jr
06
Jul 16
22:31
新聞

JR九州新幹線全面恢復

喺4月14日,發生熊本大地震,交通曾經一度癱瘓。 而JR九州新幹線亦曾一度停駛,之後再有限度通車。 於7月4日,已經全面通車,回復正常班次。     九州朋友仲親手畫宣傳海報,真係好感動!!!   各位巴打絲打!暑假想去九州玩?大丈夫啦! 而家就唔洗再擔心交通問題啦!    
09
Mar 16
18:40
新聞

新世紀福音戰士 EVA新幹線!

上年11月,「新世紀福音戰士(Evangelion)」為左迎接電視動畫版播出20週年,同JR山陽新幹線合作搞咗個Evangelion Project。     呢個「500 TYPE EVA」新幹線喺山陽新幹線新大阪~博多之間往返。 最特別嘅係有「實物大駕駛艙搭乘體驗」,當然咁特別梗係人人爭住搭,所以要預約抽籤啦。 喺駕駛艙搭新幹線真係以為自己係碇真嗣! 聽講坐上去仲可以打第三使徒,仲可以拎1號車乘車紀念品原創導覽手冊!   普通嘅自由席都好EVA feel!   車上面仲有酒賣,係葛城美里鍾意飲嘅銘酒『獺祭』!三支180ml裝賣2700yen   車上面嘅便當都係用EVA新幹線做主題,外形真係夠晒特別!   聽到呢段音樂真係好想去坐下!
25
Aug 16
18:10
新聞

邊搭邊玩無難度!Capcom同JR合作開發互動遊戲!

《Pokemon Go》成功令到好多人玩Gmae玩到去戶外,成為城中熱話。Capcom唔知係咪睇中呢個商機,宣佈同JR 東日本合作喺 N3DS 上開發可以同日本交通類 IC 卡連線嘅遊戲。     遊戲嘅方式係透過 New N3DS 內建嘅 NFC 功能嚟讀取IC 卡上嘅乘車紀錄等資訊,令玩家可以喺遊戲入面拎到唔同嘅道具,進入唔同嘅場景或者令角色嘅互動產生變化。   暫定支援嘅 IC 卡類型共有10款,包括港人常用嘅Suica、Pasmo同Icoca。到時全日本超過 9000 個真實存在的站點將會喺遊戲入面呈現。     雖然遊戲具體內容尚未公開,不過小編就好希望係戀愛育成類型嘅遊戲,可以同心儀嘅男主角周圍去,加埋配音同實景呈現,一定可以滿足晒一眾少女嘅慾望呀!XD      
10
May 16
23:15
新聞

【移動酒店】寢台列車「TRAIN SUITE 四季島 」

寢台列車「TRAIN SUITE 四季島 」予計於2017年運行,比想像中更豪華!! 近期好流行嘅豪華列車之旅,豪華到係人都會鍾意嘅寢台列車將會喺2017年運行啦!本身鍾情鐵路嘅朋友就唔洗多講,但呢個一定連無特別鍾意鐵路嘅朋友仔都會有興趣呀!   移動酒店!? 其實我覺得「TRAIN SUITE 四季島 」已經唔可以話係列車,而根本就係一間移動酒店!因為佢真係超級豪華嘅巡遊列車黎嫁!佢係屬於JR東日本嘅寢台列車,好似酒店房咁正嘅房間令你可以享受一個非常舒適嘅鐵路旅程!   豪華客船咁款嘅內裝! 由10個車廂編成嘅車內裝修非常高貴。佢係捧住一個「享受時間與空間移動」嘅概念,再配合一些有日本feel嘅設計,務求令你有一個不平凡,一生難忘嘅高級體驗。   客室係和風現代複式公寓風格! 客室共有17間房,15間正常房,2間特豪華房。而每間房都有獨立沖涼房同廁所,唔洗同人share嫁!特豪華房係複式嘅,上層望出去嘅風景真係不得了嫁!   酒店式豪
26
May 16
21:39
新聞

【期間限定】暢遊關西好幫手「夏の関西1デイパス」

「夏の関西1デイパス(夏日關西1 DAY PASS) 」 係JR西日本、京阪、南海、近鐵、大阪水上巴士 6間公司聯合推出。呢張1 DAY PASS唔係今年先新推出,不過每年都係夏季期間限定先有。   帶住呢張「夏の関西1デイパス」可以1日內任搭: 1. 京阪神地區「JR自由周遊區間」全線 (包括快速列車、及新幹線) 2. 大阪水上巴士 Aqua liner 及 水都號Aqua Mini 3. 「JR自由周遊區間」内的るレンタサイクル或駅リンくん 租單車一次 4. 「鞍馬・貴船・大原券」或「真田・九度山券」或「赤目四十八滝券」一張 5. 於長浜、高島、大津乘搭琵琶湖汽船均有折扣   鞍馬・貴船・大原券 -京阪電車:來回京橋駅-東福寺駅(不可中途下車) -京阪電車:1日內任搭東福寺駅~出町柳駅 -叡山電車:全線1日任搭 -京都巴士:貴船口駅前-貴船、四条河原町-大原 1日任搭   真田・九度山券 -南海電鉄:來回新今宮駅-九度山駅(不可中途下車) -九度山・真田博物館: 大河劇「真田丸」展入場券換領證及周邊設施優惠券 -「戰国BASARA」小冊子、南海原創FILE (先到先得)
10
Dec 16
01:26
新聞

JR西日本年尾通宵車

JR西日本發表咗年尾通宵車及新年日出號嘅資料 年尾31日喺大阪,京都同神戸嘅朋友要留意喇! 先講咗東海道及山陽本線先! 琵琶湖線 (東海道本線)草津至京都 12點至5點左右維持約60分鐘一班。 JR 京都線 ~JR 神戸線 (東海道・山陽本線)京都至西明石 12點至5點左右維持約30分鐘一班。 JR 神戸線 (山陽本線)西明石至姫路 12點至5點左右維持約60分鐘一班。 全部列車均為各站停車!草津至京都車程約30分鐘,京都至大阪車程約40分鐘,大阪至神戸車程約40分鐘,神戸至西明石車程約40分鐘,西明石至姫路車程約40分鐘。   奈良線 京都至城陽 12點至5點左右維持約30分鐘一班,城陽至奈良間 12點至5點左右維持約60分鐘一班。 全部列車均為各站停車!京都至奈良車程約80分鐘。 大和路線 (関西本線)​JR難波至奈良12點至5點左右維持約30分鐘一班, 全部列車均為各站停車!​JR難波至奈良車程約70分鐘
17
Feb 17
23:17
新聞

玩味「機械人」酒店2館開幕! 入去想搵個「人」都難!

住過由主題公園「豪斯登堡」營運嘅酒店「変なホテル」都應該知道喺入面想搵個「人」都難,莫講話幫手拎行李嘅職員,就連櫃台亦一個「人」都冇!但呢個正正係酒店嘅一大賣點,好多遊客都係衝住呢一點而嚟!點解?因為呢度係冇「真人」,但就有多位多才多藝嘅高智能機械人為大家服務!     「変なホテル」一號店喺2015年7月於長崎縣嘅豪斯登堡園內正式開幕,全間酒店有7成嘅工作都係由機械人代勞,所以由Check-in到Check-out,全程基本上都係由唔同嘅機械人為你服務!係咪好勁呢?未算!就連客房都採用埋面部認證系統,識得認住你個樣自動上鎖解鎖,夠哂先進同方便!     要住玩味咁重嘅酒店,而家唔使去到長崎咁遠,因為佢地已經公佈咗會喺2017年3月尾於極近迪士尼嘅舞浜附近開設二號店,全館有成100間客房,同樣都有智能機械人隨時候命,為大家帶來非一般嘅住宿感受!新酒店有咩亮點?一齊去睇睇!   亮點一:超智能機械人服務員 除咗Check-in同Check-out,館內好多時都需要用到人手嘅地方都以機械人取代,好似搬行李、打掃同抹窗等等嘅工作
20
Jun 16
20:11
新聞

超人阿鄉現身日本JR車站!

超人出沒注意!近日日本有網民發現喺JR目黒駅發現咸蛋超人,佢就係呢個「超人阿鄉」!   唔知來自M78星球嘅佢識唔識買飛呢?   當日唔少人見到佢都即刻影相post上twitter!不過呢位超人身型好似肥咗小小咁。   其實咸蛋超人都唔係第一次出現喺JR,上次超人七號都有出現過池袋,仲要係放工時間! 你睇佢個樣幾頹...  
08
Dec 16
00:34
新聞

2月開始JR東日本預約網站可以預約JR北海道列車及北陸新幹線全線

JR東日本網路訂票系統將於下年2月開始提供JR北海道列車及JR西日本北陸新幹線嘅預約服務。 可供預約嘅列車包括北海道同北陸新幹線,JR北海道範圍内之特急列車及快速機場列車。   JR 北海道及 JR 東日本為咗外籍旅客更輕鬆地享受鐵道嘅旅程,整合咗外國旅客專用嘅指定席網絡路訂票系統。 JR 東日本的JR東日本網路訂票系統(JR-EAST Train Reservation),過去只可以預約 JR 東日本內嘅新幹線及特急列車等列車嘅指定席,但下年 2 月 1 日之後,將提供北海道同北陸新幹線,JR北海道範圍内之特急列車同快速機場列車等指定席嘅預約服務。以後就可以一次過預訂金沢及札幌~東京等北海道同東日本兩個地區嘅指定席,非常方便!   「JR東日本網路訂票系統(JR-EAST Train Reservation)新增嘅功能有 1. 可以預約 JR西日本嘅北陸新幹線同JR 北海道地區內嘅新幹線、特急列車、快速機場列車嘅指定席!  2. 使用「北海道鐵路周遊券」及「JR 東日本・南北海道鐵路周遊券」等外國旅客
09
Jun 16
20:13
新聞

JR東日本公佈改建原宿站計畫 舊大樓去留未定!?

尋日JR東日本公佈咗一個重大嘅消息,就係為咗迎接2020年東京奧運,一向受大家喜愛、已經有好多年歷史嘅原宿站將會重建。官方仲公佈埋新嘅設計圖...但就話內部未落實會唔會保留定係改建東京市內最古老車站,身為原宿地標、建於1924年嘅原宿站大樓。如果真係唔keep嘅我諗好多鍾意東京嘅朋友都會喊出嚟囉!     今次改良計劃因應將會有越來越多人使用會場周邊嘅站同埋一般使用率較高嘅轉車車站。 近國立代代木競技場嘅原宿站,其實去過嘅朋友都知入面有幾細。為免到時因過多人流引起危險情況,JR東日本會重建一個較大同新穎嘅站,並設立更多扶手電梯及洗手間等配套設施。雖然係因為安全問題必須作出呢個改變,如果真係要拆的話但唔好話我哋外國人,連日本人都覺得好難過同依依不捨!   改建原宿站計畫圖:   原宿站改建後會多一個「明治神宮外」出口,更寬敞開揚之餘方便遊客前往東京名勝 -明治神宮。     另外,千駄ケ谷、信濃町、有楽町、新橋、浜松町、日暮里、大井町、新木場駅等都會進行站內擴建工程。要去旅行嘅朋友留意番喇。