy試玩有感情,我就揀番Cammy啦!
一上碟,覺得好搞笑呀!擺到明就係出緊旋風腿嘅春麗!碟邊仲要有d腿風係度,勁搞野!雖然個飯係藍色,但其實只係加左色素無調味㗎!而個咖哩就無加任何色素 (呢個係侍應姐姐自己走過嚟同我強調hard sell㗎
)
![向格鬥家出發!街霸主題期間限定!](/emoji/emoji_1f61d.png)
![向格鬥家出發!街霸主題期間限定!](/2016/03/editors/382/20160318173008_F0fGcRsc.jpg)
味道方面我覺得都相當唔錯,可能我本身都鍾意佢地嘅白咖哩豬扒飯,呢個菠菜咖哩其實味道差唔多!個雞脾都脆脆地,幾好味!只係春麗條“脾”粗左少少,一啖咬唔甩,哈哈! (題外話:點解要畫到春麗條脾粗得咁緊要
)
![向格鬥家出發!街霸主題期間限定!](/emoji/emoji_1f602.png)
另外一個就係《反碗麵配印刷蝦餅》,點呢個嘅原因完完全全只係因為佢塊蝦餅!點解?因為佢會隨機俾唔同角色嘅蝦餅你,夠晒驚喜!當然我好想中番春麗啦!不過好可惜係BIRDIE…我麻麻地!
![向格鬥家出發!街霸主題期間限定!](/2016/03/editors/382/20160318172941_bGqBx7Oc.jpg)
因為佢係冷麵嚟,你可以倒落個碗度撈勻佢,麻醬肉碎冷麵,味道都相當唔錯!
野飲方面我就叫左阿龍嘅《白朱古力碎乳酪沙冰》,乳酪味好足,但係白朱古力就欠奉啦!但酸酸地我幾鍾意!
![向格鬥家出發!街霸主題期間限定!](/2016/03/editors/382/20160318173027_oul1b9m3.jpg)
另一杯就係印度佬嘅《印度拉茶》,個骷髏骨頭造型就夠晒殺食啦,但飲落就…超!甜!為左測試係咪我嘅問題,我俾同事飲左一啖,佢都係話超甜…所以試飲完之後,基本上都無再掂過佢!如果你話叫嚟影相係ok嘅,不過唔抵囉…
![向格鬥家出發!街霸主題期間限定!](/2016/03/editors/382/20160318173041_ZjYqy9QH.jpg)
野飲旁邊就係附送嘅杯墊啦!另外跟野食仲有兩個!隨機送,一套八款,要儲齊唔知要食幾多次!
我好好彩,最後一個上枱嘅杯墊係春麗!我開心到“Yes”咗出嚟!
![向格鬥家出發!街霸主題期間限定!](/2016/03/editors/382/20160318173239_qFyDHSj5.jpg)
每食滿100蚊(連加一)就可以加錢換精品!加$15換A4 File、加$59換八達通套、同埋$99換Cushion!
其實我有諗過換個File㗎,不過覺得無咩用,又無春麗所以就放棄左呢個念頭。
整體嚟講我都滿意嘅,係價錢有少少偏貴,好似食個咖哩飯要70蚊,如果唔係為左春麗我就真係未必食啦!呢d野都係食佢個噱頭㗎者
![向格鬥家出發!街霸主題期間限定!](/emoji/emoji_1f601.png)
提提你地,佢唔單只係期間限定,遲d仲會指定分店㗎!記住留意唔好去錯啦!
![向格鬥家出發!街霸主題期間限定!](/2016/03/editors/382/20160318173328_WltiRIMC.jpg)
沙嗲王街霸期間限定
Round 1
日期:3月11日至5月11日
地點:沙嗲王全線分店
荃灣店:荃灣眾安街2-8號周合成大廈2-3樓
觀塘店:觀塘裕民坊34-36號1樓
銅鑼灣店: 銅鑼灣軒尼詩道489號銅鑼灣廣場一期9樓
旺角店:旺角山東街48號1樓
尖沙咀店: 尖沙咀加拿分道20號加拿芬廣場5樓
油麻地店:九龍油麻地彌敦道530-538號現時點2樓
Round 2
日期:5月12日至6月30日
地點:沙嗲王油麻地分店