idol
07
Jun 17
19:29
博客

重溫日本偶像夏日單曲:NMB48

上次同大家重溫完AKB48嘅夏季單曲(傳送門:按此),今日就輪到來自關西大阪嘅NMB48喇!個人嚟講覺得NMB48嘅夏季單曲一樣咁catchy同有睇頭~由2012年「ナギイチ」到上年有迷路姬之稱嘅渡邊美優紀畢業單曲「僕はいない」,唔知各位歌迷最中意邊首呢? (都係個句,本欄目只介紹重點單曲,不會介紹各Team的另外收錄的曲目或劇場曲,請見諒。) 1)2012年5月9日推出第4首單曲:《海邊之最》 Center:山本彩 累積銷量:449,098 2)2013年6月19日推出第7首單曲:《我們的發現》 Center:山本彩 累積銷量:558,892 3)2014年6月21日推出下載限定單曲:《伊維薩女孩》 Center:山本彩   4)2015年7月15日推出第21首單曲:《榴槤少年》 Center:須藤凜
07
Jan 17
11:50
博客

(多圖)乃木坂46白石麻衣新寫真集挑戰組合性感底線

日本人氣女團乃木坂46嘅白石麻衣嚟緊2月7日就會推出佢第二本寫真集,尋日終於公開咗本寫真集嘅名係「Passport」喇!出版社仲公開咗佢露肩嘅封面,而秋元康仲提筆大讚一路睇呢本寫真集就知道白石麻衣已經係「邊度都去到」、即係做咩都得,冇嘢難到佢添! 今次係白石第一次挑戰影內衣相,挑戰大膽嘅白色性感內衣,更加係打破咗走清純路線嘅乃木坂46嘅性感底線!   白石自己就話今年除咗同組合嘅活動之外,都想挑戰好多唔同嘅嘢,而佢希望呢本寫真集可以擴闊佢自己同乃木坂46嘅可能性。今次仲特登去咗海外拍攝,希望粉絲睇完本寫真集都會感受到好似跟住女神去旅行咁啦!
06
Nov 16
10:11
新聞

前Berryz工房成員 嗣永桃子宣布引退娛樂圈

前Berryz工房、現為Country Girls成員嘅嗣永桃子(24歲)尋日宣布將會喺2017年6月30日從偶像界畢業並退出娛樂圈。   佢話呢日係佢15年前通過甄選成為偶像嘅紀念日。人稱Momochi嘅桃子話2年前佢成為Country Girls嘅Playing Manager,一直睇住成員嘅成長,覺得都差唔多係時候輪到自己都要成長。從以前開始佢就對幼兒教育有興趣,亦都有私下學習呢方面嘅知識,所以希望引退藝能界之後可以從事相關方面嘅工作。   其實Momochi都真係唔話得。10歲出道起到而家做Idol做咗差唔多成15年,而且仲同時兼並Berryz工房同Buono!兩隊組合。佢進行偶像活動同時就讀大學同教育實習,搞掂大學論文正式畢業時更加同時考得小學同幼稚園嘅教育許可。   Berryz工房停止活動後會就以前輩身份加入Country Girls培養佢哋,即使舊年做完聲帶手術都繼續進行偶像活動,所以就算唔係特別中意佢嘅粉絲都真心尊敬佢呢。   雖然我曾經都好唔中意佢個髮型,不過佢其實真係一個幾有實力同專業精神嘅女偶像。隨著佢同℃-ute幾位成員畢業同離去,相信象徵住H!P一個時代嘅完結呢...   公認Berryz工房大粉絲嘅AKB一姐指原莉乃都係Twitter表示非常震驚同大感可惜。佢話當年自己因為被欺凌
03
Oct 16
22:30
新聞

AKB48島崎遙香宣佈畢業 夢想成為吉卜力聲優

要嚟嘅終於都要嚟,人稱Paruru嘅AKB48人氣成員島崎遙香今日正式宣布將會於今年年底前畢業!自此Paru將會繼續向女演員夢想進發,佢仲公開談論自己嘅夢想係成為吉卜力電影嘅聲優添!身旁嘅一姐指原莉乃同渡邊麻友仲即刻鼓勵佢話佢絕對有機會實現夢想呀。   就今次嘅畢業發表,Paru就話自己做偶像嘅7年時間、如果要講返以前嘅嘢就一匹布咁長。但係喺餘下嘅三個月,佢都會盡AKB48成員嘅本份,繼續努力做偶像,希望畢業後粉絲們都會繼續支持佢!想見身為Idol嘅Paru最後一面,佢最後嘅握手會係12月24日,而畢業公演就係12月26日,真係今年年內畢業呀!粉絲們要把握機會喇!   其實今次CM都係以畢業同轉工為主題,廣告入面宮脇咲良留住眼淚問Paru係咪要畢業,而Paru就話係呢度經歷左好多好多,終於搵到自己想做嘅事,仲叫其他成員支持佢啊!一齊睇下堅定眼神嘅Paru啦:       指原莉乃喺自己Twitter表示雖然會唔捨得Paruru,但希望喺餘
11
Aug 16
18:32
新聞

筋肉美少女「才木玲佳」推出首張DVD

之前同大家介紹過嘅筋肉美少女「才木玲佳」,黎緊8月26日就會推出佢嘅第一隻DVD《マッスルエンジェル》。仲記得玲佳真人真係好可愛同埋好活潑,令到整個拍攝現場都充滿歡樂架!而且做起建身上黎都非常認真專注,如果大家有興趣都可以支持一下呢位筋肉Idol啦   訪問回帶在此:【人物專訪】超萌反差・筋肉美少女「才木玲佳」     【‪才木玲佳】 出生日:1992年5月19日 出身地:埼玉縣 高度:150
28
Jul 16
05:42
博客

Like Japan訪問:AKB48 Team 8三成員初訪香港 會熱情粉絲感驚喜

  7月26日就係AKB48 Team 8 3位成員嚟香港舉行簽名握手會嘅大日子啦。 我哋Like Japan梗係把握機會去左採訪3位喇。 佢哋係分別來自北海道嘅坂口渚沙、東京嘅小栗有以同埋熊本嘅倉野尾成美。     人稱Nagi嘅坂口渚沙就話覺得香港嘅粉絲好多都識得講日文,好犀利呢。有二萬年一遇嘅美少女之稱嘅有以就話大家嘅聲援一啲都唔輸日本嘅fans,非常熱情。雖然成美就透露咗佢哋已經答咗雙層嘅露天巴士睇風景,不過有以想睇到嘅係維港嘅景色,相信佢哋握手會之後就去咗觀光啦。   三位身為Team 8嘅成員,各自都有憧憬嘅前輩。Nagi就話鍾意今年總選排第二嘅渡邊麻友,因為佢企係度嘅姿勢都靚過人!有以就鍾意Paruru,話覺得佢跳舞時散發出偶像嘅魅力好可愛。今年總選排34名,人稱Naru chan嘅成美就話好鍾意畢咗業嘅大島優子,因為佢除咗表演力高之外,仲有獨特嘅個性。身為後輩嘅三位透露今年暑假Team 8會有好多好多活動,仲話希望可以係日本嘅活動到見到香港嘅粉絲添!各位,你要識做呢   尋日無得去fans meeting?唔緊要,我哋條片已經有花絮俾大家望下親愛的偶像~三位小妹妹真係好可愛,最近係日本嘅媒體出現率都越來越高,簡直係AKB新世代嘅新星呀!希望佢哋嚟緊係團入面嘅發展都會越來越好啦!支持嘅話記得like and share條片呀~ 想睇番見面會詳細既Repo,可以睇下新東方不敗篇
07
Jun 16
02:29
新聞

最注目乃木坂新Center喊住誕生:最年輕1期生17歲空氣少女齋藤飛鳥

乃木坂46喺節目「乃木坂工事中」發表咗第15隻單曲嘅選拔成員,仲公佈咗今次將會第一次由1期生入面最年輕、得17歲嘅齋藤飛鳥做Center呀!佢將會係繼生駒里奈、白石麻衣、堀未央奈、西野七瀬、生田繪梨花同深川麻衣之後,乃木坂46第7個center呢。 事關今次收單曲將會係暑假期間發售,聽到呢個意外消息嘅飛鳥就話好緊張,覺得夏天曲風咁開朗活潑,更自己唔識合呢種風格擔當唔嚟,仲忍唔住喊出黎即場道歉添呀!都未唱就戴定頭盔,傻妹嚟嘅。不過當然啦,13歲出道以來係一旁努力咗14首單曲都之後佢終於有得做center喎!之後佢都話知道自己而家有少少混亂,冷靜返之後就一定會加油嘅。   今次單曲同樣會企第一行嘅有橋本奈奈未、西野七瀬、白石麻衣、生田繪梨花;第二行有高山一實、衛藤美彩、松村沙友理、秋元真夏、櫻井玲香。第三行係北野日奈子、星野みなみ、若月佑美、生駒里奈、堀未央奈、中元日芽香。第一同第二行成員加埋就係「十福神」。 《齋藤飛鳥小檔案》 暱稱:あしゅ 生日日期:1998年8月10日 血型:O型 星