100yen
29
Sep 16
00:56
博客

你不可以不知道的平靚正100yen壽司店

  日本有好多100yen壽司店,但係好多香港人都唔去食,原因大部分都係怕平嘢冇好嘢~ 的而且確,有啲100yen壽司店嘅壽司唔係太新鮮,例如啲吞拿魚好似甩晒色又冇味咁, 不過今次我要介紹嘅依間「くら寿司」就係100yen壽司店之中嘅王者啦~   由池袋東口行兩三分鐘就到~   當日我星期一六點前到都要等成粒鐘,足見佢到底有幾咁受歡迎! 大家要去食嘅話一係就早啲去攞飛(藍色嗰邊),一係就一早去預約卡位~   雖然藍色飛寫到明係Bar檯優先,不過其實店入面大部分都係卡位,去咁多次都冇坐過Bar檯哈哈~   唔識日文唔緊要,有晒圖,落單全部都係自己禁,唔需要你出一粒聲!落完單之後啲嘢食就會飛去你個位到,係咪好方便呢?   熱茶喺位到就有得斟,但係凍水就要自己出出面自助吧到拎啦~  
28
Apr 16
00:59
博客

Natural Kitchen 100YEN 田園風雜貨店

近年小清新田園風非常流行,但係唔知點解款式越樸素、設計越簡單就越貴……好似簡簡單單一隻木碟都要過百蚊,買左隻碟又想買埋隻叉,有碟有叉又冇理由冇羹……諗下諗下好似都係買埋碗先得……買下買下,咦?小姐你好似唔夠錢找數喎!好彩好彩,日本Natural Kitchen 簡直就係平價田園風雜貨嘅天堂,大家唔好走寶啦!         點呀?見唔見到亮點係邊到呀?冇錯呀就係個牌啦~上面寫住冇標價嘅商品全部都係100yen咋!係咪好興奮呢~   到底100yen可以買到啲咩呢?我就真心推介依隻木羹!雖然DAISO都有木羹,但我覺得Natural Kitchen嘅木羹係最好用嘅!其他鋪頭嘅有啲淺得滯畢唔到啲咩、木紋又淺、揸落又硬膠膠……Natural Kitchen嘅木色最靚,深度又啱啱好畢飯畢湯都得,100yen咋冇得輸啦!   另外大受歡近嘅產品就係木筷子啦!100yen一對係咪好抵呢?不過等等先!彩色個5對加埋都係300yen,咁咪姐係仲平過100yen一對個啲!如果你唔係追求成對筷子都係木色嘅話,同朋友一人一對做五色筷子戰隊都幾開心㗎~  
14
Apr 16
01:11
博客

100YEN店家品就好似過期牛奶咁 唔試唔知好定壞!

一個人漂洋過海嚟日本留學,邊到帶到咁多嘢過黎喎,緊係喺日本買啦!之但係間屋乜都冇,由零買起,吓吓去franc franc入貨真係多多錢都唔夠洗!好在日本最偉大嘅商店救咗我一命……冇錯,就係100yen店!(只要小小心心唔好中伏就得啦!www)   就由最多人認識嘅DAISO講起啦!DAISO係日本超大型嘅連鎖100yen店,家品、食物、化妝品乜都有咁滯!   廚房用品 [DAISO]我日本屋企(sharehouse)住咗9個日本人,幾乎個個都喺100yen店買碗wwww 我買咗第二行最左邊?個、食飯size啱啱好~仲好卡哇依㖭!   [DAISO]注意!依盒唔係普通嘅錫紙,佢上面係印咗Melody印花㗎~用嚟整便當一流!   [DAISO]隔熱手套除咗黑同紅之外,仲有啡色藍色好多色!隔熱一流就唔洗講啦,依隻手套連防水功能都係一級棒! 話說上次我用個燴蕃薯神器叮蕃薯個陣,隻手套hi到一pat啡色嘅嘔心物體…我緊係即刻用洗潔精捽捽捽再用水沖沖沖啦!神奇嘅事情發生啦:隻手套入面竟然完全冇濕到!GREAT~~~  
16
Jan 16
02:19
博客

《百圓之戀》:負能量更有正能量!

《百圓之戀》近排喺香港上咗,其實佢去年喺亞洲電影節同《真實魔鬼遊戲》、《愛的成人式》等等已經上過,不過當然係得好少場,今次公映小妹就再睇多次,雖然共鳴感唔係話好大,但還是覺得好值得推介的。  故事好簡單,係講一個又肥又髒嘅超級廢中女一子,有日同家姐嗌交離家出走,從來無做過野嘅佢去咗100Yen便利店打工,後來被污辱、又遇上種種奇怪人,然後愛上咗個鍾意打拳嘅男人。男人上過一子幾次後就消失咗,一子就自己去咗玩拳撃,好努力一直練習,最後啱啱趕得及喺32歲(女人打拳年齡限制)未過去前上台打比賽,結果係好快就打輸咗,但也無悔了。  喺講個題材同故仔前,先講吓女主角:安藤櫻。佢就拍戲拍咗好多年,之前都有代表作例如《愛的曝光》,又試過喺同一年內以唔同電影拎到女主角同女配角嘅獎項,夠哂堅!但係話題性好似都不及今次,但梗係啦,拍親拳擊,都好似有個「潛規則」:將身形好似變幻球咁變大變細、變肥變瘦,肚腩變肌肉,安藤櫻都唔例外。佢喺訪問入面都有講到:先練肌肉、再食肥自己,隨後在10日內減哂啲脂肪,期間每日都只食雞胸肉,隔絕脂肪同糖類,加瘋做運動! 真係佩服~~~   拳撃絕對唔係新題材(甚至係好濫嘅題材),遠至經典嘅《Rocky洛基》、奇連依士活嘅《撃情》、然後華仔都拍過《阿虎》,近期就一定係《激戰》或者係Jake Gyllenhaal嘅《再戰撃情》!好喇但講