train
09
Aug 17
02:17
新聞

JR黑潮號爆萌熊貓特別列車 「Smile Adventure Train」期間限定絕讚運行中!!

JR西日本唔經唔覺原來已經開業30周年,剛好遇上原來白濱出晒名嘅動物園「Adventure World」出年就開園40周年喎! 咁冇理由唔搵嘢搞下嘛! 於是就有咗剛剛開始行駃嘅限定主題火車「Smile Adventure Train」啦! 「Smile Adventure Train」編制上屬於特急列車「黑潮(くろしお) 號」,不過就得一班共6節車廂(未計綠色車廂同女性專用車廂,如該班次為9節編成,則會加入3節普通車廂)構成嘅列車。車頭一嚟就大大個熊貓頭夠晒可愛,而火車車身亦會有各種動物出現啊! 車廂內部都有「搞作」喎! 原來係坐位嘅椅套變晒熊貓版! 而各自動門都係加上咗動物嘅插畫。 「Smile Adventure Train」將會繼續作為「黑潮(くろしお) 號」遊走於京都站同和歌山縣新宮站之間,中途會經過新大阪站、天王寺站、和歌山站、白濱站等,直至2019年11月為止(預定)。而由於實際運行時間係每日唔同,最好出發前先上官網確認。     資料/圖片來源: JR西日本官網  乗りものニュース
14
Apr 16
00:09
博客

【鐵道遨遊】日本六大列車穿梭美景方案 !

去過日本嘅你,應該都認同日本風景怡人~ 如果可以有一個 假期去日本,我會希望試一次鐵道遊,坐喺列車上面細看感受 日本大自然風景嘅奧妙。所以,今次挑選咗 【六大穿梳日本美景】嘅鐵道列車方案,希望你會鍾意!   1. 京都府 嵯峨野 觀光鐵道 嵯峨野觀光線係京都市與龜岡市之間嘅觀光小火車 (トロッコ列車)路線。Diesel火車頭牽引住懷舊木製車廂, 周遊喺古都四季變換的溪谷中。5號車仲連接著可以將窗戶 玻璃取下嘅開放式車廂(圖中我搭嘅車廂)。   記得當時正值楓葉季,沿路一直有無數一片片山頭嘅楓葉 影入眼廉,嗰次大概係一次浪漫嘅列車旅遊,買車票 唔係為咗要去邊度,而係想藉住小火車嘅前行,去感受 去享受沿途嘅風景~記得去到中途站,火車上嘅車長 仲拎起枝咪高歌一曲,日本風情啊~   網上購票:https://www.sagano-kanko.co.jp/   我當日朝早9點去到嵯峨野,已經好多人排緊隊買飛! 所以如果可以預早喺網上面買到飛就最好啦! 花季會特別多人買飛㗎!