solamachi
07
Mar 17
19:21
新聞

【東京期間限定多啦A夢Cafe】期待爆燈「角色料理」出現啦!

《多啦A前之大雄南極大冒險》已經喺日本上咗畫,唔係好識聽日文入唔到場睇都唔緊要,因為東京有唔少地方都搞緊同呢部戲有關嘅宣傳活動,即使唔識日文,都一樣可以瞓身參與!     好似呢間會開到5月7 日嘅多啦A夢期間限定Cafe就一定係多啦A夢迷遊東京必到新點!除咗可以食到只此一家嘅原創料理,仲有得一次過掃哂唔同精品,多啦A夢迷嚟到呢度一家會大出血!   連枱墊都靚過人!如果唔想整污穢,料理上枱前好收起佢啦!   南極多啦咖喱飯 ¥1,650 呢個係作為南極觀測隊嘅戲迷嚟講必點之作!見到多啦A夢圓碌碌嘅造型已經覺得好可愛,味道亦同坊間嘅咖喱專門店有得比,絕對唔係得個樣!   多啦A夢梳乎厘雪糕 ¥1,800 呢個甜品只可以用4個字嚟形容,「不可思議」!一入口冰凍嘅感覺同雪糕嘅甜滑已經瞬間佔據口腔!留意返個份量都幾大,可以只點一份同朋友一齊share。   PAOPAO泡芙Set ¥1,300
25
Nov 16
18:07
博客

天空樹下吃喝玩樂-晴空塔商場Solamachi 商店推介

  上個禮拜同大家分享咗我地去東京淺草晴空塔嘅PPAP Cafe朝聖同埋上Skytree睇風景,但大家嚟到千祈唔好睇完個塔就走呀!其實呢度樓下仲有個5層樓嘅商場,有各式各樣嘅店舖同食市,就算一家大細唔同要求都適合行~唔係淨係得涉谷原宿先有得shopping㗎~   今日就等我同Vivi輕輕推介5間我地覺得遊客難得嚟到應該一戰嘅餐廳+店舖啦!   1)Pokemon Store (5F 東區) 今年Pokemon Go hit到爆燈,重燃起唔少人對寵物小精靈嘅熱愛。東京除咗池袋之外其實Solamachi都有Pokemon Center嘅分店!除咗公仔、文具、小食,依家仲做緊Pokemon X Mario嘅crossover主題商品,同埋有Skytree Pokemon Store限定嘅商品添架!   2)nanaco plus+ (4F 10區) 遠睇可能以為係一間好普通嘅首飾舖,但其實呢間舖頭係將日本傳統糖果加工再變成非常可愛嘅吊飾、髮飾、耳環、手鍊、電話繩或鑰匙扣。因為每款糖果都好日系,而且真係有好多款式,所以尤其適合女仔嚟買野!男仔行都唔緊要,可以買下禮物俾身邊嘅女性朋友嘛XD