12
Jun 16
06:37
博客

膽量挑機22之日本驅鬼方法

又到咗星期六晚嘅膽量挑機時間~   今晚唔講日本邊到猛鬼,講吓日本驅鬼方法~ 話說,之前同㗎仔講開撞鬼經歷~     原來日本都有「俾鬼壓」呢樣嘢,日文叫做「金縛り(かなしばり)」     咁呢~㗎仔R君就話前幾個月,佢訓訓吓覺,突然醒咗,但係呢,全身都郁唔到。 無論佢點樣掙扎,都係郁唔到,嚇到佢超驚。     我諗返起我之前去旅行,喺酒店訓訓吓覺都係咁嘅情況,我個時係咁唸「喃嘸阿彌陀佛」。 但係,我都係郁唔到,之後,仲俾隻女鬼係咁捏我塊面…… 直到天光,隻女鬼先走咗,我先郁得返,就衝出房……     究竟遇到「俾鬼壓」時,應該點做好呢? 原來日本就有個「特別」方法!!! 當你遇上「俾鬼壓」時,就要諗吓d「甜嘢」,話咁樣就可以嚇走隻鬼! 網上話,腐女嘅絲打們只要即刻諗吓BL畫面,就可以秒殺擊退隻鬼喎~  
16
Mar 17
01:42
博客

山中湖超猛酒店 附近仲有個神秘巨大金庫!?

富士山,日本人眼中嘅神山,亦係來自全世界遊客都會想去一次嘅地方,不過如果想上富士山玩,特別係跟團玩嘅話,一般都係會先係山腳嘅山中湖過一晚。不過可能有人唔知道,其實山中湖有間酒店,係猛鬼到衝出國際XDDDDDDD 由於山中湖本身就冇幾多間酒店,所以睇緊呢篇文嘅你隨時都可能去過! 由於酒店仍然在營業當中,所以名就唔開啦(其實全名好易搵到XD),本文姑且稱為「某星酒店」啦。 其實呢間酒店係國外就出晒名啦,仲多次打入唔同傳媒嘅「猛鬼酒店排名」前列添。其實而家個氣氛已經相對冇咁恐怖,因為佢早10年左右重修過一次,重修之前酒店間間房都有塊「貞子娘親」嗰種大鏡同投幣式電視機,都咪話冇氣氛。(不過重修後都仍然有部分房有呢「雙寶」)   至於鬼故……真係你諗到嘅鬼都有人話見過! 由OL LOOK、長面、短面甚至冇面,由古代武士都二戰軍人到現代打扮都有目擊過案。   其中海外(因為日本係冇咩類似記錄。)一個頗為常見嘅講法,就係傳說好耐之前(話得好耐之前即係唔知幾耐之前啦XD)有個女導遊喺酒店自殺身亡,於是日後久唔久就會發生
02
Feb 16
03:02
博客

鬼太郎:漫畫 動畫 電影 景點 大全!

鬼太郎系列由有「妖怪博士」之稱嘅漫畫家水木茂在1959年開始面世至今。雖然水木先生已經離開左我地,但佢依部最為人熟悉嘅作品就留低左好多回憶俾大家。漫畫原作 鬼太郎系列嘅作品本來係叫「墓場の鬼太郎」,後來先由水木先生係1967年將佢改為「ゲゲゲの鬼太郎」,並且一直延用至今。連載漫畫嘅劇情比較奇異,鬼太郎本來嘅角色定位係個會令人不寒而慄,令人遇上不幸事件嘅男仔。 「ゲゲゲ」依個名其實係取自水木先生細個時候嘅綽號。因為佢個名「シゲル」(SHIGERU)好易讀成(GEGERU),所以「GEGEGE」就成為左佢嘅花名啦。小編就覺得依個音又似奸笑聲,又似鬼太郎著住木屐行果啲聲,改得好岩。動畫作品 第一部:1968年推出第一部亦係唯一一部黑白動畫。 第二部:1971年推出首部彩色動畫登場。劇情加入社會議題,並確立左鬼太郎嘅固定伙伴為:「鼠男、貓女、撒沙婆婆、子泣爺爺、塗壁、一反木棉」 第三部:1985年推出,是鬼太郎收視最好嘅時期。鬼太郎嘅性格由依部開始變成熱血英雄,周旋係妖怪同人類解決麻煩。 第四部:1996年推出,風格又回歸原作嘅氣氛。 第五部:2007年推出,鬼太郎同伙伴們一
17
Jun 16
20:02
博客

膽量挑機23之日本恐怖殺人電郵

又到咗星期六晚嘅膽量挑機時間。   今晚唔講鬼故,講個日本都市傳說俾大家聽。   即使Whatsapp同Line再普及,但仍然會有用email嘅時侯。 垃圾電郵,相信大家都收唔少。 但係,如果你收到以下呢個電郵,你會點做呢?     「因為一次交通意外,我無咗對腳。 我本身就好少朋友,真係好少。 りんちゃん(Rin-chan)係我嘅好朋友,但佢係我休養期間, 同第二個人做咗好朋友,之後仲同我鍾意嘅男仔拍拖。 我唔會原諒佢! 我唔會原諒佢! 我唔會原諒佢! 我憎死りんちゃん(Rin-chan)!我要殺死佢!!! 不過,無可能……因為我無腳行路……   我好想要對腳! 如果喺10個鐘頭內,無轉發俾20個人嘅話,我就斬咗你對腳落嚟! 所以,你明白點做未? 我相信你,你會做我嘅朋友㗎嘛?你會幫我㗎嘛?   如果無轉發俾10個人嘅話,搭正夜晚12點,我就會嚟斬你對腳! 當我出現喺你面前時,唔洗驚呀! 我知道你而家驚到眼濕濕想喊㗎! 邊個阻止我,我就殺邊個!!! 殺死你! 殺死你! 殺死你!     曾經有人回覆我,要阻止我,結
05
Jul 16
00:30
博客

膽量挑機26之日本恐怖電話亭

又到咗星期六晚嘅膽量挑機時間! 上星期就同大家講咗有關沖繩搭的士嘅鬼故,今晚就同大家講有關電話亭嘅都市傳說。     「喂喂喂!搵邊位?」   唔知大家有無曾經試過去日本時,入電話亭打電話返香港報平安呢? 幾年前,我試過…… 又唔知大家有無試過打電話俾自己呢? 有無諗過,如果打通咗,係另一個人同你通電話,你會點做呢?     喺日本,傳說入10yen落電話,之後打俾自己手提電話。 留意!一定要係10yen呀!其他銀仔係唔得㗎!     接通咗電話之後,將電話亭話筒位置對住手提電話聽筒位置,然後就嗌 「さとるくん、さとるくん、おいでください。」(Satoru kun、 Satoru kun、 oide kudasai。) 意思即係「Satoru君,Satoru君,請聽電話。」 「さとるくん、いらっしゃったらお返事ください」(Satoru kun、irasshattara ohenji kudasai。) 意思即係「Satoru君,如果你喺到就請應吓我啦。」 不斷重覆呢兩句說
27
Oct 16
03:00
博客

超震撼!! 難波著名連鎖電器舖其實係關西靈異重災區!

坐落於難波嘅一間7層高大型連鎖電器店,小編姑且稱呼佢做BC電器店吧。相信應該很多遊客嘅荷包都有喺嗰度壯烈犧牲啩。不過,嗰度除咗係有名嘅血拼地區外,其實重係長期盤踞於關西十大,號稱大阪最猛之一嘅靈異地點。   同地點不斷傳出靈異傳聞   自從1972年發生震撼全日本嘅「大阪千日百貨火災」後,該地段就不停傳出詭異傳聞,甚至連今日BC的前身,源自法國春季一樣的百貨公司(下稱P百貨)都淪為靈異重災區。對於靈異事件連續發生,大部份人歸咎於火災做成嘅怨念太重,亦有人好似小說『殘穢』一樣,推理是由千日百貨地建築地區嘅前身:黑門刑場的亡靈吞併火災的冤魂坐大,甚至有人翻查記錄,發現「大阪千日百貨火災」嘅死亡人數,同刑場時代處決嘅人數同樣係118人!我哋而家一齊睇下佢地遇到過啲咩野。   有關大阪千日百貨火災,可參考以下新聞片:     話說現有的中文網路資源都有好幾個關於BC嘅傳聞,但其實佢地好多都係發生在P百貨年代的,這裡就綜合講下現有中文資訊有/冇提及過的傳聞。   P百貨的傳聞 千日百貨(圖片來源:隣の心霊スポット / 千日デパートの呪い)   1 有經常去
25
Aug 16
01:28
博客

膽量挑機32之廁所裡的花子

又到咗星期六嘅膽量挑機時間。 前幾日寫咗篇關於日本十大恐怖電影,唔知你最鍾意邊部電影呢? 當中嘅《鬼娃娃花子》,你又知唔知真實版本係點呢? 今集膽量挑機就要同大家講……   廁所裡的花子   花子本身嘅外表打扮就同小丸子好似,年約5歲嘅小朋友。 一個好似小丸子咁可愛嘅細路女點解會變成怨靈呢?     究竟花子係點死??? 網上有幾個版本,一一講出嚟,等大家諗下邊個可能性最大。   1‧花子去廁所時,突然心臟病發,失救而死。   2‧花子去廁所時,學校發生火災,花子被困走唔到而活生生被燒死。   3‧喺福島縣嘅小學圖書館,花子企喺窗邊,失足從高處墜下而死。   4‧花子長期被爸爸虐待,最後被虐打而死。   5‧花子被追殺,逃跑到學校三樓廁所第三格,但被追殺者發現而遭殺害。   6‧花子發現班主任在校內飲酒,班主任被校方革職後,於廁所內捉走花子,強灌花子服食大量安眠藥。花子被帶到草叢被強暴致死,再被棄屍於廁所內。
05
Mar 16
20:40
博客

膽量挑機7之池袋猛鬼酒店

又到左星期六晚既膽量挑機時間~   前幾晚同架仔朋友Y君傾計,當佢知道我住池袋時,就同我講左個關於池袋既鬼故…… Y君話幾乎所有日本人都知果到好猛鬼,而佢自己都唔敢夜晚經過。 我問點解,Y君話因為好易撞鬼,有唔少朋友夜晚經過果到,之後見到鬼。 唔知點解聽完,我係勁興奮,仲問Y君一唔一齊去,哈哈 Y君係咁講「無理!無理!」,仲話打死都唔去喎XDDD   究竟係邊到呢?就係池袋太陽城王子酒店!     唔知有無朋友住過呢間酒店呢?定係你而家住緊?哈哈哈   Y君話無日本人會住呢間酒店,因為出哂名猛鬼,只有唔知既外國人先入去住。 我問點解咁猛鬼,之前發生過咩事?係咪殺人事件? Y君話係好耐之前,池袋太陽城王子酒店既位置係二次大戰時期,甲級戰犯既「巢鴨刑務所」!     日文得半桶水既我唔太明Y君up咩,之後Y君做左個割頸既動作,嚇到我即刻摸實自己條頸=0=   係東池袋中央公園,就有個紀念石碑,希望死去既人得到安息~     其實同香港果d「喃嘸阿彌陀佛」石碑差唔多作用吧!?  
03
Apr 16
03:10
博客

膽量挑機12之受詛咒嘅東京鐵塔

又到咗星期六晚嘅膽量挑機時間~   今次去日本,我睇咗三次東京鐵塔~ 夜晚睇,真係幾浪漫㗎~當然,要睇對象啦~ 不過,你又知唔知道呢個咁浪漫嘅地方,同時都係一個好恐怖嘅地方呢?     先同大家講講東京鐵塔嘅背景先啦~   東京鐵塔於1958年建成,高333米,係日本嘅廣播電視電波塔。 係大樓入面嘅「FootTown」有蠟像館、水族館、特產店、餐廳。   係第二次世界大戰時,無數嘅死難者被埋葬於塔下位置。 末期時,日本軍係死前落下詛咒! 要世世代代嘅日本人都記得呢件事,要為佢地報仇!!!     後黎,果到變成增上寺嘅墓地。 無數嘅遺體並無被掘起遷移,就咁拆去墓碑,然後就興建東京鐵塔。 而東京鐵塔有部分係由朝鮮戰爭中所使用嘅90部戰車溶咗嘅鐵所做成。   而當時有個新興起嘅宗教,就要鐵塔以紅色為主,而且稱為「神之血柱」! 東京鐵塔吸取埋係地底死去嘅日本軍同國民嘅血,而染上血紅色!     網上傳聞,因為興建晴空塔,令日本人都衝去晴空塔,無再去東京鐵塔,
07
Mar 16
20:13
博客

池袋猛鬼酒店賽後報告!外加少年Jump樂園分享!

早兩日見到 新東方不敗 親身遊歷池袋猛鬼酒店(詳情可以睇 呢度 同 呢度 ),仲講到前身係甲級戰犯既「巢鴨刑務所」,而酒店就起到好似一個墓碑壓住啲鬼...   睇完真係當堂嚇一跳,呢間王子酒店我住過,我真係住過! 原來小編上年去東京就係住緊佢講緊嘅呢間「猛鬼酒店」,咁我回憶返上年嘅賽後報告俾大家啦。   新東方不敗就話如果住14樓以下會影啲撞鬼,小編上年就住10樓... (張相上網搵的,當於當時冇影相,但個格局係一樣) 首先講下間房先,房size就細細地,放埋喼就冇咩位行,不過一般應有嘅設施都有齊,係殘咗啲囉! 不過最大問題係個冷氣,唔知點解扭到最大都係好熱,搞到成間房好焗促下...   咁講返重點,有冇