olympic
20
Sep 16
01:49
博客

【東京做運動】駒澤奧林匹克公園+棒球練習場!

  通常去東京都係行街食好嘢,今次就想做啲唔同啲嘅-所以去咗駒澤奧林匹克公園做運動!駒澤奧林匹克公園原為東京高爾夫倶樂部嘅球場,昭和天皇同英國皇太子愛德華八世都喺度打過波㗎!去到1964年再因為東京奧運重建為體育公園。而奧運結束後就成為對外開放嘅公園,深受附近居民同學生喜愛㗎。     公園內有陸上競技場、第一、第二球技場、體育館、屋內球技場、硬式棒球場、補助競技場、軟式棒球場、網球場、健身房及東京奧運紀念館等場地。     我哋今次就嚟踩單車嘅~園內有好長嘅單車徑,仲有租單車小店?,咁就可以去到公園入面先租單車啦,好方便!     入到去可以喺呢部機撳咗飛先,普通單車1個小時:210円,咁如果兩個人踩即係2台=210+210+(2台分)420=840円,咁就撳2下[1時間]+1下[兩台分]啦。  
18
Aug 16
22:48
博客

【奧運】日本角力女將勇奪3面金牌!

今屆奧運日本柔道團隊啱啱拎咗3金,呢個成績已經十分犀利!但原來日本除咗柔道,角力都一樣咁強!今屆女子角力賽3場唔同量級嘅金牌戰,最終分別由日本隊48公斤級嘅登坂繪莉、58公斤級嘅伊調馨同埋69公斤級嘅土性沙羅一共奪得3金!嘩,真係可以話係繼奇蹟後嘅一大神蹟!一齊睇下呢3位運動員嘅簡介啦!   伊調馨   有日本角力女皇之稱嘅伊調馨,今年32歲,由2004年雅典奧運開始,連續4屆勇奪角力金牌!成為奧運史上嘅「所有運動項目」中,第一位喺個人賽事入面,連續4屆奪金嘅角力女將!   唯一唔同嘅係前3屆佢係喺63公斤級完成三連霸,而今年因為奧運量級調整,而轉戰58公斤級,但都冇影響到佢嘅身手,真係好強勁!     伊調馨曾經奪下過2004雅典奧運、2008北京奧運、2012倫敦奧運嘅63公斤自由角力金牌,賽後佢仲興奮表示,下屆奧運番到東京,亦係自己嘅家,一定要延續呢項紀錄,完成5連霸嘅壯舉!     伊調馨表示佢嘅成功歸功於家人嘅支持,因為有佢地嘅支持同陪伴,先可以
23
Apr 16
01:47
博客

試玩體感《Mario & Sonic AT Rio Olympic Arcade Game》街機

  今次同寶欣去咗台場 Diver City Tokyo Plaza,佢就想玩吓夾公仔,我就想打吓機! 仲見到今年啱啱推出嘅體感街機:Mario & Sonic AT Rio Olympic Arcade Game   DiverCity Tokyo 購物中心 地址:1 Chome-1-10 Aomi, Koto, Tokyo 135-0064 7/F 遊樂中心開放時間:08:00 - 06:00 你無睇錯!係開通宵嫁,所以可以慢慢行街,行到啲關晒門,先去玩都未遲。不過要小心無車返屋企~   喺台場站落車,行十分鐘到就去到 DiverCity   呢度全部夾公仔都係 100円。 一開始寶欣好犀利咁就夾到個公仔!   不過後勁不繼,其實大公仔啲夾全部都無力嘅,係咪無咩可能夾到?   跟住我就玩咗想玩好耐嘅 Starwars battle pod 空戰街機,幾好玩,有風吹出嚟係幾真實嘅。   不過玩到中段都悶悶地,因為都係射射射咁… 300円一次。