2020
29
Aug 17
23:56
博客

免稅手續複雜!日本擬計劃2018簡化免稅手續

日本觀光廳喺8月22號公佈咗2018年嘅予算概要,入面提及多項未來希望修改嘅稅收政策,包括簡化消費稅免稅政策。 有意見指免稅政策手續繁複,令唔少人都覺得混亂。根據外國訪日旅客問卷調查,喺免稅店消費嘅外國人入面,有六成表示有「難以區分一般物品同消耗品」同埋「唔清楚要分開一般物品同消耗品計金額」等等嘅問題。 計劃簡化免稅政策 一般貨品消耗品 退稅程序二合一 為咗方便外國旅客,觀光廳計劃修改稅收政策,簡化消費稅嘅免稅手續。將現行嘅一般貨品、消耗品分類合併。兩類物品,只要喺同一日同一間鋪買¥5000 以上、¥500000以下(未包稅),就可以免稅。免稅商品唔可以喺日本用,亦要喺買咗嘅30日之內帶出日本。 重點:修改政策後,無咗分類之後一般物品同消耗品嘅金額可以加埋計,容易買夠¥5000達免稅要求   現行免稅政策 一般貨品消耗品 退稅程序做兩次 留意番以上嘅新政策仲喺計劃階段。為咗比較佢有幾方便,等我地一齊重溫一下現行嘅免稅政策係點啦! 日本依加嘅消費稅係8%,喺免稅政策下所有唔係長期住喺日本而拎住短期居留(短期滞在)簽證嘅人就合符免稅資格。 免稅規則
05
Apr 17
19:37
新聞

迪士尼樂園大規模擴建 預計2020年春開幕!!

東京迪士尼樂園再嚟大型擴建! 2020年奧運將會於東京舉辦,相信世界各地都會有唔少人去東京睇奧運。日本方面,由政府到各大商家、旅遊業界等都正係預備迎接呢個大日子,當然迪士尼都唔例外! 今日,迪士尼就喺樂園西側附近嘅擴張施工地點宣佈大規模開發正式展開! 預定新擴充嘅部分將於2020年春開幕,其中將包括『美女與野獸』嘅新主題園區,新嘅娛樂劇院設施、新遊樂設施、角色迎賓區等全新區域! 迪士尼樂園過去4年都錄得超過3000萬人次入場。預計今次自「SEA」開幕以來最大規模嘅擴張將會大幅提升遊客嘅滿足度。
28
Oct 16
00:17
新聞

今屆都係SEGA!SEGA取得2020年東京奧運Game獨家販賣權!

奧運GAME已經好多年無玩,仲記得以前玩奧運GAME,Chok到都唔知手制爛先定手指爛先。 唔知以前大家有冇玩過SEGA呢隻「十項全能」呢,小編細個真係好鍾意玩。   尋日SEGA宣報同International SportsMultimedia(ISM)簽約,得到所有有關2020東京奧運遊戲嘅製作同販賣權。   講起較近期嘅奧運game, 我諗大家最有印象都係MARIO & SONIC,前排去JOYPOLIS先玩完黎。   開發同販賣權包括機鋪遊戲機,電視遊戲,手提遊戲,電話遊戲等等。原來唔講都無留意到,目前為止2008年北京、2010年溫哥華(冬季)、2012 年倫敦(夏季)、2014年索契(冬季)、同埋2016年里約都得到唔錯嘅成績,而今次會係第6次。 SEGA老闆里見治紀表示「好榮幸可以得到呢個東京2020奧運遊戲權,希望可以用目前為止開發奧運遊戲嘅經驗,令全世界人都可以享受東京奧運遊戲。」
12
Apr 16
00:55
新聞

東京2020奧運標誌 4個候補作品發表

關於2020東京奧運會和殘奧會的嘅正式標誌,東京奧林匹克運動會同殘奧比賽大會組織委員會於2016年4月8日,係從1萬4599分申請裡面挑選左以下4個最後嘅候選LOGO。按申請先後按順序分別係:     你最鍾意邊一款,我就覺得A最靚啦~ 你都可以發表意見架,公佈日期:4月25日! https://tokyo2020.jp/jp/games/emblem/evaluation/