shopping
17
Mar 16
19:00
新聞

日本網購福音!日本郵局開放「代收網購」服務!

  好多人都鍾意上日本網站購物,但係點樣收貨就成為一個好大嘅問題!想慳返d代購錢,直接寄去酒店拎貨又未必間間肯!而家機會嚟啦!日本郵局15號就宣布,將會開放郵局俾人領取網購商品,4月1日起正式實施。   以後上網購物後選擇指定寄送嘅郵局,就會收到購物網站提供的取件密碼e-mail,被通知物品到貨之後,拎埋取貨密碼到指定郵局領取就可以,超方便!   日本國內大約有2萬個郵局分行都會推出網購代收服務,但簡易郵局除外,所以揀郵局嘅時侯都要睇清楚有無呢個服務喇。   但限制係郵局只代收僅用「ゆうパック」寄出嘅商品,尺寸大約為長寬高合計170cm、限重30kg內。   而家連網購都咁方便,真係Shop到出血都唔掂呀 
23
Jun 16
01:27
博客

關西最大複合商場-Expocity!集購物、玩樂、飲食於一身

今次要介紹呢個關西最新最大複合商場-Expocity!上年12月先開幕,準備去大阪嘅一定唔可以錯過~ Expocity集合咗超過300間店鋪,由藥妝、時裝、零食到精品都一應俱全,除咗買野仲有其他娛樂設施、小朋友樂園,大人就可以去行街買野,細路就可以去玩。留喺呢度成日都絕對唔過份~   大阪 EXPOCITY  地址:大阪府吹田市千里万博公園2-1   Expocity 位於大阪萬博紀念公園隔離,喺萬博紀念公園站落車,行五分鐘就到~   今次我喺梅田站出發,首先搭到去千里中央站   再轉單軌去到萬博紀念公園站就可以喇,全程都喺 45分鐘左右   萬博紀念公園出口已經可以見到 Expocity   Expocity入口,見到遠啲有個摩天輪,不過就仲未整好,遲啲先會開   一入到去就見到個小朋友樂園,有幾款
18
Feb 16
00:41
博客

【食玩買】廣島大型Shopping Mall

廣島位於日本嘅西南面,係一個具有多個歷史建築物同充滿文化氣息嘅城市,之但係....一樣有行街shopping嘅地方㗎! 今次介紹嘅就係距離廣島駅16分鐘車程嘅大型商場YouMe Town,無論你係一家大細,定係男女老幼都啱去,因為有得食、有得買、有得玩仲有得抖添。 前往方法: 在《廣島駅》乘搭 “廣島電鐵5號線 - 廣島港”,係第7個站《皆實町二丁目》落車 商場出面有個公園仔,條瀡滑梯係鐵造㗎,可以帶小朋友去放下電 一入商場就見到不二家嘅蛋糕店!牛奶妹好得意! 好大粒牛奶糖啊!寫明係用北海道牛奶整!好心動啊!!!!! 心動不如行動!我買咗一個返香港做手信!(食後感:中間嗰層夾心好香好濃牛奶糖味,食過番尋味!)
25
Aug 16
19:19
新聞

六本木9月新購物商埸!

呢幢新嘅Building 叫做TRI-SEVEN ROPPONGI,地下1層至3層係商場,而樓上就係Office,將於2016年9月16日開幕!     一至三層會係「BARNEYS NEWYORK」旗艦店,將會係日本第六間分店。以「BETTER THAN EVER」為主題,結合咗Fashion同奢侈品嘅全新購物體驗,店內將會有244個男裝品牌同108個女裝品牌!     而喺地下一層,會有嚟自California 嘅 Blue Bottle Coffee 六本木咖啡廳,到時仲有六本木限定餐單㗎~   【詳細】 TRI-SEVEN ROPPONGI 開幕日:2016年9月16日 地址:東京都港区六本木7-7-7 層數:地上14層、地下2層   Source from Fashion Press
24
Mar 16
01:16
新聞

【2016新地標】東急Plaza銀座

嘩嘩嘩黎緊3月31號,喺銀座有幢新商場叫「東急プラザ銀座」(東急Plaza銀座), 即將開幕啦!裡面有125間鋪頭,當中有D係初登陸日本嘅海外超受注目品牌, 亦都有唔少日本本土牌子嘅商店,大家以後又多個地方逛啦yeah!   東急プラザ銀座憑住「Creative Japan~世界由這裡開始,變得更有趣味。~」呢一個概念黎建設。總共13層,包含時裝,雜貨,餐廳,coffee shop等等不同商店。   佢嘅外牆係用左以傳統工藝嘅江戶切子作契機嘅設計,將傳統同革新融合黎令佢更有銀座嘅味道,突出其注重個人lifestyle嘅「成人」空間嘅感覺。   講下入面先!地下1、2層「GINCHIKA MARCHE」除左有雜貨店,仲有約30間嘅食物商店。喺地下第2層(連接住銀座駅),果到有間喺紐約超人氣嘅老鋪麵包店「THE CITY BAKERY」,日本第一間以奢華三文治為概念嘅「キャビアハウス&プルニエ サンドイッチハウス」,仲有首次喺東京開店嘅人氣京都雪糕店「ハンデルスベーゲン」。   而雜貨店,則有人氣gift select店「BIRTHDAY BAR TOKYO」、手巾仔專門店「swimmie」、磨練成人修養嘅上品文具店「TOUCH & FLOW」都係首次喺東京開店,鍾意雜貨嘅你地千祈唔好錯過啦!  
07
Oct 16
02:22
博客

【激筍大搜查】教你樂天海外消費慳到盡,免運費!周五慳$400!

大家有冇玩開網購?除咗淘寶,如果大家想買日本嘢你地會去邊度買?小編我最近就沈迷咗Rakuten Global Market,貪佢有中文版,啲貨個價又同日本差唔多,仲可以直接運嚟香港,真係好方便,搞到一得閒就會上去碌吓有冇啲咩筍野。   下面係我真心覺得幾正嘅Product,最尾我會教大家點樣利用現有優惠慳到盡,我計過係可以慳到大概$436嘅~   如果仲未係Rakuten Global Market會員,可以先去官網註冊。或者可以參考吓呢篇【新手教學】教你用「樂天」坐住掃日本貨。   Rakuten Global Market好店5大選   第1間:北海道土產探險隊 呢間鋪其實有實體店,就係位於新千歲機場入面嘅「SkyShop小笠原商店」,大家行過機場可能都有見過。佢地主要係賣北海道特產同手信,即係話由呢刻起你鐘意幾時食到北海道特產都得啦!好想食啊下面呢4款~ 薯條三兄弟 HK$66.80(¥ 885) 薯條三兄弟你冇理由唔識嘅!我次次喺日本機場最後衝刺都會買,佢
06
Oct 16
02:15
博客

【新手教學】教你用「樂天」坐住掃日本貨!

有玩開網購買日本野嘅應該都一定有聽過樂天市場(日文版),基本上你想買嘅野都可以喺入面搵到,我啲日本同事好多時都上樂天買傢俬,話抵好多。至於我有時突然想食日本某啲零食或想買藥妝之類,我都會上樂天搞掂,好鬼方便。   不過樂天市場係有分日文版同Rakuten Global Market,對於唔識日文嘅人嚟講用日本版可能就有啲難度,成日要估估吓嚟買野,為咗俾唔識日文嘅國外買家都可以隨時買到心頭好,樂天喺呢幾年整咗個海外版(即係Rakuten Global Market),吸引更多外國客去買嘢~   雖則日本版樂天市場同Rakuten Global Market都係同一個媽媽生嘅,不過實際上佢地又有少少分別,而綜合過各買家嘅意見,我得到嘅結論係:   ◉Rakuten Global Market 店鋪會比日文版少,所以貨品都會少啲,因為搜尋結果只限有提供海外銷售嘅店舖嘅商品,所以只提供內銷嘅店舖同商品就唔會顯示到,但另一個好處就係唔駛好似日文版咁filter送唔送國外。   ◉有時某啲限時特價促銷熱門商品喺日文版顯示有貨,喺Rakuten Global Market會話售罄,或者兩面價錢會有啲分別。   ◉日文版樂天市場正常就冇免稅,Rakuten Global Market揾到免稅商品嘅機會較高   註冊教學 咁到底Rakuten Global Market好唔好用呢?首先教大家註冊,再一齊研究下整個購物流程。 因為日文版樂天同Rakuten Global Market個ACC係互通嘅,已經係樂天會員嘅就直接喺Rakuten Global Market登入就得ok。有中英日文俾你㨂,今次就用殘體字試下啦~
29
Mar 16
17:52
新聞

【萬勿錯過】5月東京一折OUTLET!

  【勁想去系列】 Tokyo Outlet Week 號稱係日本最大規模嘅時裝Outlet活動, 首屆喺舊年舉行,由於反應熱烈,今年會再次舉辦! 今年繼續會有多於50間嘅日本超人氣時裝品牌參與, 場內時裝將會以1至5折低價發售!好想去瘋搶!!     2015年嘅部分品牌名單如下,今年唔知又會有d咩牌子呢?   Adam et Ropé/AMIW/Andcouture/Andemiu/anima/AULA/AULA AILA/AZUL by moussy/Banner Barrett/Barbie/BLONDY ReLISH/BORNY/dazzlin/DRWCYS/ELISABETTA FRANCHI/EMODA/FIG&VIPER/gelato pique/GINGER ALE/ISBIT DAIKANYAMA/JILLSTUART NEWYORK/jouetie/L’EST ROSE/LAGUNAMOON/LE CIEL BLUE/LE JUN/Lily Brown/LUREM/MERCURYDUO/MILKFED. /MOUSSY/MURUA/Planet blue world/REBECCAMINKOFF/Riccimie NEW YORK/rich/rienda/RODEO CROWNS/ROPE’ PICNIC/SILAS/SLY/SMIR NASLI/snidel/SPIRAL GIRL/Swingle/The Dayz tokyo/Ungrid/ViS/WILLSELECTION/X-girl/X-girl stages etc...     仲有一個餐飲區,行到攰都可以食下嘢嘛!
05
Oct 16
01:27
博客

1折起平到裂!血拼激安2016 TOKYO OUTLET WEEK

唔知有無人同小編一樣,換季最開心嘅唔係添置冬裝,而係可以掃SALE夏裝!而號稱全日本規模最大嘅Outlet活動——TOKYO OUTLET WEEK,由於舊年舉行嘅首屆反應非常熱烈,今年當然要食過番尋味,再次舉行開倉sale!同上兩屆一樣,共有超過50個日本和外國人氣品牌參與,並以1至5折低價發售,由10月28日(星期5)起舉辦3日。咁啱身處東京的話,這些機會就是你的! 如果好彩的話,仲可能可以執到1円特價品半賣半送! 不過留意番,入場雖然係無料免費,但記得要事前上網預約→https://tokyo-outletweek.com/ 只要輸入email,就會收到一個QRcode,當日入場出示番即可,非常簡單。 另外,款式大多以女裝為主,好在場內設有美食區,男士要陪女友行街亦唔洗怕餓到發慌,相當體貼。   日期:2016年10月28日(週五)~10月30日(週日) 10月28日(週五) 11:00~20:00(最後入場時間為19:30) 10月29日(週六) 10:00~20:00(最後入場時間為19:30) 10月30日(週日) 10:00~16:00(最後入場時間為15:30) 地址:TOC五反田MESSE 東京都品川區西五反田6-6-19
25
Nov 16
18:07
博客

天空樹下吃喝玩樂-晴空塔商場Solamachi 商店推介

  上個禮拜同大家分享咗我地去東京淺草晴空塔嘅PPAP Cafe朝聖同埋上Skytree睇風景,但大家嚟到千祈唔好睇完個塔就走呀!其實呢度樓下仲有個5層樓嘅商場,有各式各樣嘅店舖同食市,就算一家大細唔同要求都適合行~唔係淨係得涉谷原宿先有得shopping㗎~   今日就等我同Vivi輕輕推介5間我地覺得遊客難得嚟到應該一戰嘅餐廳+店舖啦!   1)Pokemon Store (5F 東區) 今年Pokemon Go hit到爆燈,重燃起唔少人對寵物小精靈嘅熱愛。東京除咗池袋之外其實Solamachi都有Pokemon Center嘅分店!除咗公仔、文具、小食,依家仲做緊Pokemon X Mario嘅crossover主題商品,同埋有Skytree Pokemon Store限定嘅商品添架!   2)nanaco plus+ (4F 10區) 遠睇可能以為係一間好普通嘅首飾舖,但其實呢間舖頭係將日本傳統糖果加工再變成非常可愛嘅吊飾、髮飾、耳環、手鍊、電話繩或鑰匙扣。因為每款糖果都好日系,而且真係有好多款式,所以尤其適合女仔嚟買野!男仔行都唔緊要,可以買下禮物俾身邊嘅女性朋友嘛XD