山手線
14
Apr 16
19:21
博客

膽量挑機14之猛鬼尾班車

又到咗星期六晚嘅膽量挑機時間!   上星期同大家講山手線月台撞鬼事件,有巴打留言話親眼目擊過有人跳軌自殺! 真係不得不佩服果位巴打夠膽講返出嚟!   有時候,玩夜咗,無論幾迫都要迫上架電車,趕尾班車返屋企。 真係迫到阿媽都唔認得! 但係,又點會諗到,咁多人,咁重陽氣,都會撞鬼呢?   今晚我就同大家講喺電車撞鬼嘅靈異事件~     話說7年前……   有個日本男仔佢開OT開到好夜,唔知算係好彩定唔好彩,俾佢趕到山手線尾班車。 當時,車廂已經好多人,佢只好企喺座位前,希望有人落車時,佢可以有位坐。 坐係佢前面嘅喺一個年約30歲嘅媽媽,手抱住個BB,而隔離仲有個5歲左右嘅細路女。   電車由品川開始行,經過五反田、目黑、惠比壽…… 期間,個媽媽一直同懷中嘅BB係到玩。 細路女望望個媽媽,再同個BB對望咗一陣,之後BB就開始喊。 細路女好細聲咁講 「做咩喊呀?」 「係咪肚餓喇?」 媽媽好似聽唔到細路女講野,搖搖個BB,然後又講返同一句「係咪肚餓喇?」 無耐,個BB就無再喊,媽媽又繼續同BB玩。   當電車去到澀谷站時,上落車嘅人都好多。 個男仔見到有空位,即刻坐落去,當覺得
09
Apr 16
02:07
博客

膽量挑機13之猛鬼山手線

又到咗星期六晚嘅膽量挑機時間!   去得東京,無可能未坐過JR嘅山手線!     但係,你又知唔知道山手線都好猛鬼?尤其係呢個車站……     御徒町站   介乎係秋葉原站同上野站之間…   係1996年10月16日下午5時26分,JR山手線嘅御徒町站3號月台中央位置,一名女生跳軌。     當時,多人目擊事發經過。   跳軌女生年約24、25歲,身穿灰色衫,Bob頭。   電車急停!職員即落路軌搜索…點知……   搵極都搵唔到女生嘅遺體…就連一絲血跡都搵唔到……     搜尋咗18分鐘之後,都並無發現,於是再次通車。   至今,仍然未有發現女生嘅遺體。   後黎,有人話因為山手線太多人跳軌自殺,積聚太多怨氣……   而果日大家見到嘅係其中一隻怨靈…所以搵唔到屍首……