體驗
27
Feb 16
01:14
博客

香港賽車模擬體驗!秋名山我嚟喇!

今次帶大家黎油塘,唔係機鋪呀!呢度自稱為賽車模擬中心。 雖然都係對住個 Mon 玩賽車遊戲,但係呢度就以真實為前提喎!   呢度主要係玩賽車場賽道!有好多選擇,同班朋友黎賽車應該幾好玩   有三種模式 計時賽 公開練習 朋友賽   有兩款賽車模擬器,普通既呢款大約有8部~   D-box 就只得兩部!D-box 近年睇戲開始興起,意思係會模擬埋震動感覺,令真實感上升!   全部機都用上呢個 T500RS 軚盤,有玩開 Playstation 賽車game 可能聽過,唔平嫁!   銀色果塊係用黎升波,就好似 F-1 果啲軚盤咁!唔洗再用掍喇~  
06
Jun 16
03:03
博客

去日本揀酒店定 Airbnb 好?睇埋我住 Airbnb 嘅體驗先決定啦~

愈嚟愈多人去旅行都會試吓住 Airbnb,好壞參半,今次我去大阪都住返兩晚 Airbnb 先~ 其實個人鐘意 Airbnb 多過日本嘅酒店,因為日本好多酒店都好細!連個篋都開唔到,開到又無位行…   Airbnb 就可以揀間大間啲嘅,最好就係揀啲可以最多住 4 - 6 位住客。但係如果兩個人去都只係會收兩個人錢! 你話抵唔抵先?不過都有缺點嘅~   今次就揀咗呢間 Great Location 5Mins to Dotonbori, 唔知點解佢會改個咁嘅名 lol。 網站顯示就 $296 一個人一晚,不過仲要計埋清潔費果啲,最後埋單就係 $880 兩晚,都唔算係好平。   book Airbnb之前最重要係睇評價先,雖然唔係好多人留reviews,得十個,但係整體都好評,所以應該無咩問題嘅~ 我事前仲要無同過個主人溝通過,淨係比錢,佢 email 啲資料俾我,然後我就自己去喇,所以其實都有啲驚中伏。   缺點嚟喇,Airbnb 都係公寓,係 Google map 搵唔到,要靠個主人 send 俾我個濕鳩地圖指示! (佢 email 個地址仲要係錯,唔知係咪特登)雖然離地鐵站唔係好遠,但係都夠我搵餐死…   終於到咗樓下,住宅區,周圍無乜店鋪。
15
Jul 16
19:18
博客

有乜好過去camping(一):日本富士山下去camping

  去東京成日都係食玩買,今次就嚟啲新意,同Xindy, Anne 去富士山下露營,逃離一吓都市煩囂~ 可惜嘅係去嘅時候六月撞正梅雨季,三日兩夜都係大雨中度過。所以咩 camp fire, bbq 都無得玩,仲見唔到富士山一眼 T_T 夜晚大部分時間都喺個營入面玩啤牌 lol   去露營出發前準備幾樣野先:   第一要去露營場地,首先要租架車。無車就好唔方便。 今次就喺 Toyota Motor Corporation 租 三日兩夜租車價格:22,140円 租車同還車點喺東京都好多,都好方便   再要訂定露營場地,今次個場就喺 朝霧ジャンボリーオートキャンプ場 三日兩夜價格:18,600円 姐係每人一晚 2,325円,因為我地要有電源露營位置,所以比較貴 東京去場地車程大約要兩個小時   最後就喺露營裝備,我地喺 Soranoshita 度租 租咗一個三人營加三個睡袋加一個營燈嘅套餐,再租多一個兩人營同一個睡袋 總數喺:33,776円/三日兩夜   拎裝備就可以喺東京門市拎,而還裝備可以 pack 返好放喺露營場地叫職員幫你寄
17
Mar 16
00:06
博客

外國人也OK的「食物模型體驗班」

睇完我上一篇Blog係咪好想參加「食物模型班」呢?但唔識日文冇得參加?唔洗灰心住!因為我已經為您、您同您搵咗一間提供英文班嘅製作所,有唔同「食物」選擇之餘,仲非常歡迎外國人參加添!   大和サンプル製作所位於池袋,但離JR車站有啲遠,要行成十幾分鐘㗎。(細細聲講俾你知,話說我返到香港,同爸媽講帶咗啲「天婦羅、拉麵」俾佢哋食,佢哋信以為真,仲諗住整熱食,我係咪好不孝? 遲啲行雷唔敢出街)   環境有啲似補習社   大和サンプル製作所會定期舉辦好多活動同展覽,你睇牆上有幾多簽名   未開始之前可以睇吓記念品先   就咁睇...合羽橋道具街嘅商品像真度比較高
20
Jul 16
23:34
博客

嚟東京?學整和紙喇!

一張靚紙係十分嘅吸引人,平時係文具店見到靚紙都會忍唔到手摸一摸佢。和紙世界聞名,難得嚟到日本梗係想認識更多有關和紙嘅嘢喇!於是呢,我同Helena就去咗「小津和紙」學整和紙。想參加和紙workshop只須要打電話預約就可以喇,就算唔識日文都冇問題,英語預約都ok。每個workshop收生都只係4、5人左右,價錢就大概係45蚊,十分之抵啊!由三越前站出發大概5分鐘腳程就會搵到「小津和紙」喇!   小津和紙係一間和紙專門店,除咗一般書寫用嘅紙外,更加有出售各式各樣嘅手漉和紙(Handmade Washi)同千代紙。每張紙嘅價錢都唔一樣,有啲定價幾千蚊港紙,平嘅五、六十蚊都有選擇。   一開始師傅播左段有關和紙嘅短片。睇完短片就開始整和紙喇!師傅會示範兩次,跟住就到我地喇!步驟唔算太複雜,首先將一個叫「簀桁」嘅竹器兜五次造和紙用嘅漿,每次動作都唔同,要掌握好力道同速度都有一定難度。   然後就慢慢咁壓返張紙出嚟。呢個時候張紙仲係好濕,未拎得上手嫁!要用機風乾佢!
01
Mar 17
00:57
博客

東京 3日2夜 鐵路迷朝聖之旅 - 第一天

東京 3日2夜 鐵路迷朝聖之旅 - 第一天   行程時間表: 12:00:從香港出發 07:00:到達東京,搭Skyliner出市區再轉 JR 到JR大宮駅 11:00:先放低行李於大宮Marroad Inn酒店,再轉車到埼玉新都市交通鐵道博物館駅 18:30:出發前往 TOMIX World 大宮遊覽1 小時 20:30:回大宮Marroad Inn酒店休息   鐵道博物館 鐵路朝聖之旅當然要去全日本最大同收藏車輛最多嘅鐵路專門博物館【鉄道博物館】啦。位於埼玉縣埼玉市嘅鐵道博物館前身就係位於秋葉原嘅交通博物館。為記念JR東日本成立20周年,因舊有交通博物館已經有70幾年歴史,地方太小無辦法再放火車入去同埋無方法增加無障礙設施,所以2004年正式宣布喺舊有嘅JR東日本大宮工場嘅車輛解體場,興建一座全新嘅鐵路專門博物館。 要由東京去鐵路博物館的話,要先去到埼玉縣嘅大宮先,喺山手線圏嘅渋谷、新宿同池袋嗰邊的話可以坐埼京線或湘南新宿線,係山手線圏嘅品川、東京同上野嗰邊的話就可以坐高崎、宇都宮線、東京上野線或京濱東北線去大宮,車程約30 - 50分鐘左右。去到大宮就要再轉埼玉新都市交通伊奈線,坐一個站就到鐵路博物館站(大成)。車費就要190円,另一個方法就係行過去,不過要由大宮行成30分鐘先去到
08
Nov 16
00:51
博客

【極寒體驗】入住寒冰村零下6度的冰之旅館

有冇想像過如果冬天去北海道,喺冰天雪地之下入住埋室內只有零下6度嘅酒店會係點?喺咁低嘅溫度吓過返晚竟然唔會變雪條,仲可以有前所未有嘅溫泉體驗,同埋欣賞到畢生難忘嘅迷人雪景添!     呢個冰之旅館嘅外型似足愛斯基摩人嘅冰屋,呈半圓形,位於北海道Hoshino Resort Tomamu嘅Ice Village入面,成個旅館都係由一舊冰雕成,仲係要喺零下14度之下連續3日先雕到出嚟,所以話嚟到北海道又點可以唔嚟朝聖吓呢!     其實呢個冰之旅館每一年都有,不過今年就更加特別,加設咗個露天風呂。呢個露天風呂參觀係免費嘅,不過要浸就住客限定,即係話唔係冰之旅館嘅住客就有得睇冇得浸,好殘忍啊......一坐入風呂嗰刻,視線同冰面形成同一水平,加埋天上繁星閃閃,個景靚到真係好似去咗第二個世界一樣!     浸完風呂行返去個冰之旅館睇睇,原來真係唔係得個殼,入面竟然有用冰雕成嘅枱、梳化同床,真係所有野都用冰整成㗎!     咁凍,係咪擔心會冇覺好瞓?放心,旅館方
22
Feb 17
02:35
博客

今日係日本「忍者の日」! 話你知「4大必玩焦點活動」

今日(2月22日)除咗係「猫の日」,原來仲係「忍者の日」!喺呢一日,日本全國散落各地嘅忍者末裔都會大搞同忍者有關嘅活動,如果你都想認識呢個喺日本有悠久歷史嘅傳統文化,以下各地嘅焦點活動你一定會有興趣!   1. 擲手裡劍免費體驗@京都   雖然呢個活動只係擲膠造嘅手裡劍同對象以小朋友為主,但就喺超正式忍者修道場內進行,由伊賀流忍者親自教授,感覺成個活動都超認真,一啲都唔山寨!每個小朋友可以有30次擲手裡劍嘅機會,館內仲展出咗多件200年以上歷史嘅忍者相關物品,非常有趣!   地點:京都市下京区白楽天町528 二階NINJA DOJO and STORE 日期:2017年2月5日、12日、19日、26日 10:00~18:00 網址:ninjadojoandstore.com   2. 必影trick art穿梭草津線各站@草津   作為忍者之鄉,甲賀又點可能會冇同忍者有關嘅活動!喺2月22日、25日、26日呢3日,JR草津線寺庄站、甲賀站、油日站嘅車站職員將會化身成忍者為大家服務,站內更加會見到忍者相關嘅trick art,如果想更深入了解呢個忍者之鄉,不訪租架單車由寺庄出發,親身感受滿佈各個小區嘅濃濃忍者氣息。   地點:JR草津線 寺庄站、甲賀站、油日站 日期:2017年2月22日、25日、26日 網址:
12
Nov 16
00:23
博客

【有得睇有得玩!】激靚世界級體驗型燈飾

一步入冬季,好多別具特色嘅燈飾裝置都陸續開始出現於日本各地,當中有以櫻花、青之洞窟等等唔同主題嘅燈飾,但如果你問我有冇再特別啲嘅推介,我會話畀你聽,今年位於伊豆公園嘅燈飾一定滿足到你!     呢個燈飾活動今年已經係第二季,使用LED燈泡數目更加係第一季嘅兩倍,由200萬個增加到400萬個,當中嘅「光之花田」更堪稱係全世界最大型嘅燈飾,一朵朵發哂光嘅花,望落去真係好靚!     除咗光之花田之外,園內仲有唔同嘅主題,好似「宇宙」、「Fantasy」、「侏羅紀世界」等等,每一個都營造到好特別嘅氣氛,一行入公園範圍已經好似去咗第二個世界咁。   「宇宙」   「侏羅紀世界」   但係講到最特別,都係園內超過10種嘅遊樂設施,估都估唔到喺唔同嘅燈光之下竟然可以玩到空中溜索、碰碰車、賽車,喺燈光之下穿嚟穿去真係超靚又超好玩!  
08
Jul 16
00:11
博客

【潮玩石垣島】自己落手・染布體驗工作坊

如果有去旅遊展嘅朋友,可能已經發現HK Express最近開咗三條新嘅日本航線,分別係石垣島、高松同鹿兒島。今次我就帶你地潛入沖繩縣入面嘅石垣島,到底有咩玩?   對香港人嚟講,石垣島呢個名可能會比較陌生,不過由香港搭飛機過去其實只需兩個幾鐘左右就可以到達,非常方便。   ▼國際線大堂比較細,只係用於基本出入境。如果你想買手信或者用餐就可以到旁邊嘅國內線大堂,徙步過去只需兩分鐘。     ▼今日要介紹嘅景點就係傳統手工藝教室嘅みね屋工房。選中佢為第一個介紹嘅景點,除咗因為佢充滿傳統色彩之外,同時亦因為佢仲有一個趣味性好高嘅「草木染體驗」。     ▼老師會安排我地進入一間小教室,講解如何製作唔同嘅圖案。而基本款式就係白板上面貼住嘅方格同圓型。     ▼工具簡單,一眼睇晒,就係手套同手巾仔。