pv
08
Jun 17
00:09
新聞

滿島光訪港為MONDO GROSSO拍迷幻MV 被指似星期三的康帕內拉!?

喺網絡上瘋傳緊滿島光為日本具影響力電音樂隊MONDO GROSSO喺香港取景拍嘅MV「ラビリンス」,MONDO GROSSO以音樂人大澤伸一為主,90年代起一直以破格及新潮曲風引起話題。今次時隔14年推出新專輯「何度でも新しく生まれる」更加係佢哋第一隻全日語歌曲專輯,除咗滿島光亦搵嚟乃木坂46嘅齋藤飛鳥、bird、UA、moumoon嘅YUKA等多名歌手合作。 (同齋藤飛鳥合作嘅惑星タントラ) 同滿島光合作嘅呢首「ラビリンス」以電影級剪接手法,多個一鏡到底嘅鏡頭將攝影名地鰂魚涌海山樓、佐敦廟街、南京街、深水埗鴨寮街、北河街等地道得嚟充滿感覺嘅街景完美呈現。配上滿島光慵懶嘅唱腔、獨特嘅舞步、迷幻嘅燈光及電音,教唔少樂迷直呼成個MV為高質之作!推出短短兩日已經超過70萬人觀看,好多香港人都大讚將平凡街景拍得好有feel、好靚! 不過有唔少留意開電音嘅樂迷就話個MV感覺似曾相識,指拍攝風格、女歌手跳奇幻舞步、以及都係喺非日本嘅超地道景色取景,都同日本Hip-Hop電音樂隊「星期三的康帕內拉 」嘅「Unico」非常相似。「Unico」係佢哋2016年6月22日推出嘅EP「UMA」入面收錄嘅作品,啟發自手塚治虫同名作品「ユニコ」。MV入面女主唱KOM_I喺新加坡街頭,喺歌曲配襯下自然舞動身體,舞姿獨特引起話題。 負責編舞俾滿島光嘅原來係有份幫荷里活歌舞片《星聲夢裡人》編舞嘅Jillian Mayers!而星期三的康帕內拉嘅Unico就未有註明舞步係邊個編排,相信只係女
24
Jun 16
00:04
新聞

《烙印戰士無雙》PV發佈,9月登場!

上次光榮出咗個網頁,發佈咗一隻史上最兇無雙,原來係《烙印戰士無雙》,不過上次條片就冇乜特別嘢睇,淨係見到格斯,今次終於出咗第一條PV!     今次條片多小小嘢睇,見到格斯拎住把大劍,一斬啲敵人即刻標晒血,對比以往玩開嘅無雙,就咁睇的確係最血腥嘅... 遊戲將會喺9月21日發售。詳情可以KEEP住留意佢地嘅網頁,好多資料都未公開,唔知除咗格斯仲有咩角色可以用呢?   P.S. 漫畫幾時有UPDATE先?
06
Jun 16
22:58
新聞

2017年《超級機械人大戰V》登場!仲有中文版!

最近官方發佈咗機戰25週年紀念作品《超級機械人大戰V》PV,遊戲將會係2017年登陸PS4和PSV。 唔講咁多,即刻睇片睇下有咩作品登場:     登場作品包括: 《機動戰士高達Z》 《機動戰士高達ZZ》 《機動戰士高達:逆襲的夏亞》 《機動戰士高達:閃光的哈撒韋》 《機動戰士海盜高達》 《機動戰士海盜高達:骷髏之心》 《機動戰士海盜高達:鋼鐵的7人》 《機動戰士高達SEED DESTINY》 《劇場版機動戰士高達00:先驅者的覺醒》 《機動戰士高達UC》 《勇者特急》 《劇場版機動戰艦撫子號:黑暗王子》  《真魔神衝擊!Z篇》 《真魔神ZERO VS暗黑大將軍》 《全金屬狂潮》 《全金屬狂潮校園篇》 《全金屬狂潮The Second Raid》 《全金屬狂潮(原作小說版)》 《EVA新劇場版:序》 《EVA新劇場版:破》 《EVA新劇場版:Q》 《宇宙戰艦大和號2199》 《天使與龍的輪舞》   除咗一貫熟口熟面嘅萬能俠、EVA同高達之外,今次新增咗勇者特急、天使與龍的輪舞同宇宙戰艦等等嘅新作,FANS應該滿意。  
12
May 16
22:15
新聞

唔係順手拍!新式打直放MV你睇過未

平時睇開嘅MV不論係4:3定16:9,畫面都係都係打橫放。不過依家用手機睇片先係主流趨勢,今次有日本女子偶像組合Lyrical School首新歌《RUN and RUN》就食住呢個勢,拍咗個專為手機而設嘅MV,MV仲特登寫明係用「MV for Smartphone」,即係全個MV都係打直播放。   用電腦版YouTube睇會見到左右兩邊有黑邊,但用手機全螢幕睇就fit晒。   畫面一開頭放咗部iPhone,iPhone會不繼係幾個Apps之間切換,包括FaceTime, Twitter, Line, Vine, 相機等,用短片同相砌好全個PV。如果你係iPhone用家,感覺就好似俾人hack咗部機,強行開Apps。   首歌不論旋律、歌詞定MV都係走輕鬆歡樂向。   Caption就係歌詞,段片就係成員唱緊呢句歌詞。   Message都係歌詞