pikachu
22
Oct 16
02:19
新聞

當比卡超變成Mario時!超得意Crossover商品開始發售

兩位任天堂嘅超人氣角色,Mario同比卡超將會合體成為「MARIO PIKACHU」,一系列商品即將於今年10月29日開始喺全日本嘅Pokémon Centre開始發售! 今次嘅主題源自1985年發售嘅《超級馬里奧兄弟》封面~除咗見到Mario變咗做比卡超之外,Mario啲敵人,例如大魔王庫巴亦變咗做水箭龜、鐵鎚龜亦變成傻鴨。   以下商品全部都會喺日本嘅Pokémon Centre可以買到,各位粉絲記得去睇下啦!   MARIO PIKACHU 公仔 2,200 Yen   LUIGI PIKACHU 2,200 Yen   Pokémon Card Game XY BREAK MARIO PIKACHU Special Box 1,500 Yen   Pokémon Card Game XY Break LUIGI PIKACU Special Box 1,500 Yen   Card Pocket MARIO PIKACHU 1,200 Yen
28
Feb 17
22:21
新聞

比卡超最新日本廣告搵嚟牙買加閃電飛人保特!

Pokémon Sun同Pokémon Moon出咗都一段時間,但佢喺日本嘅廣告就一個比一個有噱頭!繼上次搵嚟有「靈長類最強」之稱嘅女子摔跤奧運金牌選手吉田沙保里同美國紐約洋基棒球選手田中將大合作之後,今次居然畀佢搵埋金牌男飛人、有「牙買加閃電」之前嘅保特一齊拍廣告! 保特化身阿羅拉地區嘅惡霸分派「骷髏團」嘅成員,頭頂仲戴埋標誌性嘅骷髏帽,雖然好有霸氣但又好QQ(反差萌!?) 過去廣告精選: 睇到無玩開嘅小編都忍唔住有少少想買黎玩啊XD 資料來源:Pokemon 官方Youtube
16
Feb 17
19:32
博客

Pokémon GO 推大規模更新 加入80種以上新精靈!

想當年(其實都係舊年)Pokémon GO造成全球哄動,每個國家都出現群情洶湧一齊出去捉精靈嘅現象。不過到今時今日,唔知仲有幾多個長情玩家仲有玩呢?機會係留畀未del app的人!因為Pokémon GO官方營運已經公佈咗今個周末將會推出大規模更新! 1)追加80種以上全新精靈:新登場嘅80種精靈都係新發售遊戲「Pokémon Sun/Moon」系列嘅新精靈,都係喺遊戲入面嘅舞台「ジョウト地方」度出現嘅新精靈!另外而家可以辨明包括至今登場咗嘅精靈嘅性別,有啲唔同性別嘅同種類精靈有唔同嘅外表,大家可以搵搵! 2)新進化系統:現今已經喺Pokémon GO登場嘅精靈發現可以進化嘅精靈!進化需要一啲特別嘅道具,而呢啲道具可以從PokéStop入手~ 3)捉精靈系統有新變化:更新一部分精靈被捉時將會出現新嘅小動作,所以大家要更加專心去拋出精靈球!亦都追加咗新button係畫面上,可以直接將精靈球換成拋berry。 4)追加兩款新Berry:追加咗兩種精靈們最愛嘅berry,同樣可以從PokéStop入手。「ナナのみ」會令精靈嘅動作變遲鈍令佢哋更容易被收復。「パイルのみ」
02
Mar 17
23:42
博客

【回到原點】《寵物小精靈》20週年劇場版有洋蔥!重述小智比卡超初遇故事

自1997年4月起播出以嚟受到世界各地粉絲熱愛嘅動畫《寵物小精靈》又推出最新劇場版作品啦!今次呢套「劇場版ポケットモンスター キミにきめた!」講述主角小智同比卡超最初相遇嘅情形。唔好睇佢哋而家簡直好似天生一對咁非常合拍,原來一開始比卡超對小智嘅態度係非常之唔合作㗎!另外,今次劇場版仲有傳說中嘅「鳳凰」出場,佢亦係動畫版第一集有登場過嘅傳說級Pokémon嚟架! ▲預告片一開始以大木博士嘅聲音講一句:「嗰隻剩低嘅Pokémon呢就有少少問題嘅...」作為開始。 ▲「你知道嗎?」 ▲小智話:「比卡超,你要入嚟呢度呀!」 ▲但比卡超好唔合作,仲用條尾一嘢揈開個精靈球,仲打到小智塊面XD ▲小智:「點解你唔肯入嚟喎~~」 講真,小編唔係比卡超fans,而家先知道原來比卡超有咁傲嬌嘅一面。 鏡頭一轉,小智準備示範溝女...啊唔係,係收後宮 oh I mean 收精靈秘笈。 ▲見到因為比