travel
14
Apr 16
00:09
博客

【鐵道遨遊】日本六大列車穿梭美景方案 !

去過日本嘅你,應該都認同日本風景怡人~ 如果可以有一個 假期去日本,我會希望試一次鐵道遊,坐喺列車上面細看感受 日本大自然風景嘅奧妙。所以,今次挑選咗 【六大穿梳日本美景】嘅鐵道列車方案,希望你會鍾意!   1. 京都府 嵯峨野 觀光鐵道 嵯峨野觀光線係京都市與龜岡市之間嘅觀光小火車 (トロッコ列車)路線。Diesel火車頭牽引住懷舊木製車廂, 周遊喺古都四季變換的溪谷中。5號車仲連接著可以將窗戶 玻璃取下嘅開放式車廂(圖中我搭嘅車廂)。   記得當時正值楓葉季,沿路一直有無數一片片山頭嘅楓葉 影入眼廉,嗰次大概係一次浪漫嘅列車旅遊,買車票 唔係為咗要去邊度,而係想藉住小火車嘅前行,去感受 去享受沿途嘅風景~記得去到中途站,火車上嘅車長 仲拎起枝咪高歌一曲,日本風情啊~   網上購票:https://www.sagano-kanko.co.jp/   我當日朝早9點去到嵯峨野,已經好多人排緊隊買飛! 所以如果可以預早喺網上面買到飛就最好啦! 花季會特別多人買飛㗎!  
04
Jan 17
00:05
博客

【以後去旅行冇佢唔得!?】 「最新自拍神器」試玩報告!

去旅行玩又點少得自拍!不過揸機嗰個永遠都好慘,因為最近鏡頭,塊面永遠都係最大,而姊妹群就永遠縮到無雷公咁遠,務求唔使用美圖秀秀都有細粒面效果(一係就大家個頭已經遮哂個景......),所以每次自拍,小編都喺度諗,如果有部廣角啲、最好就有埋美顏功能嘅超易用相機咁就好啦!   原來諗吓諗吓就會成真!就喺小編出發去關西做採訪之前,突然收到公司通知話Casio會Sponsor我地最新「分體自拍相機」,開心到飛上天!部相機個名好似好勁,心急到即刻上網做吓Reseach睇吓呢部機咩來頭先!     咦!?個樣好特別喎!一睇EX-FR100個Design就知專為自拍而設,仲有美顏模式,就算素顏都拍出嫩白膚色,更加可以同時做到長腿、瘦面效果,最正就係鏡頭同機身可以拆開,想影任何奇怪角度一啲難度都冇!   唔講咁多,即刻同大家睇吓部機好唔好用啦!     部機都幾細部,帶喺身都唔係好阻地方,所以我決定隨時帶住喺身,試吓影多啲唔同種類嘅相測試吓部機嘅實力!(唔好問我有冇開箱文!由於過度興奮,盒相機一到手喺唔記得影相嘅情況下已經俾我急不及待咁拆開哂......I'm SORRY~)   靜物: