【築地市場】海膽多過飯!滿到瀉嘅海膽丼!

東京築地場內市場喺11月就會搬去豐洲市場,聽聞有好多店鋪因為金錢同時間嘅問題,表明唔會搬去新址,所以大家要把握機會去食多幾次喇。
 
築地市場有唔少人氣壽司店,而呢啲人氣壽司店都有一個共同特色,就係要一早起身去排隊,唔少店鋪未夠9:00就已經有條長長嘅人龍喇。只可惜我係一個好懶嘅人,覺得去旅行要瞓到自然醒先夠嘆,所以...要早起身去築地係一件好艱辛嘅事....亦都因為咁...我發現咗呢間夜晚照樣營業嘅北海番屋!
 
北海番屋最大嘅特色就係2900円可以食到滿到瀉嘅海膽丼!師傳話我知佢哋係用北海道產嘅海膽,所以食落真係非常鮮甜㗎!除咗海膽之外,仲有帆立貝、三文魚籽、甜蝦等等任你揀!
 
以為築地一定係朝早去?咁你就誤會哂啦!跟我嚟喇!
北海番屋
 
表面上所有鋪頭已經關哂
北海番屋
 
北海番屋
 
行入巷仔時條路比較黑,我一個女仔行會不時左顧右盼,始終小心啲好
北海番屋
 
到喇到喇!門面非常光猛嘅北海番屋
北海番屋
 
嘩...未入去已經流哂口水
北海番屋
 
花多眼亂
北海番屋
 
款款都鬼咁吸引
北海番屋
 
有選擇困難症嘅我表示好困擾啊
北海番屋
 
我最後揀咗海膽丼,點知師傅私人醒咗大大塊拖羅同玉子俾我(事緣我本身想叫多碟拖羅,但怕食唔哂冇叫到,師傅就好好人咁請我食
北海番屋
 
飯上面係滿滿嘅北海道產嘅海膽!就連拖羅下面都係有,落足料㗎!
北海番屋
 
海膽鮮甜到不得了!有時食海膽最怕係唔新鮮、有苦澀味,但係築地絕對唔會有呢個問題!
北海番屋
 
能夠品嚐好味嘅食物,真係人生一大樂事!
北海番屋
 
我晚上8點幾幫襯,店內只有1、2枱客人,我心裡面諗啲人唔嚟真係走寶喇!
北海番屋
 
隔離再隔離枱嘅幾位白領男,成條魚自己慢慢刮嚟食,佢哋不斷企起身坐低,又再企起身坐低,好好笑
​​​​北海番屋
 
除咗魚生飯同壽司,店鋪仲有自助餐式嘅海鮮BBQ,自己夾完自己燒
北海番屋
 
北海番屋
 
北海番屋
 
築地 北海番屋
地址:4-14-16 Tsukiji, Chuo, Tokyo 104-0045
電話:03-5148-0788
營業時間:
11:00~15:00(L.O.14:00)
17:00~22:00(L.O.21:00)
 
是次消費:2900円/HKD$203
好味指數:★★★★(4) 
評語:北海道產嘅海膽夠哂鮮、夠哂甜!加上滿到瀉嘅海膽,未食之前已經滿足咗我視覺嘅享受!而滿滿嘅海膽丼都只係2900円(HKD$203),我相信以呢個質素,喺香港最少要一倍價錢先食到啊!重點係,食材真係好好好新鮮!另外鍾意呢間店鋪一樣嘢就係,佢哋營業時間去到夜晚10:00,客人唔算特別多,啱哂我呢啲唔想早起身但又想食好嘢嘅人啊!(懶)
 
評分標準:
★★★★★:超好食;大滿足,會推薦俾親朋戚友
★★★★:好食;一路食一路覺得滿足,下次會想再去
★★★:普通;可以去亦可以唔去
★★:麻麻地;可以一試,但唔好太大期望
★:難食;唔會想再去
 
送禮物時間
唔好意思,之前食物模型篇blog唔記得送,今次補返!呢個係一個「朱古力新地食物模型」,只要跟住說明書,自己係屋企都可以玩到㗎!想要就跟住下面玩法Share呢篇blog喇!
食物模型
 
1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時,點選左方的「分享博客文章」以獲得分享連結
4. 會員可透過各大社交平台及討論區分享連結網址,LikeJapan會統計每條連結的點擊次數,會員也可於博客頁面左方查閱點擊排行榜。
5. 截止時間內的分享連結點擊次數愈多,獲獎機會愈大。如有會員的分享點擊數目相同,將根據系統紀錄最快達到該點擊次數的參加者得獎。
詳細玩法亦可參考此頁
*如有任何爭議,LikeJapan將保留最終決定權。
遊戲截止日期: 
2016年4月17日