【日本郵輪假期vol.2】上郵輪玩Welcome Party!

上次「日本郵輪假期」第一集 講到去完太宰府天滿宮,今次正式登船喇!
 
如果大家都會去郵輪玩,嚟到登船港口請準備好passport,同埋留意番passport要有6個月以上效期,唔係有啲國家可能會唔比入境。如果飛機delay趕唔切開船時間,記得要第一時間聯絡番郵輪公司!今次我地就經Costa Cruise安排咗呢一個郵輪trip。
 
然後排隊辦理登船手續。準備好電子船票、登船證同行李tag後,將行李tag貼係行李上面,安檢完就會有人幫你安排送到你房門口。
 
過程好順利,好快就完成手續可以準備登船。
 
 
終於見到架船真身,超~~~大~~~呀 !比我想像中宏偉好多,第一時間聯想起鐵達尼號...其實Costa Victoria係Costa郵輪體系中雖然唔算大船,不過已經高達14層樓,載客量達2,394人,單係船員人數都有成接近800人,算係豪華中型郵輪!而且相較於其他郵輪,Costa Victoria嘅穩定度較高,只要天氣好唔打風,架船其實係好平穩流暢,所以我完全唔擔心會暈船,一粒暈浪丸都無帶~
 
 
至於點解要係福岡出發,係因為郵輪並唔係想坐就坐到,一定要有可以停靠嘅港口同埋穩定嘅氣候,先可以有機會上船。所以如果咁啱你想去嘅目的地有港口可以坐郵輪,一定要試吓~
 
 
 
房間感覺優雅而且整齊企理,最緊要有個露台可以隨時望到海景、曬日光浴甚至睇日出日落,夠晒chill。
 
 
 
設備的話雪櫃、風筒、電視、衣櫃等酒店應有既設備應有盡有。至於廁所雖小,但五臟俱全,只係要留意番因為環保嘅關係,牙刷牙膏,洗頭水或沐浴露等個人用品都要自備。
 
 
就連大堂亦相當華麗,welcoming party就係喺到舉行~透明電梯亦令我聯想到童年...最鍾意興奮地望住出面景色,每次搭都覺得心情愉快。
 
 
而且氣氛無時無刻都好high,所有工作人員同乘客都「鬼佬性格」超級熱情,加上晚晚都有party,令人真係有種身處歐洲渡假既感覺。
 
 
甲板上都有game可以玩~
 
 
而且仲有得做gym!所以記得要帶sports gear,朝早起身或是完咗一日嘅行程後都可以去做gym(如果仲有力的話),感覺人生很健康!
 
 
除左gym room,其實6樓既甲板都見到有好多人跑步,通常都係日出或日落時,對住個景跑真係靚到暈。
 
 
仲有籃球場!
 
 
如果男朋友掛住打籃球,女仔都唔洗怕悶,因為船上仲有好多義大利名牌免稅精品可以shopping。
 
 
當然唔少得casino,就算我唔賭錢,都一樣有賽車可以玩,haha
 
 
講到尾,呢到就好似大型club house咁乜都有咁濟,而且所有設施都可以免費享用,即使全日留係架船到,都可以好enjoy唔怕無野做。咩話,你話餐廳同泳池?之後有片會再講,記得留意啦!
 
 
+++++++++【樂天平掃日本貨】+++++++++
 
coupon折扣優惠: 
滿物滿¥11,000,可享¥1,500優惠
滿物滿¥14,000,可享¥2,000優惠
滿物滿¥20,000,可享¥3,000優惠
外加必掃福袋,詳情請參考: www.likejapan.com/cymonbottom