jpop
26
Apr 16
00:01
博客

[不敗日記]音樂發燒友必去尋寶嘅日本CD舖

相信好多人都有追開我每晚23時59分嘅[那些年,我們一起聽過的日文歌]。 好多時,大家都話好鍾意邊個邊個歌手,好鍾意邊首歌…… 但係,如果真係咁鍾意果位歌手或果首歌,又有幾多人有買CD呢!?   對於我嚟講,聽歌、支持,我有一份執著。 由CD播出嚟嘅音質同MP3聽嘅音質,真係差天共地,無法相比。 所以,鍾意嘅歌手或Band隊一出CD,我都會衝去CD鋪買碟~ 之後呢,即刻拆開包裝,拎隻CD出嚟,放入CD WALKMAN入面,帶上耳機開始煲歌。 呢一種感覺,真係好正,好享受。   相信有d人好介意人地開過聽過隻CD,點都堅持買全新CD。 亦有d人唔介意中古品,因為有d珍藏CD真係無可能有全新。 當然,除咗JPOP,都有唔少人同我一樣,鍾意聽Visual Band啦。 但係,你地知唔知可以係邊到買CD呢? 以下落嚟,就為大家續一介紹!!!   想買全新CD︰   TOWER RECORD http://tower.jp/   TSUTAYA http://tsutaya.tsite.jp/   呢兩間CD鋪喺日本都算得上數一數二嘅大型連鎖店,最新感覺就同HMV差唔多。  
18
Sep 16
04:23
博客

日本兩大天后合唱 以人妻角度譜不倫戀曲

MV解禁!兩大天后-宇多田光&椎名林檎攜手合作推新曲《只有兩小時的假期》,係兩位繼14年前合唱《I Won't Last a day without You》后再次合作。其實佢哋因第一次合作已經一見如故,光妹一直都好想再搵林檎合作,今次願望終於成真!   兩位人母歌姬以女性角度唱出人妻想不倫嘅心情、同點睇危險關係。光妹仲笑話生咗之後更加明白點解啲人會想出軌添呀(明下好喇)。   電視廣告版本     另外,MV入面兩位嘅親密舉動亦令歌迷猜測到底佢哋係飾演緊互相明白對方嘅閨蜜、定係彼此嘅出軌對象(SheShe!??)你哋覺得呢?   支持光妹終於復出,就記得買9月26日出嘅第六隻最新原創大碟《Fantôme》喇!   宇多田光「Fantôme」収録曲 01. 道(道路) 02. 俺の彼女(我的女朋友) 03. 花束を君に(獻給你的花) 04. 二時間だけのバカンス(只有兩小時的假期) 05. 人魚 06. ともだち(朋友) 07. 真夏の通り雨(盛夏的驟雨) 08. 荒野の狼(荒野的狼) 09. 忘却(遺忘) 10. 人生最高の日(人生最棒的日子) 11. 桜流し(櫻花紛飛)    
18
Jan 17
19:27
新聞

《你的名字。》落實進軍北美市場 RADWIMPS特製英文版主題曲!

2016年大熱嘅動畫電影、新海誠監督嘅作品《你的名字。》已經落實將會於4月7日起進軍美國,於北美上映!為此,樂隊RADWIMPS仲將電影主題曲「前前前世」及另外三首插入曲以日本歌詞為原意重新寫過英文歌詞㖭呀!收錄英文版新歌「Zenzenzense(English ver.)」嘅新碟「Your name.(deluxe edition/Original Motion Picture Soundtrack)」仲會喺美國推出,真係成為RADWIMPS喺美國出道嘅第一步!   日文版原曲:   新海誠監督非常感激地表示,對RADWIMPS嚟講,歌詞同旋律係不可缺一嘅。所以佢衷心感謝RADWIMPS為外國觀眾特意製作英文版歌曲歌詞。佢話因為主題曲係同劇情緊緊相連,亦反映主主角們嘅心情同心境,所以希望外國觀眾可以透過英文版OST更加能夠體會到套電影嘅樂趣!   英文配音預告:   呢套電影其中一個成功嘅原因就係樂隊RADWIMPS特意為電影創作嘅配樂,今次仲進出美國簡直令日本嘅電影迷同樂迷都非常興奮。日本嘅電影院方面亦都會特意上映使用咗英文歌配樂嘅英文字幕版《你的名字。》兩個禮拜。而四首英文版歌曲將會收錄成CD「君の名は。English edition」,並於2月22日起開始喺日本發售。   英文CD封面:
05
Jan 17
22:19
新聞

出道10年人氣樂隊 生物股長宣佈暫停活動!

今年出道10週年,一直受JPOP樂迷愛戴嘅兩男一女樂隊生物股長今日喺官方網站發布「放牧宣言」,向粉絲及大眾表白將會暫時停止活動!不過唔使驚,佢哋指今次絕對唔係解散,仲向粉絲發誓會再同大家見面。   佢哋嘅網頁已經癱瘓咗,喺度大概翻譯咗佢哋俾大家嘅公告:     「生物股長 放牧宣言」   10年來,我哋三個人好努力咁渡過呢段時間, 而家我哋想分別試下感受自由嘅生活。   想試下做自己鍾意做嘅事, 試下展開啲新嘅開始, 試下慢慢停下來發呆, 試下去一直想去嘅地方踏上旅程。   為咗可以更加擴闊我哋嘅未來。 為咗可以令我哋三個嘅故事可以繼續發展得更加長遠、更加開心。   以上係生物股長嘅放牧宣言。   首先喺度同大家講聲「一直以來,非常感謝。」 然後係「往後也請多多指教。」   生物股長喺我哋三個人會返嚟嘅地方。 下次見嘅時候大家笑住見面吧! 係咁,我哋行先啦! 放牧!   生物股長 水野良樹・吉岡聖恵・山下穂尊
06
Mar 17
19:52
新聞

樂迷喜訊:RADWIMPS Asia Live Tour 6月襲港!

足足等了3年,因創作日本動畫電影「你的名字」配樂及歌曲而火紅的搖滾樂隊RADWIMPS, 將於六月再度來港演出!大家不要錯過啦! RADWIMPS 2017 Asia Live Tour in Hong Kong 日期: 2017年6月13日(星期二) 場地: MacPherson Stadium 麥花臣場館 時間: 開場19:00/ 20:00 開演 票價: HK$ 890 企位- 憑序號進場/ $690/ $490 劃位坐位 門票開售日期: 2017年3月20日(星期一)上午10 點 售票系統 : Cityline購票通 www.cityline.com / 或致電購票熱線 2111 5333 或親臨Cityline購票通及通利琴行售票處購票 (10am – 8pm)
15
Nov 16
09:11
博客

二萬人票選 Oricon 2016年度最喜愛歌手排行榜 結果出爐!

日本網站Oricon尋日發佈咗由2萬位日本人票選嘅「2016年度最喜愛歌手排行榜」(Favorite Artist Ranking),綜合排行方面今年繼續由嵐當選第一位!今年已經係嵐連續第7年當選,真係好威威!而舊年嘅第二、三位結果今年掉轉,由生物股長得第二、Mr.Children得第三。   一齊睇下綜合排名嘅其他上榜歌手/組合:        1)嵐 2)生物股長 3)Mr.Children 4)B’z 5)宇多田光 6)SMAP 7)柚子 8)aiko 9)DREAM COMES TRUE 10)Spitz   連續第七年得第一位,松本潤就話非常多謝粉絲。好多粉絲話好鍾意嵐5位成員嘅牽絆、互動,同埋5位成員都有好明確同吸引人嘅定位,令松本潤感到好高興。當中佢最開心係支持者讚佢哋演唱會嘅表現真係好精彩呢!   過往第一位紀錄:   除咗綜合排名,Oricon仲分咗10代(1字頭、10-19歲)、20代、30代、40代嘅年齡組別選票排行榜。  
06
Jan 17
01:31
新聞

Johnny’s 特設網站公開SMAP給粉絲的最後感言

隨著SMAP解散消息公布後,世界各地嘅粉絲都有送上祝福,並用好多行動表達對偶像嘅愛同支持。就連香港嘅粉絲都以巴士廣告答謝SMAP咁多年嚟帶畀大家嘅回憶。一連串嘅行動都證明呢隊天團係真係好受人愛戴嘅。   今日,Johnny’s 事務所官方網站開咗個特設版,公開咗SMAP最後答謝粉絲嘅留言。估唔到佢哋解散之後仲會有機會見到,都叫做係最後嘅安慰。   網站一開頭已經寫住:   「大家嘅應援,我哋全部都收到。 大家嘅心意,我哋全部都接收到。 衷心感謝。 真的,多謝。」   官方網站在此:https://www.johnnys-net.jp/page?id=smap_Message&artist=6 以下大概翻譯了五位成員以SMAP身份同大家講嘅最後嘅訊息。 (由於日文原文感覺有更深層意義,本人已盡力翻譯,只供參考。)   中居正廣: 多謝一直以來嘅關照...呢。 係「永別」呢...  (小編:此處應該在回應SOFTBANK廣告裡狗爸爸問「唔係永別...吧」) 咁就再見啦!...呢。   木村拓哉: 因為有大家在, 追求我們、在等我們, 才可