富士山下まかいの牧場,同動物玩遊戲~

露營嘅第二日,我地就嚟咗喺 campsite 附近嘅まかいの牧場,親親大自然、小動物。
個牧場都算幾大,又好多野玩~動物主要都係馬、牛、兔、羊等等,不過就可以同佢地有好多互動,唔係淨係睇
就算無去露營都可以一家大細喺東京揸車嚟玩,兩個小時車程左右
 
地址:静岡県富士宮市内野1327-1
營業時間:09:00 ~ 18:00
費用:入場費成人 - 800円,小童 - 500円
(再每個活動收費)
 
入口,好彩去果陣無落雨,不過都天灰灰
 
一入到去就見到有樹屋呀,應該係每個人細路果陣都想擁有一個!
 
第一站,騎馬,都係佢帶你行一個圈。不過如果天晴望住富士山就唔同講法,可惜今日係乜都睇唔到
 
第二站就去咗整雪櫃,呀,整雪糕先啱~
 
足足碌咗十五分鐘,終於將牛奶變成雪糕~
 
新鮮牛奶,應該唔係純牛奶再加咗野落去掛。我地三個都覺得好好食~
 
餵兔仔就當然有啦,不過兔仔唔算話好多
 
揸牛奶都好好玩!(雖然有啲核突)
 
呢隻係幾個月大嘅牛仔,已經咁大隻喇!我地可以餵佢飲奶,佢飲超多奶囉
 
牧場當然有好多乳製類食品,呢度啲野好多都係新鮮造,仲有好多選擇
 
蛋糕呀,見到都想食~
 
好多牛奶、乳酪。飲咗牛奶係超新鮮超好飲!
 
呢度真係好啱一家大細嚟玩!下次去東京不如搵一日嚟啦