iq博士
15
Jun 17
02:59
博客

滿滿的童年回憶!當IQ博士遇上A Bathing Ape.........

小雲同小吉好重要!重要到連A Bathing Ape都要搵《IQ博士》合作,推出一系列超可愛嘅連乘系列,完全喚起了80後嘅集體回憶啊! 當中包括zip-up外套、牛角tee、full-print tee等等,本月17號就會喺日本A Bathing Ape專門店開賣!   小雲小吉fans記得mark實啦!
10
Jun 16
19:46
博客

【期間限定至22/6】Tower Records X IQ博士主題Cafe 極速食評!

「靈感IQ稱得上,十分之高超~」拿!除非你扮後生或者無童年,否則如果你係80後90後,你唔會唔知我唱緊咩嘅!漫畫家鳥山明先生嘅大作,除咗有龍珠之外仲有深受香港人歡迎嘅IQ博士。細細聲講,其實細個阿媽唔係好畀我睇架咋,因為小雲成日玩屎。但邊個又估到20年後嘅今日,我竟然可以嚟到日本東京同小雲一齊玩屎呢?   今日同大家介紹只係限定一個月嘅Tower Records表參道Cafe同IQ博士合作搞嘅主題cafe!喺正表參道大街,隔離仲要係KIDDY LAND等名店,大家行街行到攰都可以黎坐下喎!呢個主題cafe其實係慶祝IQ博士動畫係日本放送35週年紀念(WOW!)6月22日就無架喇~   我突登避開lunch人潮高峰,平日下晝一個人嚟食都有位唔使等。一出lift就見到一排小雲做封面嘅IQ博士漫畫喇!   店內都當然增添咗小雲同小吉嘅擺設。仲有天神村村民嘅相做背景,就連店員都打扮成小雲咁,好得意。 而且一路播住日文版嘅IQ博士歌曲,懷舊得黎好有feel~店內仲有賣特別版CD添!
14
May 16
02:33
新聞

IQ博士35週年紀念商品一覽

今年好似有好多動漫作品第廿幾、三十幾週年,大家數唔數得出﹖ 大家又有無數漏咗《IQ博士》,原來《IQ博士》都35歲啦!35歲嘅大日子,當然要出返啲週邊商品賀一賀佢。   一齊睇下有啲乜: 以上嘅商品喺KIDDY LAND都有得賣,去到20號晒! 只要喺KIDDY LAND買夠1500yen,仲要特別版貼紙送。   另外今日(5月14日)小雲會喺KIDDY LAND大阪梅田店同大家影相,身在大阪又係小雲FANS嘅你記得唔好錯過!