麥當勞
17
Aug 17
00:06
博客

雷神踩過界!日本麥當勞推雷神朱古力麥旋風

日本麥當勞又有新產品啦。繼上次7月中與比卡超crossover,推出香蕉朱古力味麥旋風後,今次與大熱小食雷神朱古力聯乘推出「マックフルーリー ブラックサンダー」(雷神朱古力麥旋風)! 雷神朱古力集朱古力、可可曲奇和餅乾於一身,濃味朱古力加上脆卜卜的曲奇和餅乾,有口感之餘又有味,吃過它的朋友都愛不釋手,據說日本內閣總理大臣安倍晉三都是它的fans。 今次麥當勞推出的雷神朱古力麥旋風,將朱古力、可可曲奇和餅乾融入雪糕中,令雪糕提升到另一個層次。 身處日本的惠依子在發售第一天已率先試食,形容這款麥旋風像升級版Oreo麥旋風,雖然日本的麥旋風比香港的小,但整體都好足料。可可曲奇就像Oreo麥旋風的味道。而且單看雪糕的表面以為是加了花生,其實是雷神朱古力裡的餅乾,這款餅乾像馬利餅,質地較鬆脆,與Oreo曲奇的硬脆質地截然不同,牛奶朱古力加上餅乾曲奇亦不會搶走牛奶雪糕的味道。
13
Jul 17
00:08
新聞

寵物小精靈 劇場版 日本麥當勞推開心樂園餐限定新玩具

『寵物小精靈』嘅動畫播放20周年記念電影版『劇場版寵物小精靈:寵物小精靈!就決定是你了!』7月15日開始就上映,之前之後就梗係要做足功夫宣傳啦! 而日本嘅麥當勞今次就同電影版合作,為開心樂園餐推出6款『寵物小精靈』嘅玩具贈品!   比卡超陀螺   比卡超水槍   小火龍拋接精靈球   鳳王哨子   熾焰咆哮虎‧鬃岩狼人杯球   傳說三聖獸拋圈 玩具將於7月14日推出,全部隨開心樂園餐附送。另外,於7月15-17日期間購買開心樂園餐,會再送多套『劇場版寵物小精靈:寵物小精靈!就決定是你了!』特別漫畫! 所有商品都係送晒就冇啦!  
01
Jun 17
22:29
新聞

大島優子潮著!麥當勞 X BEAMS限量產品

講到麥當勞,平時都係出新包新玩具,但今次日本麥當勞就有個big surprise畀大家--就係踏足fashion界、同日本潮牌BEAMS推出一系列只限樂天發售,而且每款產品限量300個嘅「マクドナルド x BEAMS DESIGN」商品! 系列以麥當勞signature嘅巨無霸為主題,更特地邀來名字同樣有「Big」嘅AKB48前一姐大島優子親身着用!系列包括Burger Phone Case、cap帽、T-Shirt、tote bag、Clutch等等,全部售價均為¥3,900,6月3日就會喺樂天市場開賣,每款限定發售300個咋! 如果對呢啲時裝潮物無興趣,都唔緊要。仲有同樣限量300罐嘅Big Mac醬汁(¥1,900),即是巨無霸的精華獨家醬汁,巨無霸fans一定要有呀!! 大家仲有2日時間諗計點搶,加油呀~~ 推出日期:2017年6月3日中午12點 網址:
13
Apr 17
19:10
新聞

麥旋風原來已經10週年! 4月19日將推「10年復刻版」!

日本麥記嘅麥旋風由2007年推出以來,唔覺唔覺原來已經出咗成10年!喺呢10年嚟加加埋埋原來曾經推出過多達34款唔同嘅麥旋風,都真係幾誇張!為咗呢個咁值得紀念嘅日子,日本麥當勞將會喺4月19日起期間限定推出10年來人最受歡迎嘅「士多啤梨蛋糕麥旋風」!   呢款麥旋風喺2007年11月第一次推出,雪糕中間除咗有粒粒士多啤梨,最特別係仲會夾住細細粒海綿蛋糕,撈埋雪糕一齊食真係幾好味!10年後嘅今日竟然有機會可以再試,未試過的話一定要去試吓!   而香港都食得到嘅「OREO曲奇麥旋風」今次亦會進行大革新,曲奇質感會比以前更軟身之餘數量仲會大增,保證每一啖都食到濃郁嘅朱古力味道!   士多啤梨蛋糕麥旋風 發售地點:日本麥當勞 發售日期:2017年4月19日~5月下旬 售價:¥290
08
Apr 17
01:09
新聞

【日本麥記開心樂園餐】超可愛「鬆弛熊玩具」初登場!

點解對面岸嘅飯硬係好食啲!點解連對面岸嘅玩具都係可愛啲!日本麥當勞由4月14日起凡惠顧開心樂園餐,即可免費獲贈鬆弛熊玩具一隻,對於我地嚟講要以正常手法儲齊一套應該冇咩可能,不過隻隻都咁得意,是但抽到邊隻應該都會好開心!(TдT) 開心樂園餐一套8款鬆弛熊玩具 一㩒鬆弛熊個頭,肚腩上嘅漢堡包就會轉轉吓。   一㩒鬆弛熊隻左腳,個頭就會擰擰吓。   一㩒鬆弛熊粒尾巴,對手就會揈揈吓。   一拉下面隻雞仔,鬆弛熊對手就會搖搖吓。   喺枱上推郁個玩具,個咖啡杯就會轉轉吓。   撩吓個機關,鬆弛熊就會飛飛吓。   一㩒鬆弛熊個後尾枕,對眼就會眨眨吓,懷抱中嘅果汁亦會好神奇地自動減少。  
07
Mar 17
23:07
新聞

【粉紅系列俘擄少女心!】日本麥記又推「靚爆飲品」!

日本麥記新推嘅粉紅梳打齋望都夠滿足!點解?因為加咗山形縣產佐藤錦嘅高級櫻桃果汁去營造粉紅粉紅嘅視覺效果,唔止勁靚,仲好似好解渴!   (左) Mac Sakura Cherry Fizz ¥250 / (右) Mac Float Sakura Cherry ¥310 兩杯最大嘅分別係有雪糕同冇雪糕,有雪糕版本除咗可以食完個雪糕先慢慢歎汽水,仲可以將雪糕同汽水撈埋一齊飲,質感有少少似飲緊忌廉溝鮮奶!   櫻花蝦味Shake Shake薯條 ¥300 仲有呢個櫻花蝦味嘅Shake Shake薯條都係近期麥記必試!Shake Shake粉用咗駿河灣當造櫻花蝦嚟整,咸咸香香,比就咁點茄汁食好味10倍!   地點:日本麥當勞 發售日期:2017年3月8日~4月初
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網
09
Dec 16
19:15
新聞

激正改良版「熱辣辣爆醬漢堡」,超濃郁味道食到停唔到口!

大家有冇食過日本麥當勞嘅白汁可樂餅漢堡「グラコロ」?呢個漢堡原來已經推出咗成23年,係每年冬天都會出現嘅期間限定款式,年年都熱賣,今年竟然話會搞搞新意思,upgrade吓個包喎!     呢個漢堡最大特色就係中間夾住件超厚身嘅爆醬可樂餅,一咬開舊可樂餅,入面嘅白汁、大蝦同通粉就會湧出嚟,冬天凍冰冰食返件都咪話唔爽!   而今次嘅革新,麥記就選擇喺醬汁同個包落手,有蛋黃味極為香濃嘅雞蛋醬汁同有少少辣、越食越惹味嘅辣汁兩種可以揀,各有睇落都好似好好味,好想兩種都試哂佢添!至於個包,今次就落重咗cream同牛油去整,所以一食就會食得出個包比以前更香同更軟綿。     如果大家想試更濃郁嘅味道,可以叫呢個加咗塊芝士嘅「超デミチーズグラコロ」,芝士同可樂餅嘅味道本身就好夾,一大啖咬落去,所有味道好似渾然天成咁完全無違和感,難怪23年嚟都係大受歡迎之作!   超グラコロ 發售地點:日本全線麥當勞 發售日期:12月14日~ 售價:¥340   超デミチーズグラコロ 發售地點:日本全線麥當勞 發售日期:12月14日~ 售價:¥370   官網:
18
Nov 16
22:06
新聞

【等咗15年!】傳說中嘅雙重燒肉牛肉堡返嚟啦!

今年係麥當勞登陸日本第45年,繼之前介紹過嘅「芝士吉列漢堡」,今次呢個雙重燒肉牛肉堡「かるびマック」更加吸睛!有啲人可能已經覺得佢有啲熟口熟面,無錯!佢就係15年前曾經名震一時嘅漢堡包,雙重牛肉嘅豐富口感令人對佢愛不釋手!     呢個包最大嘅特色就係「Beef on Beef」嘅紅合,喺勁Juicy嘅漢堡牛扒上面放住嘅係以微辣特製醬汁熬煮嘅牛肋骨肉,加埋自加製嘅甜酸汁完美嘅配搭,牛肉嘅肉味極為突出,大大啖啖落去啲汁唧哂出嚟,漢堡扒同牛肋骨肉嘅雙重口感非常豐富,唔怪得15年後嘅今日依然有咁多日本人對佢念念不忘!     呢個包單買¥390,買餐連薯條同可樂就¥690,如果單純想試吓個包有幾特別,單買就得啦,反正薯條同可樂同香港嗰啲都差唔多~   未試過嘅年輕一代真係要試吓!   雙重牛肉堡「かるびマック」 發售地點:日本各大麥當勞 發售日期:2016年11月22日~ 售價:¥390
15
Nov 16
01:12
新聞

【日本麥當勞冬季限定】黑白朱古力雙殺

期間限定係香港人嘅致命字眼,一見到限定就會唔理三七二十一買咗返去先算!梗係啦,唔買返香港後悔點算,到時真係喊都無謂。     今期冬季日本麥當勞又再次推出兩款非常誘人嘅期間限定朱古力批,一黑一白,外皮超脆,朱古力迷真係無理由唔試!     黑色朱古力批今年特別在於入面嘅朱古力量係比之前多出20%,爆漿效果更加誇張,細細啖咁咬一啖,入面嘅朱古力醬已經好唔安份咁爆哂出嚟,好香濃口感好rich!     而白色呢一個就係用咗白朱古力去整,有淡淡嘅雲哩拿味,加埋一粒粒果仁嘅口感,成個批感覺好creamy,又唔會太甜,都幾好食。   呢兩個批過多2日就有得試,不過因為供應期唔長,要試就要快啲試啦!唉.......食完返到香港一定會超掛住,如果香港都有得食就好啦。   三角朱古力批「三角チョコパイ」 發售地點:日本各大麥當勞 發售日期:黑色朱古力批 2016年11月16日~2017年2月中旬 白色朱古力批 2016年11月16日~12月中旬 售價:¥120