ps4
28
Jul 17
06:05
博客

2017 香港動漫電玩節 精彩看點優惠率先睇

第19屆香港動漫電玩節(下稱動漫節)聽日(7月28日)正式開羅喇!相信喜愛日本動漫或遊戲嘅大家一定唔會錯過~入場前不妨做下功課,等我地同大家率先介紹有咩精彩必看亮點,等大家辛苦排完隊入場唔會錯過喇! 1)PlayStation® 精彩舞台活動+優惠!試玩 PS VR+GT SPORT 相信機迷一定會去PS攤位!因為今年PlayStation®合共邀請6位重量級遊戲製作人同埋3位著名聲優遠道來港,包括遊戲《Monster Hunter: World》製作人 辻本良三、監督 德田優也、遊戲《Dragon Ball FighterZ》系列製作人平野真之、超人氣聲優  堀川亮(聲演角色-比達)、《NARUTO to BORUTO 新忍出擊》製作人 新野範聰、著名聲優 竹内順子(聲演角色-漩渦鳴人)、《真‧三國無雙8》製作人  鈴木亮浩;而香港網路紅人達哥更加會率先試玩遊戲! 優惠方面,相信粉絲都知道每年去PS攤位賣遊戲同主機都會由折扣!動漫節首3日(28至30日)、每日頭3名買滿3,000元產品嘅顧客可以以排隊次序免費獲得1項禮品,包括價值8,380元嘅SONY 43吋4K超高清ANDROID TVTM電視、價值4,760元嘅SONY《火影忍者 疾風傳》限量版Walkman及頭帶式耳機或價值3,699元嘅APIGA AP1賽車架。不過真係想要呢個優惠就真係要早D黎排下隊啦~ 2)Hot TOYS 羅列世界級經典
20
Jul 17
00:44
新聞

山田孝之 新PS4廣告扮細路賴地大扭計

日本人氣個性男演員山田孝之演乜似乜,所以成日都有機會拍啲搞笑又出位嘅廣告。長期身為日本PlayStation代言人嘅佢又推出左最新廣告宣傳日本國民遊戲《勇者鬥惡龍XI》發售,今次仲挑戰「爸爸」角色添呀! 不過唔好以為呢位爸爸好有父愛...一開始先係癲過自己個小朋友,訓曬地扭計大叫話要打機... 連你個小朋友都唔係好想睬你... 好彩崩壞只有頭半段,之後個半段就演番一個正常老豆...呀唔係,係努力控制心底裏想搶左小朋友個手製自己玩嘅老豆。不過最後都係做番一個「好爸爸」,捉實仔仔對手玩! 呢排《勇者鬥惡龍XI》正式公開發售,日本方面都有好多廣告推廣! 例如有美女本田翼邊整指甲邊發癲FF買PS4定3DS版好。 仲有藤原龍也提及勇者竟然被稱為「惡魔之子」嘅廣告。真係認真豪華!(果然係Square Enix!)
12
Oct 16
02:47
博客

【PS4】(有片)Persona 5 遊戲介紹+試玩心得

  目前進度:佐倉双葉 迷宮探索中   如果有Like開我Facebook Page:Anne 偽現充的日常 嘅話,都會知道我最近好熱衷玩一隻新遊戲:Persona 5(女神異聞錄5)!因為好想同大家推介呢隻遊戲,所以特登邀請咗「工作人員Peter」同我一齊錄咗條片,畀大家可以試下睇隻遊戲嘅玩法同Quality!   如果想知道隻game嘅風格、畫面、初步劇情等,建議可以睇咗上面條片先呀XD   利申:今次係小妹第一次寫遊戲感想文,亦都係第一次玩女神異聞錄系列嘅遊戲,所以會着重講返今次作品嘅特別之處,較少對比系列前作。本文亦以輕鬆交流分享為主,請多多指教~   畫面:唔好講笑,雖然冇玩過前作唔知以前嘅版本係點,但今次我玩咗頭5分鐘已經鍾意咗隻game。本作以倒敘手法描述故事內容,第一篇就以華麗嘅賭場背景作教學場景。   先不論Production I.G製作嘅超高清動畫睇到我呢個宅女好興奮,就連遊戲內最主要嘅CG畫風呀、背景等到設計得好正,超有代入感。
14
Sep 16
18:34
新聞

KOEI 集大成推《無雙明星大亂鬥》

KOEI尋日係官方YouTube上載咗一段宣傳短片,相信係無雙系列粉絲嘅你都會感到興奮!因為?!?!?即睇啦:     大家都見到,條片入面唔止一隻遊戲嘅角色,而係集齊KOEI系列多個經典遊戲角色,包括《忍者外傳》、《生死格鬥》、《討鬼傳》、《蘇菲的鍊金工房》、《真・三國無雙》、《戰國無雙》、《遙遠時空》等等等等....超級豪華!!淨係睇宣傳片畫面製作好正添!   最後仲有個迷之角色,你們能猜到他是誰嗎? 此作預定於2017年喺推出PS4同PSVita兩隻版本,價錢同其他詳情都未定,大家一齊期待下啦!
29
Aug 16
19:00
新聞

最新改版《魔物獵人 Frontier Z》即將登陸PS4!

Capcom尋日宣布將於11 月 9 日推出最新改版《魔物獵人 Frontier Z》(モンスターハンター フロンティアZ)。除咗現有嘅版本之外,喺11月22日號仲會正式登陸PS4。   《魔物獵人 Frontier Z》以「頂點(Zenith)」為概念,同時加入唔同嘅新元素,好似獵人方面,除咗原本嘅地之型,天之型同嵐之型,仲會加入「極之型」,而魔物方面亦會加入「辿異種」。加埋大量武器防具、豐富嘅狩獵舞台同超過200種可供配搭嘅技能系統,芒亨粉你哋準備好未?  
24
Jun 16
00:04
新聞

《烙印戰士無雙》PV發佈,9月登場!

上次光榮出咗個網頁,發佈咗一隻史上最兇無雙,原來係《烙印戰士無雙》,不過上次條片就冇乜特別嘢睇,淨係見到格斯,今次終於出咗第一條PV!     今次條片多小小嘢睇,見到格斯拎住把大劍,一斬啲敵人即刻標晒血,對比以往玩開嘅無雙,就咁睇的確係最血腥嘅... 遊戲將會喺9月21日發售。詳情可以KEEP住留意佢地嘅網頁,好多資料都未公開,唔知除咗格斯仲有咩角色可以用呢?   P.S. 漫畫幾時有UPDATE先?
22
Jun 16
01:55
新聞

洛克人game再現!Mighty No.9登場!

大家仲記唔記得三年前,「洛克人之父」稲船敬二喺kickstarter集資開發《Mighty No.9》,一款類似洛克人玩法嘅遊戲。   當時話咁快就達成target,但開發時間一再延誤,PS4版直到6月21日(即係今日)終於推出喇!     PS4版將會6月21日推出(有得download未呢但係?),重要係中英文合版添,可以睇埋故事添,PS Vita版就未出住要等下。 (但係好似未有得下載住...)   大家不妨睇下GAMEPLAY片段,真係好似洛克人!好想玩啊!  
06
Jun 16
22:58
新聞

2017年《超級機械人大戰V》登場!仲有中文版!

最近官方發佈咗機戰25週年紀念作品《超級機械人大戰V》PV,遊戲將會係2017年登陸PS4和PSV。 唔講咁多,即刻睇片睇下有咩作品登場:     登場作品包括: 《機動戰士高達Z》 《機動戰士高達ZZ》 《機動戰士高達:逆襲的夏亞》 《機動戰士高達:閃光的哈撒韋》 《機動戰士海盜高達》 《機動戰士海盜高達:骷髏之心》 《機動戰士海盜高達:鋼鐵的7人》 《機動戰士高達SEED DESTINY》 《劇場版機動戰士高達00:先驅者的覺醒》 《機動戰士高達UC》 《勇者特急》 《劇場版機動戰艦撫子號:黑暗王子》  《真魔神衝擊!Z篇》 《真魔神ZERO VS暗黑大將軍》 《全金屬狂潮》 《全金屬狂潮校園篇》 《全金屬狂潮The Second Raid》 《全金屬狂潮(原作小說版)》 《EVA新劇場版:序》 《EVA新劇場版:破》 《EVA新劇場版:Q》 《宇宙戰艦大和號2199》 《天使與龍的輪舞》   除咗一貫熟口熟面嘅萬能俠、EVA同高達之外,今次新增咗勇者特急、天使與龍的輪舞同宇宙戰艦等等嘅新作,FANS應該滿意。  
29
Mar 16
19:54
新聞

《GTA 6》遊戲背景移師東京!?

話時話《GTA 5》已經推出咗差唔多三年時間,計晒所有平台,銷量超過6000萬。 最近網上就流傳遊戲製造商Rockstar會將新一集GTA嘅遊戲背景設定為東京。   其實早喺2013年,Rockstar已經註冊咗《GTA: Tokyo》呢個遊戲名稱,仲派人去日本考察過。 不過依我估計,實行機會唔太大,因為隻game一向都係好美式風格,而且要將日本交通鐵路還原都有一定難度,而且所有建築物、汽車品牌要改過晒都有好大嘅難度。   不過如果真係成真就好囉。可以去秋葉原又可以去無料案內所...  
22
Jan 16
20:15
博客

PS4街霸V特別版!村田雄介特別繪制

Street Fighter V將會係2月推出,Sony就公佈咗幾款街霸V嘅PS4特別版主機。 四款特別版小編就最鍾意左下角個款喇,阿龍夠晒有型! 最驚喜係有《一拳超人》作畫村田雄介畫嘅街霸主題 遊戲機將會喺2月18日喺日本上市,售價係37,480 yen+稅,無論係街霸或村田雄介fans記得留意!