【以後去旅行冇佢唔得!?】 「最新自拍神器」試玩報告!

去旅行玩又點少得自拍!不過揸機嗰個永遠都好慘,因為最近鏡頭,塊面永遠都係最大,而姊妹群就永遠縮到無雷公咁遠,務求唔使用美圖秀秀都有細粒面效果(一係就大家個頭已經遮哂個景......),所以每次自拍,小編都喺度諗,如果有部廣角啲、最好就有埋美顏功能嘅超易用相機咁就好啦!
 
原來諗吓諗吓就會成真!就喺小編出發去關西做採訪之前,突然收到公司通知話Casio會Sponsor我地最新「分體自拍相機」,開心到飛上天!部相機個名好似好勁,心急到即刻上網做吓Reseach睇吓呢部機咩來頭先!
 
 
咦!?個樣好特別喎!一睇EX-FR100個Design就知專為自拍而設,仲有美顏模式,就算素顏都拍出嫩白膚色,更加可以同時做到長腿、瘦面效果,最正就係鏡頭同機身可以拆開,想影任何奇怪角度一啲難度都冇!
 
唔講咁多,即刻同大家睇吓部機好唔好用啦!
 
 
部機都幾細部,帶喺身都唔係好阻地方,所以我決定隨時帶住喺身,試吓影多啲唔同種類嘅相測試吓部機嘅實力!(唔好問我有冇開箱文!由於過度興奮,盒相機一到手喺唔記得影相嘅情況下已經俾我急不及待咁拆開哂......I'm SORRY~)
 
靜物:
EX-FR100
 
iPhone
 
就算係飛機餐嘅正面,EX-FR100都可以好輕易影哂,邊邊仲有唔少空位添!相對iphone,就要用斜斜地嘅角度先可以影得哂成份餐。
 
風景:
EX-FR100
 
私伙相機
 
咪睇EX-FR100係部自拍相機,風景相一啲都難唔到佢,顏色同原景基本上冇乜分別,隨便影都影到遼闊效果,唔錯!
 
人像:
 
鏡頭夠Wide,就算手短如我都唔會成個頭遮哂後面啲景!亦因為夠Wide,叫多幾個朋友一齊影都絕對冇問題!仲有,部機有美肌功能,隨時都可以有粉紅粉紅趣緻的臉!
 
總評:★★★★☆
EX-FR100比想像中強勁,影出嚟效果都幾驚喜,原本喺機身Mon Check返啲相覺得同一般DC冇咩分別,點知放入電腦放大咗睇真啲就睇到畫面都幾細膩。而佢鏡頭同機身可以拆開嚟玩令到拍攝變化更大,更容易拍到意想不到嘅效果,呢點都好正!最方便係Download個App(個App叫「EXILIM」)就可以直接link去手機睇相,想即時share返畀friend都超簡單方便!呢部機,小心一玩上癮!
 
不過可能相機太輕巧,略嫌個Mon有啲細,想即刻放大張相睇嗰陣有少少唔方便。
 
拍攝小貼士:
 
1. 拎住鏡頭影!
 
 
既然鏡頭同機身可以拆開嚟玩,緊係叫朋友拎住個鏡頭大擺pose啦!好玩在你指揮佢嘅同時,佢完全唔知自己咩樣,拍完出嚟朋友都忍唔住大爆笑!
 
2. 放喺奇怪位影!
 
 
大家不妨試吓放喺啲奇怪位影,平日對眼唔多接觸到嘅角度就最Perfect!隨時影咗張大師級作品都唔出奇!
 
3. 加配件影!
 
 
呢部EX-FR100有好多配件可以玩,金錢許可就緊係買哂佢慢慢玩啦,咁就算上天下海天光天黑都絕對冇問題喇!
 
4. 喪影!
 
 
機身夠輕巧,一手掌握哂,拍攝質素又唔錯,下次去旅行真係可以帶佢就算,最重要係部機勁易上手,唔使點睇說明書,摸幾摸都會識用,就算唔係玩自拍,用嚟行街影相影野食質素都綽綽有餘,拎住佢有理冇理喪影!
 
以上只係個人試玩後嘅感受,想知多啲部機嘅野就要留意返以下官方訊息喇~
 
Casio EX-FR100有白、紅、黑、黃4色
 
長腿同美肌效果係呢部機嘅Basic Function
 
Casio EX-FR100 9大特點
 
多元配件適合不同活動
 
Casio EX-FR100基本規格