餐廳
08
Sep 17
22:13
博客

【高達迷必到!】東京台場「高達全景食放題餐廳」推介!

台場高達喺2017年9月24日正式開幕,一眾高達迷係咪已經排定期準備去一睹風釆呢!去睇高達除咗可以棟正正係前面睇之外,附近其實有一間餐廳就喺正高達身後,坐喺高達後面慢慢食返個lunch,對高達迷嚟講真係一大樂事!   【APOLLO@Diver City TOKYO Plaza】 位於台場Diver City6樓嘅APOLLO就係可以望到整個高達嘅餐廳,呢度主打自助餐,除咗肉類、意粉類、Pizza類、和食類等等基本美食之外,餐廳仲會不定期推出限定menu,好似9月7日起就會提供炸雞同抹茶甜品自助餐menu,款式多到食唔哂!   到啦!就嚟見到高達啦!   冷盤熱盤都有,仲有朱古力噴泉同多款甜品,睇見都興奮!   抹茶甜品係最近推出嘅新menu,抹茶控
26
Aug 17
02:55
博客

【放送室】港人東京做老闆 分享日本開店攻略

唔知大家仲記唔記得,之前我地嘅節目《香港人日記 藍與白的3米3》訪問過一對喺東京開粥店嘅香港人夫婦呢?上次睇過佢地追夢嘅故事,今次就聽下男主角Henry分享佢喺日本開店嘅心得啦!   日本開店入場費 最少一年500萬 想知點喺日本開店,首先要知道自己開唔開得起ww 如果想拎投資經營簽證,親身過日本做老闆,一年最少要投資500萬日元去間公司到,包括舖租、員工嘅人工、宣傳費等等。留意:依500萬日元係唔包括入貨等開支㗎!   假如冇500萬又想去日本開店的話… 如果你嘅投資金額唔夠500萬,有冇其他方法可以拎到投資經營簽證呢? 有!就係請一、兩個日本人做全職員工啦!因為2個日本員工嘅人工,1年加埋就差唔多等於500萬,所以大家都可以選擇唔投資500萬而係請個日本人。不過Henry就覺得投資500萬容易得多:「因為如果你唔係一間海外嘅大公司,只係一間小店的話,真係好難請到個日本人幫你打工囉!」   老闆都要出人工畀自已 提提大家,就算你已經投資咗500萬日元開公司,另外仲有一筆錢係一定要洗嘅,就係要出人工畀你自己啦!Henry解釋:「由於日本政府要確保你有足夠嘅錢生活,先會畀個VISA你留喺日本,所以你間公司每個月都要出到大約25至28萬日元嘅人工畀你自己先得!」咁計落,一個人要喺日本以經營簽證開公
14
Jun 17
18:23
新聞

九號水產高水準日本餐廳

九號水產4間日本高級餐廳 將於6月16日開幕嘅九號水產,除咗有得買海鮮,仲有4間餐廳會一齊開幕,其餘會陸續開幕~今次我試咗呢4間餐廳入面最有名料理~一齊睇下有咩啱食啦! 首先介紹嘅呢間頤之味壽司吧 Daimanzoku,聽個名就知係食壽司啦~不過佢特別之處係有高級壽司吧之餘仲有自助食堂,雖然話係高級壽司吧,但係價錢比較相宜~壽司吧有師傅即場製作,魚缸展示各種海產,可以即點即劏~日本食材會每週11次空運到港,保證新鮮!壽司吧有非常有經驗嘅日藉師傅坐鎮,仲會以廣東話同客人溝通! 西村壽司 本港已故元祖級日本廚師西村弘美嘅原創料理,由上面開始介紹,北海道馬糞海膽、北海道甜蝦、九州免治拖羅蓉,再加上三文魚籽,非常矜貴嘅一道,但價錢就好親民 $68 沖繩溫泉蛋沙津 溫泉蛋係日本沖繩出產,食得安心$48   冬甩壽司 (只限自助外賣區) 上年開始日本興起嘅冬甩壽司,呢到都有得食啊~賣相色彩繽紛,以不同食材醬汁配搭出六種口味 $35   繽紛壽司杯(只限自助外賣區) 同樣色彩繽紛用透明杯裝,方便食用 ,有大小杯裝$28~68
26
May 17
01:51
新聞

江之島附近人魚開嘅餐廳?

人魚開嘅餐廳? 江之島附近有一間餐廳用「人魚開嘅cafe」作概念成話題 江之島駅徒步10分鐘,一個好大嘅白色牆,就係呢間叫Lucky Meal Mermaid嘅餐廳啦! 裝修以白色同藍色作色調,掛上江之島風景嘅油畫,好有海洋氣息 食物都好有海洋氣息,使用四季當造蔬菜同當地產食材,配上一個個非常可愛嘅貝殻裝飾~ 意粉 1,350yen   飲品都好有風味~ Smoothie 650yen 地址:神奈川県藤沢市片瀬海岸2-8-17 2F 營業時間:10:00~22:00
23
Apr 17
10:11
博客

在懷舊洋菓子Cafe BonBon食名古屋風早餐~

嚟名古屋好多人都會話必試名古屋風早餐=紅豆toast!不過10個人有11個都係叫你去食名古屋某連鎖cafe,我就決定試下當地人推薦嘅極懷舊、電影味濃厚,有接近70年歷史嘅Cafe BonBon! 從榮嘅綠洲Oasis附近行過黎都要差唔多10-15分鐘。唔算近,但沿途經過嘅街景唔錯,會見到日本嘅學校同埋附近有個公園! 見到屋頂個大招牌就知道你行到喇!見到佢嘅外面有啲似香港啲懷舊西餐廳(皇X餅店個種)。 Cafe出面其實係西餅店,有好多好靚同精緻嘅西餅,喺cafe入面都可以叫嘅~不過今日我哋就嚟試佢個早餐啦! 我哋到嘅時候已經完咗個早餐時段,所以就散叫紅豆toast(360Yen)同埋一杯春季限定櫻花Tea Latte(400Yen)~ 櫻花Tea Latte嘅櫻花味唔會話好重,輕輕一陣花味,連有茶味嘅Latte一齊送入口,簡直係幸福嘅感覺!
20
Apr 17
02:51
博客

【札幌市民間美食!】¥500以內「超平價」餐廳3選!

一講到近海嘅札幌,第一時間一定係諗起海鮮飯同海產料理!不過地膽教路,除咗呢啲海鮮料理,札幌市其實仲有好多¥500以內都食到嘅民間美食,仲要質素一啲都唔差!以下呢3間都係「北海道限定」嘅連鎖餐廳,離開咗北海道之後想食多次再三回味?SORRY,冇噃~   1. MIYOSHINO 「MIYOSHINO」於1967年開業,喺北海道已經有25間分店,當中有成20間都位於札幌,多得誇張!呢度最受市民愛戴嘅就係大碟夾抵食嘅煎餃子,一碟9件都只係¥308,好味嘅程度係佢地日日食都唔會厭!   平均除開一件只需¥30左右嘅餃子咬開係會有肉汁咇出嚟!如果食唔到9件咁多,可以點6件,都只係¥200。   一定要試埋另一招牌料理「餃子咖喱飯(¥470)」!自家製嘅咖喱飯上面放住3隻啱啱煎起嘅餃子,鍾意點咖喱食又得,食完咖喱飯先慢慢歎又得。   雖然呢個拉麵嘅配料平凡得不能夠再平凡,但由於價錢真係非常低,一碗都只係¥390,就算叫多9件餃子食到飽一飽都仲係¥1,000有找,真係好難以置信......   ぎょうざとカレー「みよしの」八軒店 地址:札幌市
04
Apr 17
01:34
博客

名古屋美食推介:小清新雞肉柚子鹽味沾麵+王道台灣拌麵!? 本丸沾麵店

之前有機會到名古屋出差當然把握時間出去獵食啦!來到名古屋大家都會推薦食某某店嘅雞翼、某某店嘅鰻魚飯,來來去去都係嗰幾間。小編就問咗真係來自名古屋嘅朋友S子,佢就推介我食呢間位於榮嘅本丸沾麵店! ▲喺日本版OpenRice(Tabelog)都有3.58分高分㗎!(平均3.5分以上叫高分) 呢間本丸沾麵店位於榮非常繁榮嘅區域,感覺就好似喺新宿歌舞伎町入面嘅小店一樣,附近四周圍都有好多大型酒吧同食肆,令佢感覺無咁起眼。 店內只有一張長型對牆嘅枱,得11個位,所以中午或者夜晚黃金時段嚟都唔排除要等位! 當晚我差唔多9點半先去到,都等咗大概5~10分鐘啦!不過等位前記得先點菜買飛先! 我哋被吸引嚟最大嘅原因係佢呢個雞肉柚子鹽味沾麵!平時食沾麵食魚介湯底,雖然好食但好似無咩新意,難得可以食下新口味、仲要聽落去勁小清新梗係要試下啦! 首先同大家介紹雞肉柚子鹽味沾麵(750Yen),首先呢個份量係普通,其實都幾夠食架~個湯入面除咗有雞肉仲有自家製雞肉丸子,全部都係細細粒,一啖咁嘅size。另外真係會夾到柚子,同埋
31
Mar 17
19:38
博客

石原聰美化身可愛水手帶你遊浦安魚市場!

2017年石原聰美繼續帶大家坐東京地鐵好悅目發掘新奇好去處!今次就搭東西線去到浦安市,不過唔係嚟Disney,而係去食新鮮海鮮同捕魚!另外,大家有冇覺得BGM把聲好熟?今次係由小林武史製作,邀請咗中島美嘉同Salyu合作為廣告演唱廣告歌「Happy Life」~ 今次小惡魔石原聰美著住開肩水手風服裝帶大家嚟到位於海邊嘅浦安,呢度唔單止有歡迎大家光臨嘅魚市場,仲可以喺東京灣體驗搭船釣魚(吉野屋),仲可以食到呢度嘅名物:蛤蜊串燒! ▲女神個吃貨樣真係好幸福咁~~ 一如既往,Find My Tokyo廣告系列YouTube都有得睇石原唔同嘅小挑戰影片。 首先係喺離浦安站步行三分鐘,去浦安魚市場入面揀條好魚~~ 石原仲畀大家三個tips揀條好魚:1)有鮮艷色澤 2)魚身發漲 3)魚目係黑黑實實 浦安魚市場 地址:千葉県浦安市北栄1-10-20 電話:047-351-4171 營業時間:4:00~12:00 ※也有部分店鋪午後繼續營業
16
Mar 17
23:08
博客

日本人開嘅「墨西哥餐廳」!?想感受異國風情必到!

日本有幾個地方都有美軍駐守,而佐世保就係其中一個,所以喺佐世保有好多外國面孔,而當中90%係現役軍人,其餘係選擇喺佐世保落地生根嘅退役軍人,因此佐世保有好多好得意既混血BB。   為迎合美軍口味,佐世保有唔少美式、墨西哥式等等嘅特式餐廳、酒吧。今次介紹嘅就係位於佐世保下京町嘅墨西哥餐廳「Mike’s Sasebo TEXMEX」,呢間餐廳年中無休,幾時嚟都唔驚摸門釘!   店面唔算大,坐到大約20人左右,有一個迷你吧台,可算係麻雀雖小但五臟俱全。天花板全部都貼滿美金,而鮮黃色嘅牆身貼滿到此一食嘅客人相片(多數係外國客),睇得出呢間店備受外國人歡迎!店長係日本人,但職員多數係海外留學生,而大部份係緬甸既嘅學生,由於日文同英文都唔係佢地嘅母語,落單時難免會有甩漏,所以嚟呢度食野請花多少少時間耐心溝通(咪當同佢地文化交流下囉XDD)。   自家製粟米片配墨西哥莎莎醬salsa 個特製醬汁酸酸地辣辣地好好食!唔食得辣既可以要求轉配牛油果醬Guacamole(牛油果控大愛!),雖然粟米片未見得太特別,但個醬就真係會令人食上癮!   Quesadilla墨西哥餡餅
17
Feb 17
03:09
博客

日本人點睇「帶埋細路去居酒屋」?

居酒屋對香港遊客嚟講,可能只係可以又飲酒又食到一碟碟日本嘢嘅地方。但其實居酒屋文化喺日本絕對係一個屬於大人嘅世界!返工好攰嘅上班族放工就係去居酒屋happy,食煙飲酒兼大大聲吐苦水,有時喺居酒屋坐近啲都會聽到唔少隔離枱嘅花生㗎! 不過小編都曾經見過,有家長係會帶埋小朋友去居酒屋嘅。最近網上出現到底應唔應該帶小朋友去居酒屋嘅討論,不如一齊睇吓日本人點諗啦! 日本一個讀者群主要為媽媽嘅網站Happy Mama就做咗個網上調查,顯示66%嘅家長/讀者都反對帶埋小朋友去居酒屋。 反對理由:居酒屋係大人嘅地方! 有唔少反對聲音都表示,居酒屋係屬於大人社交嘅地方,因此唔應該畀小朋友參與。「如果係用完主個室就話啫,但居酒屋入面好多人講嘅嘢都唔啱小朋友聽,而且如果因為小朋友存在而要有所避忌都唔係好合理。」 讀者們都話居酒屋始終係一個畀人飲酒吹水嘅地方,如果係一家大細嘅話應該去返啲連鎖家庭式餐廳!有啲人更加覺得帶埋小朋友去居酒屋係啲大人自私嘅行為添呀。唔單止多二手煙,而且飲醉酒嘅大人亦都可能構成小朋友嘅危險同帶嚟壞影響。 咁點解又會有成33%嘅人贊成呢? 贊成理由:因為我關