pizza
28
Feb 17
23:23
新聞

【MINI STOP長方形PIZZA】邊行邊食太方便!

有冇試過見到某啲廣告之後突然非常想即刻食到嗰樣美食?不過唔係樣樣野話想食就食到,好似PIZZA......咁大件一個人要分幾多餐先食得完......   所以如果香港嘅便利店都可以好似日本MINI STOP咁有得食呢個炸Pizza的話幾好,想食就食,仲可以邊行邊食,方便到呢!     個樣係咪好吸引呢!呢個喺2月3日新鮮熱辣推出嘅「揚げピザ」總共有Margherita同Basil Chicken兩種風味,¥180一個,口痕嘅時候買嚟做小食啱哂!     MINI STOP門外放咗多個炸Pizza嘅banner,想扮睇唔到都難!     話得係便利店買到都唔好期待會即叫即炸,一入到店內就已經見到一條條嘅炸Pizza放哂喺熱櫃入面啦。     炸Pizza竟然有專用紙袋,仲要幾靚添喎!     呢個就係Margherita風味嘅炸Pizza啦!唔知係咪唔係即炸嘅關係,一揸上手已經feel有啲軟淋淋,冇乜炸嘅感覺。     個Pizza入面係滿滿嘅蕃茄同芝士餡料,雖然都
04
Nov 16
01:28
新聞

【至邪惡係你!】KFC炸雞PIZZA登陸全日本!

減肥係咩嚟?去得日本唔係仲諗住可以瘦住返啊嘛!特別係KFC推出呢個炸雞PIZZA「CHIZZA」之後,對鍾意食炸雞嘅人嚟講根本就係終極誘惑,就算同朋友一齊share都極級邪惡!   A   呢個咁重量級嘅炸雞PIZZA喺2016年11月2日起已經可以喺日本全線KFC買到。點解會話佢非常邪惡,因為啲雞肉已經唔係就咁洒喺PIZZA上面咁簡單,而係將一大塊勁厚嘅雞肉取代餅皮,上面放滿PIZZA配料,係真真正正嘅啖啖肉!     一塊炸雞PIZZA有成8層配料,味道豐富到無得頂!     個PIZZA一定要趁熱食,半溶嘅芝士鋪滿哂成塊炸雞,視覺同味覺都極之震撼!不過食完想像吓食咗幾多卡路里落肚,個心好似隱隱地有少少不安......     CHIZZA(チッザ) 發售日期:2016年11月2日~ 售價:¥980 地點:日本全線KFC 官網:www.kfc.co.jp
09
May 16
18:55
新聞

像真Lego美食!睇到你流晒口水!

又到Lunch Time,諗唔到食咩好添…   不如整件Pizza?     定係食個Burger?     食完Lunch再食番件Cake先     對唔住,全部都唔食得 呢啲望落咁好味嘅Lego美食全部都係一位叫Tary嘅達人所製!係咪流晒口水哩?   佢新整嘅炸蝦蓋飯仲係日本「clickbrick第14屆比賽」得到第一名     仲有好多唔同嘅食物  
18
Nov 16
19:03
新聞

Domino有新搞作!今個冬天用「鹿仔」送Pizza

原來用鹿仔作為交通工具並唔係聖誕老人嘅專利,連Pizza專門店「Domino's Pizza」北海道分店今個冬天都會用鹿仔送Pizza,想像吓喺白芒芒嘅環境吓突然有幾隻鹿仔行過送緊Pizza,個場景係咪好得別呢!     Domino有呢個決定唔係純粹搞Gimmick,其實係考慮到今年北海道降雪量可能會比往年嚴重,為咗唔好影響派送時間,結果決定用鹿仔去取代傳統Pizza車。   而佢地有呢個咁重大嘅決定之前,其實都做咗唔少資料研究,好似輕自動車同雪上電單車點解唔可行等等。   呢個係佢地嘅方案一,不過20部輕自動車就要花費¥4,700,而一租就要最少租3年,冬天過後嘅維持費可以話係非常浪費。   方案二係用雪上電單車,不過行唔到上馬路,又買唔到保險、法定嘅最高時速又只可以去到每小時15km,諸多限制,最後梗係被foul出局啦。   最後一個方案就係鹿仔啦。鹿仔車冇車牌都可以揸,最高時速每小時達80km,負重量又大,最重要係夠哂可愛,喺街行過人人都會望多兩眼,仲唔係佢當選!