香港
07
Apr 18
00:22
博客

日本旅客心水海外目的地 香港位居第五

4月4日日本旅行協會(JATA)發表的報告公佈了於今年黃金週最受日本旅客歡迎的目的地排行榜。香港於海外排名中由上年的第八位上升三位,穩佔第五。據了解,香港受「女子旅」(閨蜜旅行)這類少數女生組團的旅客歡迎。另外,也有旅客喜歡於黃金週後期(5月3日~6日)參加香港・澳門的旅行團。香港旅發局數據亦顯示,截至2018年2月,日本訪港旅客已達18萬名人次,排第三,僅次於台灣及南韓。   香港的魅力 香港維港夜景被日本夜景觀光Convention Bureau評為「世界三大夜景」之一,為日本旅客訪港必到勝地。乃木坂46的成員參加C3AFA到埗當晚亦有到尖沙咀海傍欣賞夜景。日本水果價錢較貴,來到香港當然要品嚐一下許留山的芒果飲品。 來到香港,亦少不得到中環等地拍下舊色建築。《戀愛香港》劇組也曾到中環石板街留倩影。 旺角一個個的招牌也是日本人對香港的印象之一。madame FIGARO Japan 24時間、香港中毒背景封面亦用上此類招牌。 食方面,香港中西文化交匯,能找到各地美食,小食、點心及燒味等地到美食也深受日本旅客歡迎。從乃木坂46成員的笑容可知道香港蛋摓相當吸引。   關於日本黃金週 今年4月28日至5月6日為日本黃金週,不少日本人都會選擇到海外或國內旅遊,若於
04
Apr 18
04:00
博客

香港清酒學校:推廣 日本清酒 文化

係香港鐘意飲日本清酒的人增加得好快 ,眼見市場成熟,錢雋永先生係去年新創辦左「香港清酒學校」,身兼創辦人兼校長。而學校總監係SSI培訓講師梁一鳴先生,兩人合力係香港推廣清酒文化,希望更多香港人可以愛上日本清酒。 試酒會:日本清酒四種味道 上週錢先生以及梁先生專程黎左東京同日本清酒專家奧島先生舉辦左個試酒會,係日本酒、焼酎、威士忌以及啤酒呢4個類別揀選學校所需的教學用酒。日本清酒種類繁多,味道主要分四種:醇酒、爽酒、熟酒、薰酒,各有不同享受,3人要係50多枝酒當中揀出36枝,而且要包括哂以上4種類返香港都真係花費左唔少心機,為左學生大家都好認真。 左起:錢雋永先生、梁一鳴先生、奧島先生 各位對清酒有左少少興趣的朋友,請聯絡「香港清酒學校」,「香港清酒學校」有舉辦唔同課程,由淺入深,最基本的「清酒基本課程(興趣班)」、最著名的「SSI日本唎酒師專業證書課程」、以及可以獲得更多專業知識的「日本酒學講師課程」,無論你係清酒初哥定係資深品酒人,都可以搵到你適合的課程。 香港清酒學校 香港清酒學校成立於2017年,是本港第一所清酒學校。致力敎授更多人認識清酒的知識以及深入了解不同種類清酒的特性。從而另更多人可享受和培訓更多專業人士去發展清酒事業,令更多香港人認識清酒。 地址:尖沙咀金馬倫道38號金龍中心12樓1203室 網站:https://www.sakesc
03
Apr 18
02:38
博客

乃木坂46 meets Asia!~香港之行紀念特輯節目

踏入左四月後,唔知大家對二月份乃木坂46嘅香港表演印象係咪仲好記憶猶新呢? 幾日前,以香港公演影像同成員訪問片段為主嘅特備節目《乃木坂46 meets Asia!~香港ver.~》於多個網上平台發佈, 可以俾大家再度回顧一個多月前嘅演出。 圖片:成員在演出前組成圓陣互相打氣   逗留係香港果幾日嘅乃木坂46嘅成員係進行演出同接受我地LikeJapan嘅訪問之餘,佢地亦有係香港各地取材拍攝。   衛藤美彩:香港印象華麗 節目中個人訪談打頭陣嘅係衛藤美彩。 圖片:衛藤去左旺角女人街揀旗袍,又去左金魚街果頭拍攝   衛藤係第一次到訪香港,對香港嘅印象就係「華麗」(日文:派手)。 另外衛藤表示越來越感受到亞洲粉絲增多嘅現象,尤其係好多都係黎自香港, 令佢非常好奇香港粉絲到底係幾時同透過咩途徑認識到乃木坂46。   星野南:決心要講廣東話回報粉絲 第二個出現嘅成員就係星野南(星野みなみ)。
23
Mar 18
19:55
博客

7仔飯團原來好特別?日本人讚「小龍蝦沙律飯團」好食!

專欄:[日本在香港] 香港人鍾意日本野,唔少產品包裝都會加上日文字眼,望落「和風」啲咁!估唔到日本人嚟香港都會買嚟試,仲up相話呢款「小龍蝦沙律飯團」好好食,係日本搵唔到嘅口味……日本網民反應就好熱烈,唔知大家睇完有無興趣試下呢? 感謝相片提供:_uranus238 傳送門   話說推主喺香港7仔買咗個「小龍蝦沙律飯團」,食完up相分享,佢就咁講:   香港のセブンイレブンにて。 pic.twitter.com/GQpQalwhJc — ウラヌス238 (@_uranus238) 2018年3月19日 (意思:香港7仔見到就買咗嚟試) (意思:外表望落好似係蝦咁,鍾意呢個味道,見到嘅話會再買) 而呢兩張相引起好多網民關注,多達7000人retweet,似乎日本人覺得個飯團好新奇!有人就好見到包裝上寫滿片假名,以為香港人識睇日文! 日本網民意見: Asterism:(產品名)用片假名標示,香港人睇得明? 推主:香港人睇唔明片假名。不過日本產品喺香港人氣好高,適當地寫上片假名,會更吸引人。
20
Mar 18
07:40
新聞

香港人全球最不愛笑 日本搞笑組合如何弄笑香港人?

專欄:[日本在香港] 美國嘅威斯康辛大學麥迪遜分校對全球32個國家嘅「微笑文化」進行左一項查,結果發現相比於情感表露指數最高嘅津巴布韋,指數最低嘅就係香港,反映出香港人最不愛笑。結果,讀賣電視台嘅節目《穴埋めデータSHOW》就睇到依個研究,開始諗要點樣先可以令香港人發笑啦! 佢地派左日本新人搞笑組合「ニッポンの社長」去香港街頭採訪,佢地隸屬於日本著名藝人經紀公司「吉本興業」,主要以漫才去搞笑,嚟到語言不通嘅香港真係一大挑戰啊! 出處:《世の中の気になるギモン大調査 穴埋めデータSHOW》佢地首先嚟到左香港進行街訪,攔截左30分鐘先搵到第一對肯做訪問嘅香港人情侶。「ニッポンの社長」問到底香港人點解唔愛笑,受訪嘅哥仔就話「香港人工時長,工作壓力極大,隨時想笑都唔得」,原來香港人嘅工時係世界第一長,甚至係日本嘅1.5倍,令到好多日本嘅嘉賓都大吃一驚。 知道咗香港人唔笑嘅原因之後,依隊搞笑組合嚟到左旺角行人專用區,仲製作左一個搞笑項目嘅名單,當中25個表演,包括「漫才、顏藝、扮海外明星、食勁辣料理、食勁熱嘅野、棒打屁股、二人接吻、空手接白刃、小劇場、一口氣飲可樂、扮海外名人、估箱中放咗咩、掟蛋榚、扮動漫角色、歌舞伎」等等,去測試有咩橋先會令香港人發笑。佢地開始表演之後,大部份表演都比旺角嘅人表示「無聊」、「好悶」,睇嚟唔識廣東話嘅日本藝人想喺香港搞笑真係有難度。咁樣嘅情況一直持續,直到佢地表演…
17
Mar 18
05:28
博客

居港日本人的藍帶廚房 - 岡田真由子

居港一年多的岡田真由子(Mayu)廚藝了得,曾在「近茶流・柳原料理教室」學習日本料理及懷石料理,及曾在巴黎藍帶廚藝學校學習。她擅長把日式料理的元素混入法式料理中,如在醬汁中加入日式味噌,或以日式柚子代替檸檬做菜,創作出自成一格的高級料理。 岡田真由子 與法國的不解之緣 Mayu在日本名古屋出生,小時候在料理書及食譜上,看到精緻的法式料理後,對法國留下深刻的印象,同時亦對烹飪產生興趣。後來,Mayu終於有機會到巴黎旅遊,親身接觸到其歷史建築、藝術及法式精緻料理後,深受感動,對法國及法式料理產生憧憬,理解到美食不僅是一場五官盛宴,更是一種藝術。本在北美及歐洲地區任職金融業的Mayu為了學習地道的法國菜,專誠到法國巴黎的藍帶國際學院學習經典法國料理,包括西餐料理和甜點烘焙的專業培訓,成為專業的料理人。畢業後,Mayu在法國外交部工作,為大使館的客人及貴賓烹飪。 ▲Mayu在烹飪課時,仔細地教授食材的知識。   ▲Mayu一雙巧手創造出精緻的法式料理 岡田真由子 居港的藍帶廚房 Mayu跟隨丈夫來港生活後,經營著「Mayu's Kitchen & Co.」,主要為客人及私人派對烹飪,以及開班教授烹飪。現在她正在學習藥膳課程,由於法式料理的卡路里較高,所以Mayu冀望可以融入藥膳料理的元素,創作出乎合香港人口味的健康菜式,為客人帶來健康又美味的味覺體驗。   Still.ink | 影像.文字.說故事 大千世界,唯文與影。 每周一集與你從影
03
Mar 18
02:25
博客

第42屆香港國際電影節:日本電影特集

去年11月嘅香港亞洲電影節完美結束後,話咁快就到第42屆香港國際電影節,今屆將會放映一共17套嘅日本電影同紀錄片,當中兩套日本電影更成為開幕電影同閉幕電影,兩套獲入圍支持同鼓勵電影工作者嘅火鳥大獎,一齊嚟睇下17套電影嘅介紹同預告片啦!   1. 開幕電影 《盛情款待》 Omotenashi 導演:陳鈺杰 演員: 田中麗奈、王柏傑、余貴美子、木村多江、藤井美菜 片長:96分鐘   放映日期: 19/3  19:30  香港會議展覽中心 20/3  20:00  The Grand   一昔如環,昔昔都成玦,曾經風光一時的明月館成了明日黃花。凋零的琵琶湖溫泉旅館被老闆娘的台灣舊相好買下,他派往監督翻新工程的兒子卻另有盤算。異想天開將之改裝成新式婚宴場,替念念不忘的前女友辦婚禮,同時趁機暗中把旅館賣掉。老闆娘女兒、老闆兒子及打工換宿的哈日宅男跟資深老師學習日本傳統「待客之道」,過程中三人尋回迷失的自我,重拾若即若離的感情。成長於美國的台灣導演陳鈺杰首部劇情長片,是日本及台灣合作電影,以抽離視野與故鄉情懷看文化差異,既遠且近,舉重若輕。月圓月缺,笑着豁然面對人生。   2. 閉幕電影 《嫲煩家族3走佬阿嫂》 What a Wonderful Family! 3: My Wife, My Life 「妻よ薔薇のように 家族はつらいよIII」
17
Feb 18
06:07
博客

彩雲國物語 OP廣東話版 日本人大讚美聲

專欄:[香港在日本] 記得細個一放學就會開電視睇動畫,日日聽嘅廣東話版主題曲自然朗朗上口。每年暑期播嘅兒歌金曲頒獎典禮更加係一定會睇!不過依加廣東話動畫主題歌已經係時代嘅產物。 之前hoki同大家介紹咗21世紀嘅日文歌改編廣東話詞,然後有網民提供資訊話以前鍾嘉欣唱嘅彩雲國物語都好受日本人歡迎。 彩雲國物語@日本 充滿中國風嘅故事彩雲國物語由2006年4月開始喺NHK播放,Opening「はじまりの風」(起始之風)由以柔美歌聲獲得高人氣嘅平原綾香演唱。 平原綾香官方網頁:http://www.camp-a-ya.com/彩雲國物語@香港 香港方面,繼07年Animax播放之後,TVB亦都係08年開始播彩雲國物語。Opening《起始之風》就由鍾嘉欣演唱。 根據網友提供嘅資訊去日本niconico一搵,就搵到鍾嘉欣唱嘅廣東話版《起始之風》。 日本網民反應 網民大讚嘉欣靚聲,而因為故事充滿中國色彩,有日本網民甚至話呢個更加似原版。
09
Feb 18
03:26
博客

香港買果欄日本士多啤梨!

日本的士多啤梨在香港一向非常受歡迎,當中的種類有很多,不同品種和產地都會令味道有所不同。油麻地果欄處處都有售賣不同的日本士多啤梨,今次介紹當中最受歡迎的4種士多啤梨,大家可以因應自己的喜好和價錢選擇。尤其在農歷新年臨近,用來送禮就最好不過。 1. 熊本士多啤梨 來自熊本縣的士多啤梨,一向是大家的心水之選。 果欄價:$110一盒   2. 福岡甜王士多啤梨 福岡縣的甜王士多啤梨,顧名思義味道非常甜。 果欄價:$110一盒   3. 佐賀美少女士多啤梨 來自佐賀的士多啤梨,價錢可以說是多款中最低。 果欄價:$100一盒   4. 淡雪士多啤梨 粉紅色的外表,價格稍高,但味道濃郁。 果欄價:$230一盒   現場所見,日本的士多啤梨可以說是非常搶手,而且每檔都會擺士多啤梨在當眼位置。 伍記欄鮮果皇 地址:油麻地石龍街1號
27
Jan 18
00:48
博客

香港取景!乃木坂46畢業成員 伊藤萬理華推寫真集

前乃木坂46成員伊藤萬理華,上年宣布離隊前曾到訪香港街頭,拍攝佢嘅首本個人寫真集!之前週刊プレイボーイ(週刊Playboy)就公開咗部分相片,除咗一貫嘅可愛形象,伊藤萬理華仲挑戰成熟味嘅造型,企喺廟街鹹書檔前、瞓喺劏房影相!寫真集將於2月20日,伊藤萬理華22歲生日時推出,好有紀念價值,各位fans唔好錯過喇! 對於佢嘅畢業,週刊Playboy以 ‘ここで終わり、ここからはじめで’去形容,希望伊藤以「完結」去準備新嘅「開始」。寫真亦特地以「日與夜」作主題,帶出今晚完結後,新一日嘅早上會悄悄地開始嘅意思。所以,今次嘅寫真集,可以話係伊藤6年嚟嘅乃木坂生涯嘅總結,並係佢開展人生另一個階段嘅里程碑。 以下為雜誌公開嘅相片﹕ (圖片攝自:乃木坂46×週刊プレイボーイ 2018年 1/10号) (圖片攝自:乃木坂46×週刊プレイボーイ 2018年 1/10号) (圖片攝自:乃木坂46×週刊プレイボーイ 2018年 1/10号) (圖片攝自:乃木坂46×週刊プレイボーイ 2018年 1/10号)