北陸
25
Nov 16
19:25
博客

用盡高山、北陸地區周遊券之北陸中部6日行程

車長就知道有個高山、北陸地區有個Pass,非常之好用。 所以諗咗個用盡呢個地區周遊券之北陸中部嘅6日行程!大家可以參考下~   時間有限,所以車長會選擇零晨機去大阪! 毎日都有2班零晨機、分別係樂桃MM68同國泰CX566。 各有各好,不過車長的話比較少選擇坐LCC(廉航)!     呢個高山、北陸地區周遊券Pass5日都只係14000円~ http://touristpass.jp/zh-tw/takayama_hokuriku/   第1日 朝早約6點至6點半喺關西國際機場降落的話,出得境約8點, 換埋Pass同預約定新大阪去金沢班車指定席後,就可以坐JR関西空港特急はるかHaruka8號。   因為個Pass坐はるか只能坐自由席、所以早少少落去4至6號車卡排隊啦~ 朝早8點45分開車,坐到去新大阪站轉車(時間係09點37分),行去隔離12號月台,坐特急サンダーバードThunderbird13號,09點46分新大阪開車。   最快12點17分就會到達金沢站。
17
Oct 16
18:47
博客

車長推介三個最激爭吵祭

之前介紹左日本3大爭吵祭 今次到個人推介日本三個最激爭吵祭   第一個喺北海道沼田町嘅 沼田町夜高あんどん祭り 推介原因:好多山車以龍為主題,山車會喺撞個陣噴煙 同埋山車對撞後,騎左上去嘅山車會向下壓落去,破壊對方嘅山車 時間係毎年8月第4個星期五同六舉行2日     係富山市岩瀬(東岩瀬)地区 岩瀬曳山車祭 車長個人特別介紹呢個山車祭,因為對撞嘅山車喺日本中最輕同最快,兼且對撞嘅地方係條小街上、 個人去睇個陣,因為企得近,所以有好大震憾,大家鬥力個陣仲有機會打横掃~我哋今年仲見有發電機差啲火燭,冒晒白煙~ 喺富山坐富山Light Rail就去到(車長幾個人今年仲因為酒店送左來回富山Light Rail飛所以免費去) 因為喺毎年5月17日・18日舉行2日! 個陣前後上立山黒部喺最舒服嘅時間之一,想係個陣去立山黒部的話,睇埋呢個山車祭丫!!
29
Dec 16
02:26
博客

登上東尋坊絕崖 盡覽日本海+自然奇蹟

[冇雷公咁遠系列VOL.3!!]   每次去日本,唔係東京就係京阪神,有時會唔會覺得有少少悶﹖如果你係有咁嘅諗法,不妨參考下[冇雷公咁遠系列!!]嘅介紹,或者你會得到新嘅答案啊!     今次講嘅係位於北陸嘅福井縣。甚麼? 唔係冇雷公咁遠? 你哋咪睇少呢個地方,大阪出發最低消費三小時哩! 今集講嘅就係北陸有數嘅TOP CLASS靈異災區同自殺地點(嗯...靈異嘅嘢會留返另一個連載「講咩詭」再講……),同時係世界唯三嘅安山岩柱狀節理岩石群東尋坊。     東尋坊名稱由來 詳細唔該自己問GOOGLE大神(太長會冇人睇啊~~~~~~~~~) 簡單嚟講就係安時代末年有個法力高強,叫東尋坊嘅衰和尚,同另一個叫真柄覺念嘅和尚爭女,真柄夾埋其他和尚要害佢,約佢去海邊飲酒(即現今東尋坊),仲趁佢醉推佢落海。之後由於每年4月東尋坊同三國港經常有狂風暴浪,漁民只好請福井東光寺祥雲法師前來超渡怨靈,嗰度就係咁叫東尋坊。       全世界只有三處睇到嘅安山岩柱狀節理 屬於越前加賀國定公園,成公里長嘅岩柱崖長年受海浪侵蝕變得十分壯觀,而東尋坊嘅五角及六角輝石安山岩岩