smap解散‬
27
Dec 16
05:57
新聞

Softbank為SMAP最後一夜拍攝特別廣告

大家都知道今晚係《SMAP×SMAP》最後一集。已經有唔少感動人、喚起回憶嘅畫面播出喇。除此之外,Softbank仲特別為佢地今晚拍咗個廣告,令唔少粉絲高呼:「實在太有心,太令人感動喇!」             SMAP自2009年起就擔當Softbank嘅代言人。雖然最近冇乜佢哋5個幾廣告,但今晚就播出咗以佢哋嘅「Original Smile」為BGM、集合佢哋過往廣告精選畫面嘅「完全新作」廣告!     廣告入面,片段中夾雜著「曾經發生過呢啲、同呢啲,各種各樣嘅事,直到今時今日,真係非常之,感謝。」嘅對白。成1分鐘長嘅廣告入面最後係Softbank代言狗「白戶爸爸」稍微傷感嘅表情咁講「唔係再見...啊嘛」...嗚嗚  
19
Jan 16
06:24
博客

歡呼:SMAP唔會解散!

今晚富士電視台就係SMAPxSMAP節目中直播SMAP各成員剖白佢地面對解散傳聞嘅心情。以下係佢地順序發言嘅大概內容:   木村:由上星期開始,我地嘅事令大家擔心,亦為大家添左好多麻煩。因為唔想SMAP就咁半途而廢,我地5個人自己決定要用依個時間,一齊同大家面對面報告一下。   稻垣:我地要為今次造成嘅騷亂而道歉。今後為左大家可以繼續見到我地嘅身影而努力,請大家繼續支持我地。   香取:(真誠地道歉後沉默左一陣)我希望今日開始同大家一齊展現更多嘅笑容。   中居:今次嘅事,感受到SMAP好受大家嘅照顧。(道歉)   草彅:大家俾我地嘅說話我地會注意。真係好感謝大家。今次,好多謝木村為我地製造左同Johnnys先生道歉嘅機會。5個人咁企係道覺得好安心。   木村:最後,以後我地無論發征咩事,都會向前看,繼續向前。   (五人鞠躬)   嗱!係咩睇完都好似無講過佢地到底解唔解散咁?依啲就係日本人嘅曖昧文化,反正主要就係道歉,所以我都唔譯得咁足啦。總之,一句講曬:SMAP唔會解散!  
19
Jan 16
01:31
博客

SMAP解散傳言 粉絲瘋了!

日本天團SMAP近日因為一手帶大佢地的經理人飯島三智將要離開傑尼斯事務所而傳出解散消息,只有木村拓哉一人會留係公司。依個消息令佢地廣大嘅粉絲震驚,一日之內係咁瘋傳。 今朝日本方面有最新消息,事務所高層對其餘四個有獨立之心嘅成員表示對於事件要想獨立嘅四個人(中居正廣、稻垣吾郎、草彅剛、香取慎吾)向相關嘅廣告商同傳媒朋友道歉,先會考慮佢地有無得留低。 跟住到下晝,事務所就發表聲明話今晚將會係5位成只主持嘅SMAPxSMAP節目中,直播成員對今次解散傳言嘅真情剖白。 大家都好期待到底今晚直播佢地5個人會講咩,又到底係咪真係會解散呢?未知住,但係粉絲們為左挽留佢地已經做左好多野,等我為大家整理下短短幾日發生左啲咩事先!13/1/2016(三) - SMAP解散消息傳開,世界各地粉線瘋傳14/1/2016(四) - 粉絲發起搶購SMAP代表作2003年的單曲《世界上唯一的花》 - 《世界上唯一的花》登上日本Oricon當日第4位15/1/2016(五) - 事務所就繼續話傾緊唔方便透露,各成員都繼續唔回應事件 - 粉絲發起網上聯署,超過一萬人簽名 link(依家過二萬啦)16/1/2016(六) - 木村率先在電台節目開腔談及事件,但只係叫大家信佢 - twitter中瘋傳有日本婆婆係醫院都要寫親筆信支持SMAP
19
Jan 16
18:52
博客

SMAP「被道歉」之後

琴晚小編都睇左SMAP×SMAP直播SMAP「被道歉」嘅片段,今日新聞就報佢地節見收視最高去到37.2%,平均都有31.2%,超過左當年稻垣吾郎負面新聞後首次回歸嘅收視。 知道SMAP 唔會解散之後,即刻又有好多聲音出來,我地一齊睇睇: SMAP經理人飯島三智:「放心... 佢地5個唔會變。我之後都會繼續支持佢地。」 藝能方面業內人士:「係報導出黎之前,佢地4個都已經打消左獨立嘅念頭。但新聞係咁出,好似煽動佢地咁。」 事務所人士:「SMAP係唔可能全部人獨立。係佢(瑪莉副社長)叫佢地道歉先俾佢地返公司。」 藝能方面業內人士:「提出獨立之前,先要知道4個人再要好似以前咁做野會遇到好多問題。」 事務所人士:「木村成日話『就算大家分開做唔同野,需要嘅時候就會走返埋一齊,向住同一個方向。依個就係SMAP』,所以佢先佢瑪莉副社長提出想令其他4個人返黎。瑪莉副社長都係有人情味嘅。」 粉絲方面,好多人都覺得5子睇起黎好攰,好唔開心,似係被迫出來道歉。有啲人都覺得佢地再留係事務所都好似冇曬自由咁。同時,有人留意到本來係隊長嘅中居企左係側邊,又只有木村條呔係淺色過其他人,暗示5個人係事務所地位唔再一樣。 不過,無論點都好SMAP 唔會解散對粉絲黎講都係喜訊黎嘅!
16
Aug 16
02:36
博客

[超詳細報導] SMAP解散騷動來龍去脈 誰是誰非?

要數今週最勁爆日本娛樂新聞,一定非「日本國民偶像組合SMAP解散」莫屬。   不論日媒還是港媒都出現了多份報導,矛頭分別指向不同成員及尊尼事務所(簡稱J家)的管理層。以下會綜合各路報導就事件提供全面分析,就算平時不太了解J家的你都會明白事件的來龍去脈以及J家風光表面背後的一面。   利申:以下文章出現任何指控均來自不同媒體的意見,並非反映本人立場。事件及流言的可信性由君決定。   想了解整個故事的來龍去脈,首先要認識以下重要角色: 1)主角:SMAP 5位成員 左起: ・隊長中居正廣 ・曾與菅野美穗分分合合糾結15年最終無果、走紳士風格的稻垣吾郎 ・曾經發生爛醉裸奔公園醜聞,最近因扮成杯緣子而大受歡迎的草彅剛 ・SMAP裡年紀最小,擁有一頭標誌性金髮的大隻仔香取慎吾 ・萬人迷木村拓哉、被指為唯一一個不想離開J家的成員,因此被成員視為背叛者(因為選擇不跟前經理人共同進退)   配角:J家權力鬥爭分幫分派眾首領