前日同大家介紹完日本男性投票選出嘅「最想成為的臉」排行榜結果，今日同大家介紹女明星篇先！正所謂～每個時代都有屬於大家嘅日本女神，今次就睇下最當時得令、最令日本女性想成為嘅臉孔係邊幾位女神啦！
一齊睇下結果先：
第10位 井川遙（初上榜）
第9位 宮崎葵 （2015年未上榜）
第8位 佐佐木希 （2015年未上榜）
第7位 有村架純 （2015年第9位）
第6位 桐谷美玲（2015年未上榜）
第5位 深田恭子（2015年未上榜）
第4位 綾瀨遙（2015年第4位）
第3位 新垣結衣（2015年第3位）
第2位 北川景子 （2015年第1位）
第1位 石原聰美（2015年第2位）
今年拍完《哥斯拉》、啱啱演完話題劇集《校閱女孩》嘅石原聰美今年阻止到北川景子達成四連霸，終於成功奪得第一位封后。其實佢自2012年起已經係呢個排行榜嘅常客。好多女仔都話佢真係集可愛同美麗於一身，有晒兩種唔同風格嘅要素，仲要好一個好可愛嘅小惡魔，加上可以carry到唔同時裝風格，所以好多女仔都想成為佢呢！
第二位嘅北川景子、第三位嘅結衣BB、第四位嘅綾瀨遙都唔使我多介紹，全部都係勁受歡迎嘅人氣女演員、亦都係正統派美人。反而我就覺得第5至10名嘅結果嘅有趣，因為例如桐谷美玲、深田恭子、佐佐木希、宮崎葵等都係新上頭10位嘅。而第10位嘅井川遙更加係第一次入頭10位，今年已經40歲、身為兩兒之母嘅佢魅力依舊誘人，而且好多女性都話佢又溫柔又靚又時髦，真係好令人憧憬喎！
雖然而家多咗好多新生代女演員，不過睇嚟要同呢班真正第一線女神們同台較技都需要多啲時間先得呢～
資料來源：Oricon Style
About Post Author
