一生人點都要住一次!  箱根「私人露天溫泉」旅館6選

一生人點都要住一次! 箱根「私人露天溫泉」旅館6選

仲記唔記得之前小編曾經推介過10間一生人點都要住一次嘅北海道旅館?見大家咁好反應,今次繼續搵到箱根6間歎到無倫嘅溫泉旅館,最大特點係每一間旅館嘅客房都有私家露天風呂,連日本人都豎起手指公話正!咁無私嘅分享唔該麻煩大家順手㩒個Like~

 

1. 箱根強羅 白檀

一生人點都要住一次!  箱根「私人露天溫泉」旅館6選

 

店如其名,旅館嘅用色同建材以白壇為主,營造清新同坊香嘅空間,和洋合一嘅設計令室內環境典雅得嚟又不失設計感!房間入面都非常舒服,每間客房都設有露天風呂,私隱度滿分,幾個好姐妹浸住傾計真係一流!最特別嘅係每間客房都有唔同嘅設計,睇得出旅館為咗為客人提供舒適嘅空間花咗唔少心機!

 

一生人點都要住一次!  箱根「私人露天溫泉」旅館6選

客房集合咗和室同洋室嘅特點,空間舒適闊落,最正係有大大個對正露台同露天風呂,春天有綠林景、秋天有紅葉景,抽啲時間喺度浸吓浴,感受吓大自然嘅氣息真係好舒服!

 

箱根強羅 白檀
地址:神奈川県足柄下郡箱根町二ノ平1297番5
電話:0460-87-0010
詳情按此

 

2. 強羅花扇 円かの杜

一生人點都要住一次!  箱根「私人露天溫泉」旅館6選

 

旅館名入面嘅「円」同日文嘅「緣」同音,原來係有特別意思!旅館主人希望可以藉住入住旅館讓客人同箱根美景結緣,成為人類與大自然中間嘅橋樑,等客人可以從內到外地感受箱根之美。一入旅館有種好古色古香嘅感覺,隨處都可以見到嘅圓形窗戶、古典土牆、水車,都為旅館增添唔少典雅嘅氣氛!

 

一生人點都要住一次!  箱根「私人露天溫泉」旅館6選

全館只有20間房間,全部都設有流水式露天風呂,懶懶地浸完浴仲可以選擇留返喺房歎住靚景咁用餐!呢度嘅料理可以整到咁好食,除咗因為有經驗大廚精心製作之外,最主要嘅原因係餐廳對食材非常講究,大部份食材都嚴選自相模灘同足柄,推介大家一定要試A5飛驒牛,一入口真係會有幸福嘅感覺!

 

強羅花扇 円かの杜
地址:神奈川県足柄下郡箱根町強羅1320-862
電話:0460-82-4100
詳情按此

 

3. 箱根・翠松園

一生人點都要住一次!  箱根「私人露天溫泉」旅館6選

 

咩係極致高級溫泉旅館,入住「翠松園」就完全可以感受得到!呢度只有23間Suite Room,每間客房同樣都設有私人露天溫泉,無論係想靜靜地享受夜晚嘅寧靜定係欣賞晨曦一刻,呢度都係最佳嘅地方,完全冇噪音嘅滋擾,時間就好似為你而停頓一樣!

 

一生人點都要住一次!  箱根「私人露天溫泉」旅館6選

如果用心欣賞房內設計,應該唔難發現當中加入咗極具文藝氣息嘅藝術元素,唔好睇少呢啲少少嘅細節,房內沉穩嘅氣氛,藝術元素確實居功不少!

 

一生人點都要住一次!  箱根「私人露天溫泉」旅館6選

而大家都好關注嘅食物方面,除咗可以喺個室享用之外,仲可以揀坐counter位望住大廚整鐵板燒,聞到啲香味真係連口水都流埋出嚟!

 

箱根・翠松園
地址:神奈川県足柄下群箱根町小涌谷519-9
電話:0460-86-0852
詳情按此

 

4. きたの風茶寮

一生人點都要住一次!  箱根「私人露天溫泉」旅館6選

 

身在箱根但又可以食到北海道新鮮食材嘅旅館,呢度都可以話係少數中嘅少數!除咗北海道食材,當然仲可以食到箱根當地新鮮食材,以當造嘅材料製作出美味料理,係吸引眾多在地日本人特地前往嘅其中一大原因!旅館以和式現代設計作為主要基調,迴廊仲特地以畫作作裝飾,充滿藝術氣氛!

 

一生人點都要住一次!  箱根「私人露天溫泉」旅館6選

旅館僅有10間特色客房,每間都有私人露天溫泉,風景都幾開揚,完全可以感愛到仙石原獨有嘅寂靜,浸住浴會不期然有種「終於可以鬆返一口氣」嘅放鬆感。最值得一贊嘅係喺房入面竟然搵到L’OCCITANE等大路brand product,用都用得安心啲!

 

一生人點都要住一次!  箱根「私人露天溫泉」旅館6選

之前都講過呢間旅館嘅一大特點係可以食到北海道嘅新鮮食材,所以有機會的話一定要試吓呢度嘅懷石料理,用料靚不在話下,仲要非常精緻,唔單止主食花盡心恩,就連甜點都非常用心製作,好似因應季節製作嘅花糖果,真係靚到唔捨得放入口!

 

きたの風茶寮
地址:神奈川県足柄下郡箱根町仙石原934-29
電話:0460-83-8526
詳情按此

 

5. 強羅花扇

 

一生人點都要住一次!  箱根「私人露天溫泉」旅館6選

 

嚟到「強羅花扇」有種回家嘅感覺,因為館內連走廊位置全部都鋪上榻榻米地板,一步入館內就可以除鞋大解放!雖然有家嘅感覺,但在於設計上仍然非常講究,例如加入「千本格子」嘅設計,令到成個空間可以立體地表現出日本傳統嘅特色!

 

一生人點都要住一次!  箱根「私人露天溫泉」旅館6選

客室方面,呢度只有和室一個選擇,室內空間頗大,純樸得嚟又帶有少少高雅嘅味道,可以營造到舒適嘅休閒氣全因小細節嘅講究,好似簡單一張木枱嘅枱面竟然用上一整塊原木製作,為室內增添咗唔少原始氣息。

 

一生人點都要住一次!  箱根「私人露天溫泉」旅館6選

每間房入面都有個可以望到綠林庭園嘅露天溫泉,由於泉水屬於俗稱美人湯嘅重曹泉泉水,有滋潤同淨白肌膚嘅效果,女士們有時間可以浸多幾次!旅館大浴場仲設有兩個可以睇到靚景嘅露天溫泉,男性專用同女性專用嘅風呂都各有特色,所以記得預留返些少時間過去浸一浸!

 

一生人點都要住一次!  箱根「私人露天溫泉」旅館6選

想有少少私人空間地進餐的話呢度嘅餐廳就啱哂,因為大部份都係個室,可以食到每天直送嘅新鮮魚介同特級飛驒牛,見到厚切嘅飛驒牛酒脂分佈得咁平均,隔住個mon個肚都開始打鼓!

 

強羅花扇
地址:神奈川県足柄下郡箱根町強羅1300-681
電話:0460-87-7715
詳情按此

 

6. 仙郷楼 別邸 奥の樹々

一生人點都要住一次!  箱根「私人露天溫泉」旅館6選

 

物以罕為貴,呢度嘅客房只有6間,真係非常矜貴!由於「仙郷楼」嘅客房比較闊落,所以4至5個人入住都一樣綽綽有餘!雖然呢間旅館只有6間房,但一樣有附睡房嘅房間、附按摩池嘅房間等等唔同房型可以選擇,每一個房型都設有露台俾住客賞月,畀住客享受難得嘅靜謐空間。

 

一生人點都要住一次!  箱根「私人露天溫泉」旅館6選

除咗房內嘅露天風呂,館內亦有大型室內風呂同與大自然融為一體嘅露天風呂,如果有時間不妨去館內嘅庭園散吓步,四圍嘅風景會隨季節而改變,非常迷人!館內亦設有手信corner畀大家入貨,又有陶藝教室畀大家體驗製作陶瓷嘅樂趣,真係足不出戶都可以有精彩嘅一日!

 

一生人點都要住一次!  箱根「私人露天溫泉」旅館6選

料理亦係預期中嘅高質素,新鮮食材喺大廚之手就輕易變出又靚又好味嘅美食,咪食咁急,唔影多兩張相真係好浪費!

 

仙郷楼 別邸 奥の樹々
地址:神奈川県足柄下郡箱根町仙石原1284
電話:0460-84-8521
詳情按此

以上文章內容轉自:Relux