kfc
23
Nov 17
01:59
博客

孖住情人食KFC ?原來日本人咁樣過聖誕!

仲有一個月就聖誕節喇,大家諗咗點慶祝未呢?喺西方國家,聖誕節習慣同家人慶祝,喺香港我地鍾意去睇燈飾或者同朋友開P,至於日本人又鍾意點過聖誕節呢? 食KFC賀聖誕 外國好興聖誕節食火雞,日本人就興食KFC!係,你冇睇錯,係KFC肯德基。 自從1974年日本KFC用「聖誕節要食炸雞」宣傳之後,聖誕節食KFC就成為日本人慶祝嘅習慣之一,日本KFC仲會推出唔同嘅聖誕桶餐,早兩個月開始俾人預訂,每逢聖誕佢地嘅銷量都會直線上升,唔少人甚至會排隊購買。 聖誕食蛋糕 除咗炸雞,日本人仲流行聖誕食士多啤梨蛋糕,話說不二家係1922年聖誕推出士多啤梨蛋糕大受歡迎,因為紅色嘅士多啤梨同白色嘅蛋糕就好似聖誕老人嘅顏色一樣,加上紅白係日本代表祝福,所以日本人聖誕好鍾意食紅白色嘅士多啤梨蛋糕慶祝聖誕。 日本情人節 喺歐美流行一家人慶祝聖誕節,喺日本,聖誕節係情侶嘅重要日子,特別重視平安夜要同心愛嘅人慶祝同互送禮物,當日嘅餐廳同酒店一早已經比人book晒,可以話係另一個情人節。 不過
20
Sep 17
23:48
博客

官方華麗教學!日本KFC教你拆骨

打機有遊戲攻略,原來連食雞有攻略嫁!近日Twitter就瘋傳一張「オリジナルチキンの美味しい食べ方」嘅相,兩日內已經有超過11萬Retweets同21萬個Like,日本網民都大讚攻略好有用,一齊睇下點樣食雞最正啦! 原來呢張「令原味炸雞食得更好味攻略」係日本KFC推出,教大家點樣將唔同雞件拆骨,等大家食到啖啖肉,真係好貼心呀!(原文) 1. 雞胸 雞胸骨少肉夠多,胸肉中有三舊透明小骨,先將左右兩邊嘅骨拔出,拎埋中間個條就食到啖啖肉。 2. 雞翼 雞翼雖然肉唔多,但因為脂肪比例高,食落口好嫩滑,所以唔少人鍾意食。將雞中翼同雞翼尖之間嘅關節位向內屈,就可以輕易將佢地分開,然後就好容易拎出雞中翼嗰兩條骨。 3. 雞上脾 邊度係雞上脾?呢部份嘅肉質結實,㩒住邊邊條骨再扭一扭佢,扯啲肉就得啦! 4. 雞下脾 細細個屋企人都會比雞脾我哋食原來有原因嫁!唔止因爲雞脾肉質嫩滑,佢嘅鐵質都好多,食完話唔定會快高長大。拆雞脾骨好簡單,只需要㩒住個雞脾軟更有曾經做過KFC嘅網民都係第一次知道呢個嘆雞方法。 5. 雞側胸 雙手向外㩒住啲骨就可以輕易扯出啲肉啦! 有日本網民話好憎雞骨,但有左呢個方法就可以拆曬啲骨,實在太好啦 !仲有個話雖然同攻略相見恨晚,但之後食KFC就好方便啦~下次食雞時不妨試下拆雞骨大法,嘆啖啖肉嘅雞啦!  
13
Jan 17
01:12
博客

【日本連鎖食店適用!】 5個食住慳「超級特典」!

想去旅行又唔想使咁多錢,除咗唔住貴酒店,其實喺食方面都有唔少妙法,例如係某啲餐廳會喺指定日子提供特別嘅折扣優惠,隨時幫你慳返唔少!以下呢幾間餐廳你一定有聽過,雖然部份香港都有分店,但硬係覺得喺日本食好似更好味更正宗,而家用埋優惠比喺香港食更平,緊係要去~   1. 釜揚烏冬半價@丸亀製麺     丸亀製麺嘅玩法好簡單,只要喺每個月嘅1號行入全國任何分店,咩Coupon都唔使Download就可以以半價買到釜揚烏冬!不過留意返,呢個優惠唔可以同其他Coupon或優惠同時使用,如果嫌就咁食烏冬好清寡,店內有幾款免費配料任你加,¥140就可以搞掂一餐,真係講都冇人信!   釜揚烏冬任何Size都會有半價優惠,普通Size原價¥290,半價後¥140;特盛Size原價¥490,半價後¥240,女仔一般叫普通Size都已經夠哂飽。   丸亀並唔會因為個麵半價而hea整畀你,一樣係條條都勁煙韌有咬口,¥140就可以食到真係好難以置信!   店
18
Dec 16
14:51
新聞

日本人食雞都唔同啲?

唔知大家食炸雞嘅時候有冇煩過整到成手都係油,但戴手套之後基本上就要食完先可以除,唔係好方便?日本出名體貼,近日日本KFC就試推出咗呢個手指膠套,只需要戴上拇指同食指,方便大家食食下完電話都可以輕鬆除同輕鬆戴番,又可以唔洗怕整到成手都係油!     呢隻手套食法叫做Fingernap,暫時係222間日本KFC推行,遲下會再增加至1000間分店。雖然去日本旅行好少食KFC(XD)不過如果有炸雞fans都可以試下玩下喎!  
04
Nov 16
01:28
新聞

【至邪惡係你!】KFC炸雞PIZZA登陸全日本!

減肥係咩嚟?去得日本唔係仲諗住可以瘦住返啊嘛!特別係KFC推出呢個炸雞PIZZA「CHIZZA」之後,對鍾意食炸雞嘅人嚟講根本就係終極誘惑,就算同朋友一齊share都極級邪惡!   A   呢個咁重量級嘅炸雞PIZZA喺2016年11月2日起已經可以喺日本全線KFC買到。點解會話佢非常邪惡,因為啲雞肉已經唔係就咁洒喺PIZZA上面咁簡單,而係將一大塊勁厚嘅雞肉取代餅皮,上面放滿PIZZA配料,係真真正正嘅啖啖肉!     一塊炸雞PIZZA有成8層配料,味道豐富到無得頂!     個PIZZA一定要趁熱食,半溶嘅芝士鋪滿哂成塊炸雞,視覺同味覺都極之震撼!不過食完想像吓食咗幾多卡路里落肚,個心好似隱隱地有少少不安......     CHIZZA(チッザ) 發售日期:2016年11月2日~ 售價:¥980 地點:日本全線KFC 官網:www.kfc.co.jp