starbucks
18
Aug 17
18:52
博客

京都 宇治一日遊 交通+行程 懶人包

京都宇治 京都市vs宇治市 成日話「京都宇治」「京都宇治」,其實京都市同宇治市係兩個獨立唔同嘅市,不過兩個地方都同樣屬於京都府咁解~由於宇治市距離京都市好近,30分鐘車程都唔洗,所以去京都玩幾日嘅朋友,不妨去埋宇治一日遊!   一日遊行程推介:                         京都站(京阪電鐵)→ 宇治站 → 世界文化遺產宇治上神社 → 朝霧橋 → 平等院表參道 → 京都特色Starbucks → 世界文化遺產平等院 → 宇治橋通商店街 → 中村藤吉本店 → 宇治橋 → 宇治站(JR)   宇治景點逐個數 講起宇治,香港人可能淨係講得出抹茶,就好似日本人講起香港,淨係諗到成龍一樣(哭) 其實宇治除咗有好多抹茶老店(例如分店開到去尖沙咀嘅「中村藤吉」)之外,仲有兩個世界文化遺產同埋好多打卡靚景㗎!  
08
Jul 17
02:13
博客

必去!9大最美 日本Starbucks

日本Starbucks成日都會出限定飲品menu,相信唔少朋友都去過日本Starbucks~ 日本Starbucks唔止好飲仲好靚㗎!今次就同大家睇下日本9間超靚Starbucks係咩樣㗎啦!   第一間介紹係呢間位於富山縣富山環水公園入面~外牆玻璃設計能清楚睇到公園環境同河流~非常寫意~ Starbucks 富山環水公園店 地址:富山県富山市湊入船町5富山富岩運河環水公園     第二間介紹係位於神奈川縣嘅鎌倉御成町店 呢間鎌倉御成町店喺寧靜嘅住宅街入面,於漫畫家横山隆一嘅房地建設 店入面嘅櫻花樹、花藤、泳池都係漫畫家横山隆一嘅愛物   Starbucks 鎌倉御成町店 地址:神奈川県鎌倉市御成町15-11     第三間要介紹嘅係神戸北野異人館店,神戸北野異人館係日本文化財產之一,內外都保持當時樣貌,喺呢到就好似去咗歐洲嘅cafe飲咖啡咁~
23
Jun 17
19:20
新聞

從心感受京都歷史氣氛!Starbucks「二寧坂新店」即將開幕!

去完清水寺攰攰地想搵個地方休息吓?由6月30日起有個好地方,就係位於二寧坂嘅Starbucks新分店!呢間分店特別選址於已有100年歷史嘅日本古屋,仲保留咗大屋嘅外觀,如果唔係見到Starbucks個logo,真係唔知呢度竟然有間Cafe。   新店將會有兩層,由內至外都盡可能保留屋內具歷史價值嘅裝潢,所以未行入間舖,就已經可以感受得到獨特嘅歷史氣氛。   一樓嘅室內設計構思來自京都嘅東山花燈路,柔和嘅燈光就好似走咗入寧靜嘅後花園一樣。   自然光滲入走廊,整個氣氛非常舒服。   2樓有傳統嘅榻榻米座位,可以一邊歎咖啡一邊感受京都嘅文化氣息。 由於新店希望喺呢個咁有歷史嘅地方可以為客人提供不一樣嘅休閒空間,所以喺多人嘅時段會作出入場管制,亦禁上客人於店外排隊等候,想過嚟飲返杯咖啡記得唔好揀周末嘅黃金時間。   スターバックス コーヒー 京都二寧坂ヤサカ茶屋店 地址:京都市東山区高台寺南門通下河原東入桝屋町349番地 營業時間:2017年6月30日起 08:00~20:00 休息日:不定休
15
Jun 17
00:05
新聞

Starbucks 「4大矚目夏日甜品」! 6月14日起日本有得試!

Starbucks經常推出新飲品,今次終於都輪到甜品喇,仲一次過推出4款,由即日起就有得試,下次想去坐低傾吓計就唔使淨係叫杯飲品咁單調~   1. 芒果布甸 ¥320 用被稱為芒果之王嘅印度Alphonso製作而成,入口食得出粒粒果肉口感!而為咗增加味道上嘅層次,更加特登加入熱情果果汁炮製,味道甜中帶微酸,夏天食好醒胃!   2. 抹茶冬甩 ¥250 咪以為呢個冬甩睇落好似冇咩特別,面層勁厚嘅抹茶嘅朱古力原來係用咗店內Maccha Latte相同嘅抹茶製成,味道帶有些微苦味,同咬落煙煙韌韌甜甜地嘅冬甩味道非常之夾,再叫多杯咖啡就係一個完美嘅下午茶。   3. 抹茶美式鬆餅 ¥270
27
Apr 17
19:59
新聞

Starbucks銀座GINZA SIX店首發!「啤酒般的咖啡」!?

喺東京銀座最近開咗個新地標「GINZA SIX」,入面有多達200多間舖頭畀大家由朝逛到晚!不過今次唔係介紹入面嘅舖頭有幾勁,而係基本上總有一間喺左右嘅「Starbucks」。   GINZA SIX嘅1樓、2樓及6樓都各設有Starbucks,不過今次嘅目標係位於6樓嘅Starbucks Reserve Bar,除咗店內空間設計獨特之外,喺呢度仲可以試到此店限定嘅咖啡甚至係紅酒Menu,一定唔會令一眾咖啡迷失望!   室內空間非常舒適!   【必試!啤酒般的咖啡!】 必試嘅就係呢杯全日本Starbucks暫時只有呢度先飲到嘅「Nitro Cold Brew Coffee」,加入咗液態氮製作,飲落口感有啲似黑啤,充滿綿密嘅細泡,同平時飲開嘅咖啡相比口感非常不一樣!而由於呢杯咖啡嘅萃取時間只有14小時,所以味道唔會過酸或太苦,嗒真啲仲有淡淡嘅果香,越飲越正!   臨走前記得行返個圈先好走,因為隨時可以買到世界產量稀少嘅咖啡豆,部份更加係賣哂就唔會再有貨,睇啱就要即時
21
Apr 17
19:51
博客

銀座GINZA SIX正式開幕,帶你睇最注目店舖

琴日經過銀座嘅朋友,有冇見到好多人喺個商場門口排隊呢? 呢間位於銀座最大嘅商場GINZA SIX琴日正式開幕!琴日有成2,500人朝早排隊等佢開門~到底有幾勁呢? 呢間商場由B2到13樓一共有241間店舖,商場最頂有銀座最大嘅空中花園。 商場裝修設計都係一個好重要嘅賣點,商場基本設計同外觀由設計師gwenael nicolas所設計,設計加左銀座街道元素,帶有和風嘅設計。 而且仲有有名藝術家草間彌生等加入藝術元素,令成個商場感觀添加左好多刺激感~ 其中受矚目就係呢間Cafe'Dior by Pierre Herme’ 裝修高級優雅,食物味道同外觀都好有睇頭!
20
Apr 17
01:55
新聞

【青森縣限定】日本Starbucks又出靚靚限定杯

日本Starbucks成日出靚杯,而今次就同「JIMOTO made シリーズ」合作出左青森縣津輕地方Starbucks共4款杯,佢地都有名同埋意思㗎~ 由左至右 「津軽びいどろAOMORI」 藍色代表津輕灣嘅海與人嘅優雅,而一點點嘅紅色代表對於青森睡魔溫柔嘅心 「津軽びいどろTSUGARU」 白色代表雪,加上一點點非常凍先至會感受到嘅綠色 「津軽びいどろHIROSAKI」 弘前公園嘅櫻花,櫻花樹幹同建築物啲柱嘅啡色 「津軽びいどろGOSHOGAWARA」 用代表立佞武多嘅紅色同黑色,津輕鐵道嘅黃色,表現出風吹雪打   開售時間:4月24日 容量:266ml 價錢:每款2,800yen(未連稅) 換購地點: 津軽びいどろAOMORI…「青森ラビナ店」「青森中央店」「青森西バイパス店」 津軽びいどろTSUGARU…「青森ラビナ店」「青森中央店」「青森西バイパス店」「弘前公園前店」「青森ELM店」 津軽びいどろHIROSAKIml…「弘前公園前店」 津軽びいどろGOSHOGAWARAml…「青森ELM店」
11
Apr 17
01:58
新聞

Starbucks手繪已成過去!? 一齊回味「超窩心回憶」

最近日本有唔少網民話去Starbucks買野飲嘅時候發現平時最期待嘅店員手繪message竟然唔見哂,取而代之嘅係毫無生氣嘅電腦貼紙,收到杯飲品真係有少少失望......   右邊為舊有手繪版,GTL即係Green Tea Latte。   如果有飲開Starbucks,應該都唔難發現到杯上面會有幾個手寫嘅英文字,呢幾個字母其實係為咗畀員工之間識別唔同飲品嘅特定代號,好似「C」就代別Cappuccino,「A」就代表Americano,店員有時甚至會喺杯上留言,客人拎起會有莫名窩心嘅感覺。   所以當大家知道咗Starbucks嘅手繪突然消失都好大反應, 有日本網媒更加特登去問Starbucks到底係咩一回事!Starbucks 話呢種做法嘅最終目的其實係想減少出錯,並唔係廢除或禁止員工喺杯上留言同畫公仔,貼紙同手繪可以共存,叫大家放心咁話喎!   Any肥,希望Starbucks嘅員工唔會因為用咗貼紙就唔再透過飲品同客人互動,至於點解日本人會對呢間事咁大反應,睇吓以下由網民share出嚟嘅杯上留言就feel到啦,少咗呢啲筆跡,杯飲品好似真係冇咁完美。   今日は朝からスタバ行ってからスケボーしたりして中々いい日だったー pic.twitter.com/g5x3lhhlox — Riki (@edrm9) 2016年2月6日 「Have a nice day!」已經算係常
05
Apr 17
19:14
新聞

Starbucks玩酥皮頂!?原來係初夏「透心涼」新作!

第一眼仲以為Starbucks搞乜鬼放個菠蘿包喺頂,原來係初夏新作「American Cherry Pie Frappuccino」!同樣會喺4月13日推出嘅仲有「Classic Tea Cream Frappuccino」,兩款嘅賣相睇落都好吸引,睇嚟嚟緊會去日本的話又要買返杯試吓啦!   American Cherry Pie Frappuccino ¥640 呢杯咁盞鬼嘅Frappuccino頂層當然唔係真係菠蘿包,而係半球形嘅脆批,批入面包住滿滿嘅香滑忌廉,食嘅時候可以將個批逐少整碎,溝埋杯入面嘅櫻桃雲哩拿一齊飲,多一重口感又有脆批嘅香氣,成功加分!最底仲有粒粒以糖煮過嘅櫻桃果肉,味道甜入心,櫻桃迷一定要試!   Classic Tea Cream Frappuccino ¥590 簡單啲講呢杯就係奶茶沙冰,不過製作手法就比較特別,base嘅奶茶唔係將奶倒入茶膽咁整,而係將茶葉直接加入牛奶中煲煮,仲要係同時用咗Earl Grey、錫蘭紅茶、馬拉威紅茶三種茶葉,茶香都幾突出。 呢杯飲品仲有一個特別之處,就係最頂以蜂蜜同煉奶整成嘅honey milk sugar,為清新嘅奶茶加入甜蜜嘅感覺,對比起我地香港飲開嘅港式奶茶,呢一杯非常不平凡!   American Cherry Pie Frappuccino 發售日期:2017年4月13日~5月16日 售價:¥640 Classic Tea Cream Frappuccino 發售日期:2017年4月13日
08
Mar 17
00:06
新聞

【Starbucks新作出爐!】「橙 X 芒果」係咩味道!?

仲奇怪點解最近唔見Starbucks有新作出現,轉個頭就即刻為大家送上兩款飲品!     「Sunshine Mandarin Mango Tea」同「Sunshine Mandarin Mango Tea Frappuccino」兩款都係以橙同芒果做主要材料,香甜嘅芒果味中滲透住淡淡嘅橙香,甜中帶有微酸,唔飲咖啡嘅朋友去Starbucks有多個撰擇啦!   Sunshine Mandarin Mango Tea ¥430~ 除咗橙同芒果,呢杯熱飲嘅茶包都係靈魂之一,由頭飲到落尾茶包依然可以keep住有味,唔會飲到最後得返果汁味,加埋少少椰漿,成功做到畫龍點睛嘅效果!   Sunshine Mandarin Mango Tea Frappuccino ¥570 Frappuccino用咗black tea加奶整成嘅冰沙取代茶包,除咗果香味道突出之外仲食到粒粒椰子肉,無論係味道定口感,同熱飲分別都幾大!   地點:日本Starbucks 發售日期:2017年3月15日~4月12日