iphone
01
Apr 17
02:52
新聞

唔洗再怕跌爆mon!MUJI 牛仔褲注入手機專用褲袋

相信好多人都親身經歷過,手機放喺牛仔褲後袋,結果一坐底就唔小心壓彎,又或是放喺衫袋/褲袋,結果因為袋口太淺令手機滑出死亡...(唔小心跌咗部電話落廁所都係因為咁吧 º﹃º ) 有見及此!MUJI今年貼心地喺春夏系列中為牛仔褲注入專為手機而設嘅褲袋! 口袋位置喺褲後上角,MUJI稱之為「第六個口袋」,唔好以為其實係求其加咗個袋,其實闊度同容量剛好可容納用咗phone case嘅手機,位置亦經過精心設計,坐低時唔會壓到電話。 而且價錢其實同平時差唔多,並沒有特別提高。不過缺點係,咁擺法似乎會好容易比人偷喎....
16
Nov 16
19:19
新聞

續報!! SUPER Mario Run Ios版12月15日上架!

講足大半年嘅「瑪莉歐系列」手機版遊戲,尋晚終於公佈12月15日正式推出ios版,而名字亦正式定為『SUPER Mario Run』。而除咗優先推出嘅IOS版外,日後亦將會推出Android版。       現時已知免費版收錄「一般、競賽、蘑菇王國」三個模式,玩家可支付1200日圓(9.99美金)購買完整版遊戲,除此以外暫無其他課金項目計劃。     遊戲為橫向ACT形式,而且角色會自己前進,玩家只需以長╱短按屏幕控制角色跳的高度避開障礙及怪物,並以收集最多金幣為目標。     另外遊戲亦設有與其他玩家競賽的模式。而比賽及普通模式得到的金幣,可以用於建設自己的蘑菇王國。      
04
Jun 16
01:37
新聞

手機都着水手服 美少女戰士水手服iPhone Case 第2彈

其實美少女戰士出電話殼都唔係咩新鮮事,不過水手服電話殻比較少見。「Sailor Moon Crystal Costume Jacket」就係以美少女戰士嘅水手服版本做主題。   舊年曾經推出過第一彈,不過只有水手月亮款。   而今年第二彈終於儲齊10 款。除咗水手月亮、水手小月亮同太陽系戰士之外,仲有加入埋外太陽系4位戰士!!!!!   同舊年一樣,依然係TPU軟殻。 雖然第二彈只有平面圖,但參考返舊年嘅實物,有凹有凸,帶點立體感。   令整個CASE都幾大個,手感應該都唔錯㗎!   適用機種:iPhone 6s、iPhone6 價格:3110(已含稅) 發售日程:6月下旬