鳥山明
10
Jun 16
19:46
博客

【期間限定至22/6】Tower Records X IQ博士主題Cafe 極速食評!

「靈感IQ稱得上,十分之高超~」拿!除非你扮後生或者無童年,否則如果你係80後90後,你唔會唔知我唱緊咩嘅!漫畫家鳥山明先生嘅大作,除咗有龍珠之外仲有深受香港人歡迎嘅IQ博士。細細聲講,其實細個阿媽唔係好畀我睇架咋,因為小雲成日玩屎。但邊個又估到20年後嘅今日,我竟然可以嚟到日本東京同小雲一齊玩屎呢?   今日同大家介紹只係限定一個月嘅Tower Records表參道Cafe同IQ博士合作搞嘅主題cafe!喺正表參道大街,隔離仲要係KIDDY LAND等名店,大家行街行到攰都可以黎坐下喎!呢個主題cafe其實係慶祝IQ博士動畫係日本放送35週年紀念(WOW!)6月22日就無架喇~   我突登避開lunch人潮高峰,平日下晝一個人嚟食都有位唔使等。一出lift就見到一排小雲做封面嘅IQ博士漫畫喇!   店內都當然增添咗小雲同小吉嘅擺設。仲有天神村村民嘅相做背景,就連店員都打扮成小雲咁,好得意。 而且一路播住日文版嘅IQ博士歌曲,懷舊得黎好有feel~店內仲有賣特別版CD添!
16
Jan 16
01:12
博客

JUMP又有新書?《マンガ講座 ジャンプ流!》

《少年JUMP》嘅大名就係人聽得多啦,喺入面連載過嘅漫畫更加係陪住唔少人大,作品名唔駛我講大家都噏得出。 咁啱今年集英社就新鮮推出《マンガ講座 ジャンプ流!》,創刊號就由《龍珠》嘅鳥山明老師打頭陣,漫畫講座?封面仲寫住「秘傳GUIDE」、「創作的奧義」,好似好犀利咁喎! 呢本野名副就真係一本簡易版漫畫講座,係俾想做漫畫家嘅朋友嘅參考書。而當然即使你只係FANS都有呢本書都有佢嘅出藏價值。 《マンガ講座 ジャンプ流!》總共有一本書,仲附送一張DVD 而相信成SET野最值錢就係就係呢3張紙: 彩色插圖複製原畫(左)、臨摹用名場面複製原稿(中)、簽名複製畫(右) 呢本書其實得薄薄幾頁,頭兩頁係訪問。訪問內容無乜太特別,都係講吓成為漫畫家嘅經歷,時間分配,漫畫家守則之類,相信過往唔少訪問都會提過。 而後面就係由漫畫編輯分析下佢嘅漫畫特色,介紹令畫面更加有張力嘅畫畫小TIPS,最後就係介紹下畫漫畫工具,完全係一本指南書指向嘅小冊子。但對想做漫晝家嘅朋友,呢本野又簡化得滯,到喉唔到肺。不如去睇《爆熳》好過,起碼夠熱血先。 而對FANS嚟講可能張DVD先係戲肉。 DVD內容分為4大PART: 1. 就係將由草稿到上色完成全過程 2. 18分鐘嘅鳥山明老師嘅訪問聲帶 3. 邊畫邊講
27
Apr 17
00:30
博客

1989年4月26日,『龍珠Z』正式於富士電視台首播

1989年4月今日,『龍珠Z』正式於富士電視台首播。『龍珠Z』其實唔使多講,呢度熟過小編嘅人相信冇一萬都有幾千啦,呢套由1989年一直播到1996年,呢套播咗6年又10個月、總共293集嘅長篇動畫,長時期佔據最長壽作品嘅位置,直至2007年先俾另一套作品『ONE PIECE』趕過。 話說『龍珠』去到中後期開始面對收視率下跌嘅問題。而由於當時『聖鬥士星矢』成績頗為不錯,而鳥嶋和彦(鳥山明嘅初代編輯)亦覺得『星矢』非常有趣,於是就決定搵嚟『星矢』系列監督森下孝三,以及劇本家小山高生重新制定悟空成長後嘅設定,最後就成就咗『龍珠Z』呢個作品。 製作時製作組仲遇到一個好大嘅困難,就係由於『龍珠』原著推出後不久就動畫化,所以經常出現動畫進度追上原著嘅問題,而『Z』大約去到拿美星篇左右已經完全追上原著,於是為咗應急,製作組只好不停加長上回提要同打鬥嘅篇幅,及後更加要追加回想內容應付,最誇張嘅應該算係拿美星爆炸前5分鐘就足足做咗6集。 去到第95集終於見到悟空變超級撒亞人傳說有不少新一代觀眾係睇完『銀魂』先知有套作品叫『龍珠Z』 而其實如果要講收視嘅話,其實『Z』係比『元祖』差嘅,不過各種嘅周邊如