legoland
02
Jul 17
03:27
新聞

開夜場!? 7月開始 LEGOLAND®延長營業時間

自4月1日開幕已經有3個月嘅LEGOLAND®,雖然經營狀況漸漸穩定,不過來客數要達到1年200萬人次嘅目標就似乎仲未「見到終點」喎。為此LEGOLAND®嘅社長Torben Jensen可謂出盡法寶。 其中一招就係推出特價票「家庭1DAY PASSPORT」。包括1或2大人+小童嘅4人版同1或2大人+小童嘅3人版等。入場7日或之前購買最多可有6100日圓折扣。 而昨日社長Torben Jensen接受ITmedia訪問時,就指樂園現時營業時間為10:00-17:00(平日),星期六則營業到18:00,現正考慮開始夜間營業。雖然就未有正式實行時間表,不過由7月中旬開始至8月尾嘅週末就會試行將營業時間延長到19:00,先試試反應。     資料來源:itmedia
05
May 17
00:38
新聞

被指坑遊客? LEGOLAND®六月起「淡月」一週休兩日!?

名古屋嘅日本LEGOLAND®終於開幕! 相信大家都應該已經PLAN好晒、買晒機票預備去LEGOLAND®打卡玩掛,定係其實你已經買咗全年通行證? 不過無論你係預備去定諗緊去唔去,呢樣野都係要知! 原來LEGOLAND®下半年有幾個月係一個星期放兩日假架。 LEGOLAND®開幕剛好一個月多少少,每日都吸引到大量遊客到訪。不過踏入6月,即係園方劃為「淡月」,部分星期就會開始實施「一週兩休」嘅政策。 究竟咩係「淡月」同「一週兩休」?同全年無休嘅USJ同迪士尼唔同,LEGOLAND®係將一啲預計會比較少人入場嘅月份定為「淡月」,而「淡月」嘅每個星期二、三都會定為休息日,即係樂園會休園唔開放,一方面畀員工可以保證5天工作,同時方便設施維護嘅工作。點解係星期二、三? 因為園方認為一般家庭星期二、三較難一家大細入場,而「淡月」則係以旺、淡季,同以多雨月份作為決定因素。 以2017年為例,嚟緊嘅6、7、9、11、12月都被劃分為「淡月」,除咗6同9月全部星期二、三都會休息外,7、11、12月嘅大部分星期二、三都會休息。雖然休園日其實開幕前已經喺官網通知咗大家邊日休園,不過就仍然有一堆冇睇官網就衝「全年通行證」嘅遊客表示不滿,直指樂園「坑遊客」,仲話「要保證5天上班,請多幾個人輪
23
Mar 17
05:28
博客

直擊 暢遊日本LEGOLAND® JAPAN 全面攻略!

萬眾期待嘅LEGOLAND® JAPAN即將喺4月1日正式開幕喇!呢度總共有7大主題區域、多達40種以上嘅表演同遊樂設施,話有限時間內應該玩咩好?小編有幸喺開幕前去打咗個圈,今次整理返一個有用嘅資訊懶人包為大家介紹下,等大家唔駛浪費珍貴嘅時間可以有策略性地玩得盡興! 提提大家,LEGOLAND® JAPAN啱啱新開實會好多人,建議大家去之前可以買定樂園嘅One Day Pass入場,詳情可以去 Klook 呢度睇下: https://www.likejapan.com/klooklegoland 淨係小編去嗰日都已經有萬幾人啦Orz 交通攻略: 前往LEGOLAND® Japan需要由名古屋站乘搭青波(Aonami)線,搭到終點站「金城埠頭站」落車 注意:名古屋站入面好大,例如如果大家係從榮站搭地鐵過嚟,起碼都要行8-10分鐘先去到搭青波線嘅位 行到去仲要買飛搭車,所以建議大家要預足時間~ 記得搵呢個AONAMI LINE 跟住嚟行
16
Jul 16
01:18
博客

【‪親子遊】台場Decks・暢遊Legoland

去台場除咗血拚Outlet之外,其實旁邊嘅「Decks Tokyo Beach」都有好多野玩㗎,啱晒一大家細。今日就同大家睇下其中一個親子遊熱點「Legoland Discovery Center」啦!   ▼Legoland同旁邊嘅蠟像館屬同一集團,可以優惠套票入晒兩個場。     ▼到處都係Lego造型嘅角色人物。     ▼沿路行第一個場館係一啲簡單嘅小遊戲。好似睇下你嘅體重等於幾多個Lego。     ▼小朋友會好鍾意嘅填色遊戲,可以選擇唔同嘅圖案。     ▼另外仲有一個好似迪士尼樂園巴士光年射擊遊戲嘅設施,佢都係射擊計分,只係全部都轉晒做Lego主題。呢個對大人黎講算係可以一玩嘅遊戲。