vr
21
Oct 17
01:01
博客

新宿VR Zone 4大精選試玩報告+買飛攻略

最近新開嘅新宿VR Zone口碑勁好,個個都話好好玩好好玩,一試果然冇講大話!即刻睇吓以下4個精選VR有幾正啦~~   小編覺得最好玩嘅就係「Mario Kart ARCADE GP VR」,可以4個朋友連機玩,玩家要一手控制呔盤,一手捉住同擲道具出去,勁好玩!如果執到鎚仔就可以瘋狂打其他玩家,好爽啊w不過小心掛住打人反而自己炒車喎w 評分: 刺激度 4粒星 實感度 3粒星 好玩度 5粒星   「新世紀福音戰士 VR THE 魂之座」一圓大家成為EVA駕駛員嘅心願~ 玩家要喺限時內殲滅使徒,期間EVA會「當機」,依個時候大家要大叫「動け(郁啊)!」EVA先會聽聽話話從新啟動,好搞笑w 不過感覺上只不過係一直向前(使徒方向)開槍,未算有好大驚喜~ 評分: 刺激度 4粒星 實感度 3粒星 好玩度 4粒星   進入「龍珠VR」嘅世界大家就可以化身成孫悟空修練龜波氣功~
04
Aug 17
23:43
博客

【關西首次登場!】氣氛超緊張!虛擬實景打喪屍「ZERO LATENCY VR」

位於大阪嘅阿倍野Q's Mall 3樓於8月4日開放咗全新嘅VR設施「SEGA VR AREA ABENO」,佔地有成225平方米,當中嘅「ZERO LATENCY VR」仲係首次喺關西登場,玩家可以喺假想嘅現實世界戴住VR Box走嚟走去完成任務,最多可以6個人一team,而第一彈嘅VR Game就係以打敗喪屍為最終目標嘅「ZOMBIE SURVIVAL」!   SEGA VR AREA ABENO入口   入場之後就會見到遊戲時要穿著嘅裝備,成件事超認真!   開始玩之前參家者需要輸入簡單嘅個人資料作計分用,唔識日文可以搵工作人員幫幫手。   工作人員會簡單講解吓遊戲玩法,唔識日文唔緊要,有哂圖又有漢字,唔識聽都大概會知點玩。   戴上VR Box就準備開戰!   大家都準備就緒之後就會齊齊移動去戰場。  
31
May 17
22:55
博客

龍珠Z VR+AR 東京玩具展2017開放體驗

東京玩具展2017仲有唔夠一個禮拜就舉行啦,相信大家都好關心有咩新玩具又要將荷包君斬到「一頸血」,而以玩具、遊戲嘅開發同企劃知名嘅MEGAHOUSE,早前就公佈過一個俾大家體驗出「龜波氣功」等嘅龍珠VR APP『BotsNew Characters VR DRAGONBALL Z』,相信都引起咗唔少人嘅注意吧。 而呢個『BotsNew Characters VR DRAGONBALL Z』,已經決定會喺於假東京Big Sight舉行嘅「東京玩具展2017」公開展示。而『BotsNew Characters VR DRAGONBALL Z』隨VR本體套裝會同梱專用控制器,可以體驗『龍珠Z』世界觀嘅AR/VR APP。 於VR APP『龜波氣功BATTLE VR』當中,玩家可以同孫悟空合作,用絕招對付撒亞人嘅生物武器「培植人」,又或者在『特訓體感! 比達VR』於VR空間內同比達特訓,甚至於「舞空術VR」內用舞空術遊覽龍珠嘅世界。 AR方面,作為AR APP嘅一部分,大家可以體驗於現實世界使用「龜波氣功」及「魔貫光殺砲」,又或者模擬用測定戰鬥數值嘅眼罩,去測定其他人嘅戰鬥數值。 AR及VR APP等都會於東京玩具展嘅MEGAHOUSE攤位「東3 HALL 3-26」展出及俾來客直接體驗。
22
Apr 17
01:41
新聞

【VR】全世界最高‧最快‧最長の最強過山車

豪斯登堡VR館將推出世界最高‧最快‧最長の最強過山車! 位於長崎県佐世保市嘅豪斯登堡,有個日本最大嘅VR館,將會推出全世界最高‧最快‧最長嘅過山車「VR-KING」! 玩過VR過山車嘅人都知道,嗰種快感唔會輸俾真實過山車,「VR-KING」仲要係號稱最強同最長嘅過山車,以全世界最高點300m作為起點,再以全世界最快時速270km垂直降落,全程長達3,000m,聽到個數字都驚啊!!!   「VR-KING」將於2017年8月5日登場 限制:8歲以上,未滿13歲需家長同意 地址:長崎県佐世保市豪斯登堡 https://www.huistenbosch.co.jp/
06
Apr 17
23:25
新聞

開學禮愈玩愈高科技? N高校今年玩埋MR!?

由角川多玩國公司(Kadokawa Dwango Corporation)建立,本身為一個「架空虛構學園創作計劃」嘅「電擊 N 高校」,最後竟然發展到真係開咗間「N高等學校」。當然,「N高等學校」雖然非100%常規學校,不過就真係搞教育,而唔係咩娛樂設施或者創作企劃。 由於「N高等學校」係一間容許「網上返學」嘅學校,自然連開學禮都要網上解決。而上年嘅第一屆開學禮,就搞咗個VR開學禮,成為一時話題。點知今年嘅第二屆網上開學禮仲犀利,竟然係MR開學禮! 上年嘅VR網上開學禮 究竟咩叫MR(混合實境)? 簡單說就係用家可感受到虛擬回饋,亦能與虛擬世界互動,就好似下面套片咁。 今次「N高等學校」就預備咗約70套「HoloLens」供現場參加開學禮嘅新生使用,睇驗MR嘅「威力」。而所謂嘅「HoloLens」,就係以下呢款…… 果然同頂頭公司一樣,用錢砸死人啊wwwwwwww 而校方除咗俾新生戴上虛擬實境裝置同沖繩縣嘅校長連線致詞外,仲同niconico合作搞同步直播,果然係「網上學校」!
24
Mar 17
01:09
新聞

【池袋「國際機場」正式啟用!】平坐頭等飛紐約不是夢!?

對於長期徘徊喺貧窮線邊緣嘅小編嚟講,坐頭等去遠啲簡直同中六合彩一樣難......不過如果只係用一餐飯嘅價錢就可以換到同真係坐頭等有差唔多一樣嘅模擬飛行體驗,雖然知道唔係真,都會心郁郁想去試吓!   可以坐住頭等座位歎美食嘅就係開喺呢棟極不起眼嘅大廈入面嘅「FIRST AIRLINES」,齋睇個名真係會俾佢呃到,以為日本又有新嘅航空公司,其實呢度只係可以畀你坐喺模擬機艙入面用餐嘅餐廳,由於目的地有紐約、羅馬同巴黎3條國際航線可以揀,所以FIRST AIRLINES亦自稱為「池袋國際機場」。   FIRST AIRLINES嘅地理位置都幾方便,由池袋西口出發大概都只係5分鐘左右,但係行咗入大廈,莫講話機場,連一丁點飛機嘅感覺都冇!   不過一出𨋢就開始有驚喜,FIRST AIRLINES嘅接待處已經出現喺眼前喇!   仲有埋個牌顯示每班航班出發嘅時間同目的地,開始感覺到佢地製作嘅認真態度啦!提返大家,如果想嚟呢度食返餐感受吓,記得一定要預約,仲要喺起飛前15分鐘到達辦理Check-in手續。   Check-in之後就可以正式進入機艙!入面其實唔係好大,只有8個
18
Feb 17
00:41
新聞

唔係發緊夢! 真係可以「玩轉」大雄間房!

多啦A夢陪住唔少人成長,成日都好羨慕大雄可以有多啦A夢喺佢後面幫佢執手尾。如過而家話畀大家聽有機會走入大雄間房去同多啦A夢見個面,大家又有冇興趣!?     為咗配合電影「大雄的南極大冒險」嘅上映,相關單位製作咗呢個用到VR技術去玩嘅特別企畫活動,只要事先喺網上預約,就可以戴住個VR box走入大雄間房,多啦A夢仲會喺時光機個櫃桶彈出嚟同你打招呼,加上範圍內突登擺放咗隨意門同書枱等實物,臨場感超勁!   呢度隨意門係成個game嘅焦點,打開門就會帶你去到世界嘅另一端,只係一秒之差,就已經發現自己企緊喺脫落中嘅冰塊上面,又或者係高速行髮中嘅列車之上,相當刺激好玩!   多啦A夢會由個時光機櫃桶彈出嚟同你打招呼!   係咪睇見就想即刻衝去玩呢?睇埋條宣傳片搞到小編直情想立刻馬上衝去玩,不過去之前記得要網上預約!  
30
Dec 16
23:57
博客

【東京3大必玩VR虛擬實景】連女仔都大讚超好玩!

打機並唔係男仔專利,特別係近年推出嘅VR Game虛擬實景遊戲,風靡住球,不分年齡性別大家都齊齊大讚好玩,360度嘅立體影像假想空間令人不自覺地全情投入,玩到手騰腳震兼尖聲大叫一啲都唔出奇!   到而家都未玩過唔緊要,話畀你聽東京呢3個VR Game都係必玩!會去東京的話記得Bookmark定!   1. ZERO LATENCY@Tokyo Joypolis     呢個係全世界第一個可以6個人一齊玩嘅VR Game,頭嗰15分鐘,職員會簡單咁講吓個遊戲嘅玩法,跟住嗰15分鐘就會正式開始同喪屍廝殺。個game都幾講求團隊合作,赢定輸,睇你會唔會有豬一樣嘅隊友。由於玩嗰陣要揹住個4公斤背囊同2公斤嘅槍行嚟行去,所以大家最好著啲方便移動嘅服裝同鞋,迷你裙同高踭鞋就留返shopping再著啦~     除咗呢個「 ZERO LATENCY」,Tokyo Joypolis入面仲有超過20款唔同遊戲可以玩,有唔少都係要動用到穿身氣力,成班friend一齊嚟圍威喂好玩到震!   Tokyo Joypolis 地址:東京都港区台場1丁目6番1号 DECKS Tokyo Beach 3F~5F 電話:03-5500-1801 營業時間:10:00~22:00 休息日:不定休 費用:入場費 大人¥800、小童¥500;入場加任玩套票 大人¥4,300、小童¥
12
Dec 16
19:43
博客

【步入刺激緊張嘅「虛擬世界」 】 澀谷70分鐘VR任玩放題!

VR遊戲流行咗咁耐,你唔係未玩過啊嘛?!   唔緊要,大好嘅機會嚟啦!因為位於澀谷Adores 嘅4樓已經全面改裝成「VR PARK TOKYO」,入面會開放5個遊戲,仲話之後新Game會陸續有嚟,最正係呢度唔使逐個Game收費,入場畀¥3,300就可以玩足70分鐘,兩個人去仲有得再平啲添!呢度12月16號就會正式開幕,仲唔快啲Bookmark定到時衝入去玩!   玩VR又點少得劇院式玩法!未玩過VR GAME可以先玩吓呢個,坐定定唔使點郁就可以有前所未有嘅嶄新體驗!不過肉體上嘅輕鬆唔代表心靈同精神上嘅輕鬆,遊戲嘅故事劇情極度緊張同恐怖,小心踏入咗虛擬世界隨時行唔返出嚟......!   雖然旁人睇你玩呢個Game好似傻子一樣揸住支棍係咁Fing,但實情你係做緊偉大又神聖嘅任務,坐住飛毯穿梭天際之間打怪獸,企喺度玩好考平衡感㗎!   場內大部分遊戲都可以2個人一齊玩,好似呢個「GHOST ATTACKERS VR」咁,就可以同朋友齊齊化身驅鬼專家,對住啲鬼不停大開殺界,好過癮。   講到日本運動,一定唔少得棒球,所以喺場入面都可以玩到
18
Nov 16
18:44
博客

高達VR再襲台場?

高達VR再襲台場? 之前高達VR巳經喺Diver City Tokyo個VR ZONE出現過一次 今次就完全同VR Zone無関係... 係Gundam Front Tokyo自己搞。 「機動戦士ガンダムVR作戦」係屬於TOKYO Gundam Project入面其中之一環嘅VR體驗 開放日子:2016年11月22日至2017年3月尾 開放時間:1000至1830(如果太多人會早收) 收費:500円(入場費另付)只能在當日喺現場體驗買飛 利用制限:13歳以下、飲左酒、易暈車船浪、有咗BB或身體状態欠佳都唔俾玩   由於有片段係喺高空,所以有懼高症不建議試玩 要留意就係如果職員認為你已陷入恐慌状態,出現呼吸加速、手足無措、無法對週遭事物做正常反應等等嘅懼高症發作病徵 職員有權立即中止你嘅VR體驗!